Danieli 6:11 - Digo Bible

¹¹ Ndipho atu aha ariokubaliana kuhenda njama kuhusu Danieli, akutana achiphiya kpwa Danieli achendamkuta anavoya na kumririra Mlungu amterye.

Danieli 6:11 Iomraidhean Croise

1 Afalume 8:48

kuko hiko kpwenye tsi ya aviha aho arioatsamiza kpwa lazima, achikuuyira na mioyo yao yosi na roho zao zosi na avoye kulola tsi yao uriyoapha akare ao, mudzi huno urioutsambula na nyumba hino niriyoidzenga kpwa ajili ya dzinaro,

Zaburi 10:9

Nkudzifwitsa na kumuoteya dza simba. Nkugodza ili amgbwire mchiya. Iye nkumgbwira mnyonje na kumguruta kpwenye nyavuye.

Zaburi 119:164

Nakutogola kano sabaa kpwa siku, kpwa ajili ya shariyazo za haki.

Zaburi 28:2

Phundza mavoyo gangu, ninaphokuririra uniterye, na ninaphounula mikono kuloza phatupho phatakatifu.

Jeremia 51:50

Mwimwi muchiochimbira upanga, musiime, endererani kuphiya! Mtambukireni Mwenyezi Mlungu ko kure mriko, na musiiyale Jerusalemu.

Danieli 6:6

Ndipho nyo aimirizi na akulu a maliwali achikubaliana achiphiya kpwa mfalume achendamuamba, “Ee mfalume Dario, ishi ta kare na kare!