Danieli 11:21 - Digo Bible

²¹ Ye malaika achienderera kueleza achiamba, “Ye mfalume ndiye mlungira andakala mutu mui ambaye kana ishima ya kukala akale mfalume. Mutu iye andakpwedza bila atu kutarajiya naye andahala ufalume kuhumira ujanja.

Danieli 11:21 Iomraidhean Croise

Zaburi 12:8

Atu ayi nkuzunguluka chila phatu bila wasiwasi, uyi ndio ulikpwao kahi ya anadamu.

Zaburi 15:4

Ni yuya ambaye kana shuuli na atu ayi, ela anaishimu hara anaoogopha Mwenyezi Mlungu, na achiapa kuhenda utu kabadilisha hata dzagbwe ganamtiya hasara.

Zaburi 55:21

Manenoge kala ga laini kuriko siagi, ela mwakpwe moyoni kala anaaza viha, manenoge kala ga laini kutsupa mafuha ela ganakata dza upanga.

Isaya 32:5

Azuzu taandaisabiwa tsona kukala ni chitu na asio na adabu taandaishimiwa.

Danieli 11:20

“Mfalume ndiye tawala badalaye andahuma mtoza kodi ili aenjereze utajiri wa ufalumewe. Mfalume iye andafwa bada ya miaka michache, ela kandaolagbwa kpwa sababu ya tsukizi za atu wala vihani.”

Danieli 11:32

Iye andahumira maneno manono-manono kuchenga hara ariovundza chilagane, ela ammanyao Mlungu wao andampinga vikali.

Danieli 11:34

Wakati atu a Mlungu anaolagbwa, andaphaha msada kula kpwa atu achache ela bazi ya nyo atu ndioaterya taandahenda hivyo moyo kutsuka.

Danieli 11:7

“Badaye mʼbari wa ye mchetu andazuka akale mfalume wa mwakani, naye andashambuliya majeshi ga mfalume wa vurini. Iye andainjira kpwenye ngome ya mfalume wa vurini na kumshinda.

Danieli 4:17

Hukumu ihi ikedza kutsupira lagizo ra arindzi, amuri ikatangazwa ni nyo atakatifu, ili aho ario moyo amanye kukala iye Ariye Dzulu Zaidi ni mfalume wa falume zosi za anadamu na nkumupha ufalume iye amlondaye, chisha nkumuhenda mfalume hata ye mutu wa tsini kabisa.’

Danieli 7:8

Wakati nriphokala nchere chunguza zo pembeze, phachituluka pembe yanjina ndide yongʼola zo pembe tahu za kpwandza. Pembe ihi kala ina matso dza ga mwanadamu na kanwa yokala inagomba maneno ga kudzikarya.

Danieli 8:23

Wakati uyi wao ukafika chirereni, na utawala wao u phephi na kusira, phandaunuka mfalume wa likakado, jaili na wa kuchenga.

Danieli 8:25

Kpwa kuhumira ulachuwe andaongokerwa kpwa kuhenda mambo ambago gandachenga atu anji, chisha andadzikarya na aangamize atu anji wakati enye anaona a salama. Piya andaunukira ye Mfalume mkpwulu kuriko osi, ela andabanangbwa bila kuhumira nguvu za mwanadamu.

Danieli 8:9

Kpwenye pembe mwenga kahi ya zo pembe ne kulu, phatsephula pembe mwenga ndide ambayo yakula ichikala na uwezo kuelekeya mwakani, mlairo wa dzuwa na kuelekeya yo tsi nono ya Iziraeli.

Nahumu 1:14

Mwenyezi Mlungu akalavya amuri chinyumecho uwe Ninawi kuamba, “Kundakala na chivyazi cha kuendeleza dzinaro, ndausa vizuka vyosi kula mo nyumba ya milunguyo, vizuka vya kutsonga na vya kuyayusha. Ndakutsimbira mbira, mana kuna mana.”

1 Samueli 3:13

Námuambira kukala ndaamula chivyaziche hata kare na kare, kpwa ajili ya uyi aumanyao, mana anae anikufuru ela iye kayaakanya.