Hosea 10:7 - Digo Bible

⁷ Atu a Samariya na mfalume wao andaunulwa dzulu-dzulu dza chiphungo chikuluzwavyo ni madzi.

Hosea 10:7 Iomraidhean Croise

1 Afalume 21:1

Siku hizo hiko mudzi wa Jeziriili kpwakala na mutu mmwenga yeihwa Nabothi. Mutu hiye kala ana mundawe wa mizabibu phephi na nyumba ya Ahabu, mfalume wa Samariya.

2 Afalume 1:3

Ela malaika wa Mwenyezi Mlungu wamuambira nabii Elija wa mudzi wa Tishibi, aphiye akakutane na ajumbe a mfalume wa Samariya akauze; “Kpwa utu wani munaphiya kpwa Baali-Zebubu, mlungu wa Ekironi? Dze, ni takuna Mlungu ko tsi ya Iziraeli?

2 Afalume 15:30

Mwaka wa mirongo miiri wa utawala wa Jothamu mwana wa Uziya mfalume wa Juda, Hoshea mwana wa Ela wapanga njama kumuasi Peka mwana wa Remaliya achimuolaga, chisha achitawala badalaye.

2 Afalume 17:4

Ela wakati mmwenga mfalume wa Ashuru waona uasi wa Hoshea. Mana Hoshea wahuma ajumbe kpwa mfalume So wa Misiri kpwendavoya msada, na chisha achiricha kuripha hira kodi ya chila mwaka kpwa mfalume Shalimanesa wa Ashuru. Shalimanesa ariphoona hivi wamfunga Hoshea na achimtiya jela.

Hosea 10:15

Mwimwi atu a Betheli namwi mundahenderwa dza vivyo, kpwa sababu ya uyi wenu munji. Siku ya yo hukumu ichifika, mfalume wa Iziraeli andaolagbwa.”

Hosea 10:3

Chisha andaamba, “Swino tahuna mfalume, kpwa kukala tahuyamuogopha Mwenyezi Mlungu. Hata kala hunaye ye mfalume, angehuhenderani?”

Hosea 10:8

Mo mwatu mwa dzulu mwa kuvoya vizuka ko Aveni mundabanangbwa, mana kuko ndiko Aiziraeli ahendako dambi. Miya na vidunga-dunga vindamera na vilingelinge mo mwatu mwa dzulu mwa kulavira sadaka, ndipho atu andaambira myango, “Hufwinikeni,” na vidzango, “Hugbwerereni.”

Hosea 13:11

Phahi nakuphani mfalume wakati nkatsukirwa, na kahi ya tsukizi zangu, ye mfalume nchimuusa.

Juda 1:13

Atu hinyo ni dza maimbi ga bahari, na mahendo gao ga waibu ganatuluka dza povu. Hinyo ni dza nyenyezi zigbwazo na nkuikpwa hata kare na kare phatu pharipho na chilungulungu cha jiza.