Danieli 4:27 - Digo Bible

²⁷ Kpwa hivyo uwe mfalume, phundza ushauri wangu. Richa kuhenda dambi na uhende haki. Richa makosago kpwa kuonera mbazi aonerwao, mendzerepho siku za kuongokerwako, nkuenjerezwa.”

Danieli 4:27 Iomraidhean Croise

Mwandzo 11:4

Achiamba, “Sambi, nahudzengeni mudzi na mnara ambao chirereche chifike mlunguni, ili huphaheni dzina na husedze hukatsamukana dunia ndzima.”

1 Afalume 21:29

“Dze, ukaona vyo Ahabu achivyodzitsereza mbere zangu? Phahi, kpwa kukala akadzitsereza, sindareha mai higo wakati achere moyo, ela ndaangamiza nyumba ya Ahabu siku za utawala wa mwanawe.”

Zaburi 119:46

Nindagomba kuhusu malagizogo mbere ya afalume, nami sindaona waibu.

Misemo 11:2

Kudzikarya nkpwedza phamwenga na waibu, ela anyenyekevu ndio enye ikima.

Misemo 16:6

Kpwa mbazi na uaminifu dambi nkuuswa. Mutu anayemuogopha Mwenyezi Mlungu nkuricha kuhenda mai.

Misemo 28:13

Mutu afwitsaye dambize kandaongokerwa, ela mutu akubaliye makosage na kugaricha andaonerwa mbazi.

Isaya 10:13

Mana iye mfalume wa Ashuru anaamba akahenda dzambo hiro kpwa ikimaye na nguvuze. Anaona iye ana achili. Anaamba, “Mino nkausa miphaka ya atu na kuhala hazina zao. Atu asegereo dzulu ya vihi vya utawala nikaabwaga dza ahendavyo sujaa.

Isaya 47:10

Ukakuluphira uyio nawe ukaamba, ‘Taphana anionaye.’ Ikima na marifwago ganakuangamiza unaphodziambira mwako moyoni, ‘Ni mimi bahi, takuna wanjina.’

Isaya 47:8

Sambi phundza gaga uwe unaye starehe, phundza uwe usagalaye na kudziona u salama, uambaye mwako moyoni, ‘Ni mimi bahi, na takuna wanjina. Sindakala gungu wala kufwererwa ni ana.’

Jeremia 29:7

Chisha voyani kpwa Mwenyezi Mlungu ili mudzi ambao nkakuphirikani mateka uongokerwe, mana uchiongokerwa, mwimwi piya mundaongokerwa.

Jeremia 38:20

Jeremia achiamba, “Taandakulavya. Uwe kubali gaga ga Mwenyezi Mlungu nikuambirago, nawe mambogo gandakala manono na kundaolagbwa bii.

Ezekieli 18:7

Iye kaonera mutu ela nkumuuyizira mdeniwe mzamaniwe. Kafuta mutu maliye kpwa nguvu ela nkuaganyira andzala chakuryache na kuapha nguwo ario chitsaha.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Ezekieli 29:9

Nayo Misiri indakala gandzo na litsapi. Ndipho andamanya kukala mimi, ndimi Mwenyezi Mlungu. “ ‘Kpwa kukala waamba, “Naili ni yangu, náitengeza mwenye,”

Joeli 2:14

Ni ani amanyaye? Iye anaweza kugaluza nia na akakuonerani mbazi na akakujaliyani na mavuno hata mkaweza kumlavira Mwenyezi Mlungu, Mlungu wenu, sadaka za mtsere na za uchi wa zabibu.

Amosi 6:13

mwimwi munaohererwa kpwa kushindwa kpwa mudzi wa Lo-Debari, mwimwi mdzikaryao kpwa kuamba, “Nyo mudzi wa Karinaimu tahuyauteka kpwa mkpwotse wehu enye?”

Jona 3:9

Mana Mlungu alala macheye, anaweza kugalukpwa ni moyo akahuonera mbazi na akakala kandahuangamiza kama arivyopanga.”

Habakuki 1:11

Hinyo nkutsupa mairo dza phepho, ela akahenda dambi mana mkpwotse wao ukakala avi ndio mlungu wao.

Zefania 2:15

Ninawi iriyodzikarya kukala i salama, yadziamba, “Takuna wanjina dza mimi.” Haya vino lola, ikakala gandzo na makalo ga nyama a tsakani. Chila atsupaye phephi na phapho anaufyorera na kuubera.

Mathayo 3:8

Ichikala mnalonda nikubatizeni, kpwandza galuzani mahendo genu muonyese kukala ni kpweli mkatubu dambi.

Luka 11:41

Ela phahi, lavyani zaka vyo murivyo navyo mo vikombeni muaphe agayi, alafu tamundakala na chochosi chiricho najisi.

Mahendo 24:25

Ela Paulo ariphoandza kugomba kuhusu haki, kutosheka, na kuhusu hukumu ndiyokpwedza, Felisi watishirwa sana na achimuamba, “Ni bahi, kpwa sambi phiya; nchiphaha nafwasi nindakuiha.”

Mahendo 26:20

Mwandzo nákpwendahubiri mudzi wa Damasikasi, alafu nchiphiya Jerusalemu na Judea yosi, chisha nchendahubiri kpwa atu asio kala Ayahudi nchiamba, ‘Tubuni dambi na mumgalukire Mlungu, na muonyese na mahendo genu kala mwagaluka kpweli.’

Mahendo 8:22

Phahi, tubu uyio na uvoye Mlungu akuswamehe maazogo mai uazago mwako moyoni.

2 Akorintho 5:11

Hunamanya kala Mlungu andaamula atu osi, kpwa hivyo hunahenda chadi kuabembeleza atu amkuluphire. Mlungu mwenye anahumanya vinono, na anamanya huhendaro; nami naaza kala mwimwi namwi mnamanya huhendaro.

Agalatia 5:13

Enehu, Mlungu wakutsambulani mkale huru. Ela msihumire uhuru wenu kulunga tamaa za dambi, ela teryanani na mmendzane.

Agalatia 5:22

Ela Roho Mtakatifu achihulongoza, andareha mambo higa: mendzwa, raha, amani, kuvumirira, mbazi, tabiya nono, uaminifu,

Agalatia 5:6

Mana uchilonda kukala mfuasi wa Masihi Jesu, kutiywa tsatsani au kusatiywa tsatsani takuna mana yoyosi. Ela chitu muhimu ni kumkuluphira na kumendza Mlungu na atu anjina.

Aefeso 4:28

Muivi naariche kuiya, na badalaye ahende kazi ya sawa, ili aphahe chitu cha kuganya na ayae ambao taana.

Kumbukumbu 24:13

Muuyizire yambare chila dziloni kusudi usiku aweze kudzibwiningiza na kukutakira baraka. Kuhenda hivyo undakala mwenye haki mbere za Mwenyezi Mlungu, Mlungu wenu.

Kumbukumbu 32:27

ela naogopha ngulu za maadui gao, sedze gakaamba kukala gakafwaulu kuaolaga, nami Mwenyezi Mlungu sikahenda chitu katika mambo higa!”

Kumbukumbu 8:17

Ela manyirirani sedze mukaamba mwenu mioyoni, ‘Utajiri uhu hwauphaha kpwa uwezo wehu na chadi chehu enye.’

1 Petero 4:8

Zaidi ya gosi, mendzanani chikpweli-kpweli, mana mutu uchimmendza dza hivyo undakala tayari kumswamehe hata achikukosera kano ngaphi.