Hosea 10:8 - Digo Bible

⁸ Mo mwatu mwa dzulu mwa kuvoya vizuka ko Aveni mundabanangbwa, mana kuko ndiko Aiziraeli ahendako dambi. Miya na vidunga-dunga vindamera na vilingelinge mo mwatu mwa dzulu mwa kulavira sadaka, ndipho atu andaambira myango, “Hufwinikeni,” na vidzango, “Hugbwerereni.”

Hosea 10:8 Iomraidhean Croise

Mwandzo 3:8

Iriphofika dziloni amsikira Mwenyezi Mlungu ananyendeka mo mundani. Yuya mutu na mchewe achidzifwitsa kahi ya mihi mo mundani ili Mwenyezi Mlungu asiaone.

1 Afalume 13:2

Mutu hiyu wakota kululu achigomba kuhusu pho phatu pha kulavira sadaka kpwa neno ra Mwenyezi Mlungu na achiamba, “We phatu pha kulavira sadaka, Mwenyezi Mlungu anaamba hivi, ‘Kundavyalwa mwana katika nyumba ya Daudi, dzinare ni Josiya. Hiye andahala alavyadzi-sadaka ahumikao kpwa ibada na kufukiza uvumba dzuluyo na alavye sadaka dzuluyo. Hakika, mifupha ya atu indaochwa pho dzuluyo!’ ”

1 Afalume 13:34

Hendo hiri rakala dambi kpwa nyumba ya Jeroboamu hata richisababisha nyumbaye ibanangbwe na kuangamizwa hipha duniani.

1 Afalume 14:16

Mwenyezi Mlungu kandajali tsona Iziraeli kpwa sababu ya dambi za Jeroboamu ambaye wahenda dambi na kuasababisha Aiziraeli nao ahende dambi.”

2 Afalume 23:15

Zaidi ya higo, hiko Betheli wabomola phatu pha kulavira sadaka na achiocha mwatu mwa dzulu mwa kuabudu modzengbwa ni mfalume Jeroboamu mwana wa Nebati ambaye waahenda atu a Iziraeli ainjire dambini. Wabananga phatu pha kulavira sadaka hizo na kuvundza mawege vipande-vipande, na chisha achivibunda-bunda hadi vichikala vumbi. Piya chizuka cha Ashera wachiocha.

2 Nyakati 31:1

Phahi iyo sharee iriphosira, atu osi a Iziraeli aphiya chila mudzi wa Juda achendavundza-vundza zo nguzo zokala zichiabudiwa, achikata nguzo za Ashera na achibomola mwatumwe mwa dzulu mwa ibada na mwatu mwa kulavira sadaka. Afika hadi Benjamini, na Efuraimu, na piya Manase. Ariphomala kazi hiyo, ndipho chila mutu wa Iziraeli wauya kpwakpwe kaya kpwenye midzi yao.

Isaya 2:19

Atu andazorera pangani hiko myambani na madibwa ga kudzifwitsa, kpwa sababu ya kutisha kpwa Mwenyezi Mlungu na nguma ya endziye, pho ndiphounuka kusumbisa dunia.

Isaya 2:21

Atu andazorera pangani hiko myambani na kpwenye myanya kahi-kahi ya mawe, kpwa sababu ya kutisha kpwa Mwenyezi Mlungu, na nguma ya endziye, ndiphounuka kusumbisa dunia.

Isaya 32:13

na kpwa sababu ya tsi ya atu angu ambayo i tele miya. Sononekani kpwa sababu ya nyumba zenye raha kpwenye mudzi wenye raha wa Jerusalemu.

Isaya 34:13

Madzumbage ga afalume na ngomeze zindaodzala miya. Diya-mbewa na mbuni ndio ndiosagala himo.

Hosea 10:2

Mioyo yao ikaodzala handzo, sambi ni agaye kpwa ajili ya dambi zao. Mwenyezi Mlungu andavundza-vundza mo mwatu mwao mwa kulavira sadaka, na abanange-banange zo nguzo zao anazoziabudu.

