Ayubu 6:4 - Digo Bible

⁴ Mana nikalatswa ni iye Mwenye Nguvu Zosi, roho yangu ikakola yo sumuye Mlungu akapanga vitishovye chinyume changu.

Ayubu 6:4 Iomraidhean Croise

Ayubu 16:9

Akanimwamula kpwa tsukizize, akanimena na kuningʼatira meno, adui wangu akanitumburira matso.

Ayubu 19:12

Majeshige garedza phamwenga, ganatengeza njira ya kpwedza kpwangu, na kuchita kambi kuzunguluka hema rangu.

Ayubu 20:16

Andafyondza sumu ya nyoka, andafwa kpwa kuondzwa ni bafwe.

Ayubu 21:20

Richa aone kubanangbwa kpwao na matso gao enye, na aphokere tsukizi za ye Mwenye Nguvu Zosi.

Ayubu 30:15

Vivi naogopha sana, nguma yangu ikauswa ni phepho, na kuongokerwa kpwangu kukatsupa dza ingu.

Ayubu 31:23

Mana naogopha mafwa kula kpwa Mlungu, na kpwa sababu ya ukuluwe sihendere hivyo.

Ayubu 34:6

Dzagbwe sina makosa, ela natalwa kukala wa handzo, dzagbwe sina uasi, vironda vyangu taviphola.’

Ayubu 7:20

We uchunguzaye anadamu, kpwani nchihenda dambi inakuzuru? Mbona ukanitsata? Kpwa utu wani nkakala mzigo kpwako?

Ayubu 9:17

Mana ananipiga na phuto na kunienjereza vironda vyangu bila ya chausa.

Zaburi 143:7

Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

Zaburi 18:14

Watsupha miviye, achitsamula maaduige, waatsuphira limeme, achiachimbiza.

Zaburi 21:12

Mana andaahenda azole, miviye ndiphoalenga usoni.

Zaburi 38:2

Mana miviyo ikanidunga na mkpwonoo ukanifyeha.

Zaburi 38:3

Mwiri wangu sio mzima tsona kpwa sababu ukanireyera nkakala mnyonje kpwa sababu ya dambi yangu.

Zaburi 45:5

Miviyo iryayo naidunge mioyo ya maadui ga mfalume, na atu a mataifa naagbwe phako maguluni.

Zaburi 7:13

Akatayarisha silahaze kali na miviye iriyo na vigumba viakavyo moho.

Misemo 14:10

Chila mutu nkumanya utsungu wa moyowe, takuna mutu wanjina awezaye kumanya kuhererwakpwe.

Misemo 18:14

Roho ya mutu inaweza kuvumirira mwiri mkpwongo, ela uchivundzika moyo undastamili viphi?

Isaya 28:19

Rorosi ndirokpwedza rindakuphahani, chila siku, ikale mutsi, ikale usiku rindakuphahani.” Muchielewa ujumbe uhu mundatishirwa.

Sonono za Jeremia 2:4

Iye akatonyola uha dza adui, na mkpwonowe wa kulume u tayari kulatsa. Dza adui, akaolaga atu osi anono-anono ahamirao matso, akamwaga tsukizize nyinji dza moho ndani ya nyumba ya kuvoya Mlungu ko Sayuni.

Sonono za Jeremia 3:3

Kpwa kpweli akagaluza mkpwonowe chinyume changu kano nyinji, mutsi wosi.

Mariko 15:34

Saa tisiya iriphofika, Jesu warira na kululu achiamba, “Eloi, Eloi, lama sabakithani?” Manage ni, “Mlungu wangu, Mlungu wangu, mbona ukaniricha?”

2 Akorintho 5:11

Hunamanya kala Mlungu andaamula atu osi, kpwa hivyo hunahenda chadi kuabembeleza atu amkuluphire. Mlungu mwenye anahumanya vinono, na anamanya huhendaro; nami naaza kala mwimwi namwi mnamanya huhendaro.

Kumbukumbu 32:42

Mivi yangu ndairevya na milatso, upanga wangu undarya nyama, milatso ya ariofwa na nyo ariohalwa zewe kula kpwa maadui sujaa a viha.

Ruthi 1:20

Achiamba, “Msiniihe Naomi, niihani Mara, mana Mwenye Nguvu Zosi akahenda maisha gangu gakale utsungu.