Hosea 10:12 - Digo Bible

¹² Dziphandireni haki, mvune mendzwa isiyosika Tengezani mioyo yenu mana uhu ni wakati wa kumuendza Mwenyezi Mlungu, hadi edze akumwagireni mvula ya haki.

Hosea 10:12 Iomraidhean Croise

Zaburi 105:4

Muendzeni Mwenyezi Mlungu na nguvuze, chila wakati londani kukala aripho iye.

Zaburi 72:6

Naakale dza mvula inyayo dzulu ya nyasi chizokatwa, dza mawasa gatiyavyo arizi madzi!

Misemo 11:18

Mutu mui ahumira handzo nkuvuna uyiwe, ela ahendaye haki mariphoge gandadumu.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Muhubiri 11:6

Phanda ligundzu na uphande dziloni, mana kumanya ni mbeyu ziphi ndizomerato, ichikala ni hizi au hizi, au ichikala zosi zindavyala vinono.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 31:1

Shaka hiro kpwa hinyo anaotserera kuphiya Misiri kpwendavoya msada, hinyo anaoadamira farasi a viha. Anaoadamira magari gao ga kuvwehwa ni farasi kpwa kukala anajeshi akuhumira farasi ana mkpwotse, badala ya kumuadamira Mtakatifu wa Iziraeli, au kuvoya msada kpwa Mwenyezi Mlungu.

Isaya 32:20

Ela mwimwi mundajaliwa, mundaphanda mbeyu zenu kanda-kanda ya seemu zosi za madzi na kuricha punda enu na ngʼombe zenu zirise bila kufungbwa.

Isaya 44:3

Mana nindamwaga madzi dzulu ya tsi kavu, na nindahenda vidzuho vya madzi kpwenye tsi ya kukpwalala. Nindamwaga Roho wangu dzulu ya chivyazicho, na nindaajaliya nyo ambao undaavyala.

Isaya 45:8

Ko dzulu mlunguni nakumwage haki dza ingu ra mvula, tsi naivuguke ili wokofu na haki vimere phamwenga. Mimi Mwenyezi Mlungu nikaviumba.

Isaya 48:18

Kalapho waphundza amuri zangu, phahi amaniyo ingekala dza muho, na hakiyo ingekukupukira dza maimbi ga bahari.

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.

Isaya 54:14

Undaimarika kpwa kulunga haki na utakatifu undakuhenda ukale na nguvu, nawe kundaonerwa, mana kundaogopha na kundatishirwa ni rorosi.

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Jeremia 50:4

“Siku zizo na wakati uho, Mwenyezi Mlungu anaamba, atu a Iziraeli na a Juda andakpwedza phamwenga kuno anarira kpwedzamuendza Mwenyezi Mlungu, Mlungu wao.

Ezekieli 34:26

Nindajaliya atu angu na nyumba zao zizungulukazo chidzango changu chitakatifu. Nindaahenda aphahe mvula kpwa wakatiwe, nayo indakala mvula ya baraka.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Hosea 14:1

Mwimwi Aiziraeli, muuyireni Mwenyezi Mlungu, Mlungu wenu, kpwa kukala dambi zenu ndizo chizokuhendani mugbwe.

Hosea 6:3

Nahummanyeni Mwenyezi Mlungu, nahuhendeni chadi cha kummanya iye; naye kpwa kpweli andahusengerera bila kukosa dza vira ligundzu redzavyo bila kukosa. Iye andahuedzera dza mvula ya mwaka, andahuedzera dza mvula ya vuri, itiyayo chinemi tsi.”

Hosea 8:7

Kpwa kukala aphanda phepho, andavuna chikulukulu. Mimea yao taindavyala bii kpwa vivyo taindaavyarira chakurya. Na hata ichivyala, chisha indariwa ni ajeni.

Amosi 5:15

Menani mai na mmendze manono na muhakikishe haki inalungbwa mwenu makotini mendzerepho Mwenyezi Mlungu, Mlungu wa majeshi, andaonera mbazi atu a Yusufu ariosala.

Amosi 5:4

Kpwa mana Mwenyezi Mlungu anaambira atu a Iziraeli, “Niendzani namwi mundakala moyo.

Amosi 5:6

Muendzeni Mwenyezi Mlungu mkale moyo, sedze akavamia tsi ya Iziraeli dza moho, ndioocha Betheli na takundakala na mutu wa kuuzimya.

Amosi 5:8

Muendzeni iye ariyetengeza Chirimira na Rambo iye ahendaye chilungulungu cha jiza chikakala ligundzu, na kuhenda mutsi kukala usiku iye aihaye madzi ga bahari, akagamwaga tsi kavu, dzinare ni Mwenyezi Mlungu.

Luka 13:24

Naye Jesu achimuamba, “Hendani chadi muinjire na mryango mwembamba, kpwa kukala, nakuambirani kukala atu anji andalonda kuinjira, ela taandaweza.

Mahendo 2:18

Ehe! Hata atumishi angu, alume kpwa achetu, nindaarehera Roho wangu siku hizo, nao andalavya unabii.

2 Akorintho 9:10

Mlungu ndiye amuphaye mkurima mbeyu na kuapha atu chakurya. Vivyo hivyo Mlungu andakuphani mbeyu, naye andazihenda zizidi na kukuphani mavuno manji ga haki kpwa kulavya kpwenu kpwa mbazi.

Jakobo 3:18

Atu ambao nkuunganisha atu anaoheha, ni dza atu ario anaphanda mbeyu za amani, nao andavuna haki.