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Hosea 10:9

Mwenyezi Mlungu achienderera kugomba achiamba, “Hangu wakati wa Gibeya hadi sambi mwi Aiziraeli munaenderera kuhenda dambi, Mundaolagbwa vihani ko Gibeya mwi atu ayi.

Hosea 2:6

Kpwa hivyo ndampigira lichigo ra miya mo mwakpwe njirani ndamdzengera ukuta ili asione njira.

Hosea 4:13

Aho analavya sadaka dzulu ya virere vya myango, na kulavya sadaka za kuochwa vidzangoni, tsini ya mihi mikulu dza mialoni, milibuwa na miela, kpwa kukala ina pepho nono. Kpwa hivyo ana enu achetu anahenda umalaya, na akaza ana enu anazinga.

Hosea 4:15

Mwi atu a Iziraeli, dzagbwe munazinga, msihende atu a Juda akakala na makosa. Musiphiye mudzi wa Giligali wala msiambuke kuphiya Bethi-Aveni, na msiape mukaamba, “Dza Mwenyezi Mlungu arivyo moyo.”

Hosea 5:8

Pigani gunda ko Gibeya, na mpige tarumbeta ko Rama. Pigani kululu za viha ko Bethi-Aveni hulongozeni kuphiya vihani mwi atu a Benjamini.

Hosea 8:5

Chizuka chenu cha ndama nkachimena, mwimwi atu a mudzi wa Samariya, nami nkakutsukirirwani. Mundaenderera kukala akolo hadi rini?

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Amosi 1:5

Nindavundza magbwama ga miryango ya Damasikasi, na kuusa mtawala wa Dete ra Aveni, agbwiraye fwimbo ya utawala ko Bethi-Edeni; na atu a Aramu andatsamizwa kpwa lazima aphirikpwe Kiri,” Mwenyezi Mlungu anaamba.

Amosi 3:14

Yo siku ndiyotiya adabu Aiziraeli kpwa makosa gao, ndabomola mwatu mwa kulavira sadaka mwa Betheli. Na zo pembe za phatu pha kulavira sadaka zindakatwa zigbwe photsi.

Amosi 7:9

Seemu za dzulu za kuabudira atu a chivyazi cha Isaka zindakala gandzo, na mwatu mtakatifu mwa Iziraeli mundabanangbwa, nami ndakomesa utawala wa chivyazi cha mfalume Jeroboamu na upanga.”

Amosi 8:14

Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

Mika 1:13

Mwi enyezi a Lakishi, fungani farasi kpwenye magari ga viha. Mwimwi ndimwi chandzo cha mwana mchetu wa Sayuni kuhenda dambi, mana makosa ga Iziraeli gaphahikana kpwako.

Mika 1:5

Gosi higa ni kpwa sababu ya Jakobo kukosera, kpwa sababu ya dambi za chivyazi cha Iziraeli. Kosa ra Jakobo ni riphi? Dze, si Samariya? Dze, phatu pha dzulu pha Juda pha kuabudu milungu yao ni phaphi? Dze, si Jerusalemu?

Nahumu 3:11

Mwimwi atu a Ninawi piya mundadedeleka dza mutu achiyelewa, mundadzifwitsa na kuendza ngome za kudzifwitsa ili maadui gasikuoneni.

Luka 23:30

Wakati hinyo atu andaiambira myango, ‘Hugbwerereni!’ Piya andaviambira vidzango, ‘Hufwinikeni.’

Kumbukumbu 9:21

Chisha náhala chira chitu chii chokuhendani muhende dambi, yani chira chizuka cha mwana ndzau mrichodzitengezera. Namyayusa na moho, nchimbunda-bunda na nchimsira hadi achikala tsikitsiki dza vumbi. Halafu vumbi hiro nchiritsupha kpwenye chidzuho chokala chinajera kula mwango hinyo.

Maono 6:16

Apiga kululu osi achiaambira hira myango na mawe, “Hugbwerereni! Hufwitseni husedze hukaonewa ni hiye asagalaye chihi cha chifalume wala husedze hukaona nyo utsungu wa ye Mwana ngʼondzi.

Maono 9:6

Siku hizo atu andaamba baha kufwa, ela taandafwa; andaaza chifo chedze chiahale, ela chifo chindaachimbira.