Ayubu 30:16 - Digo Bible

¹⁶ Vivi sina matumaini ga kuishi, siku za kugaya kpwangu zikanigbwira.

Ayubu 30:16 Iomraidhean Croise

Ayubu 3:24

Mana migumi ikakala dza chakurya changu, kuula kpwangu kunasikirika dza madzi gamwagikago.

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Zaburi 22:15

Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.

Zaburi 40:12

Mana nkazungulukpwa ni mashaka gasigoolangika, dambi zangu zikanizidi ni nyinji kuriko isabu ya nyere zangu, nami nkavundzika moyo.

Zaburi 42:4

Mambo higa nagatambukira na kusononeka mwangu rohoni vira nrivyophiya na borori ra atu nchirilongoza kuphiya nyumba ya Mlungu kuno rinapiga njerejere na kumtogola, kpwenye ro borori ra atu ariphokala anasherekeya.

Isaya 53:12

Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.

Sonono za Jeremia 2:12

Anaririra nine zao achiamba, “Ukuphi mkpwahe na uchi?” Kuno anahirika dza atu achiolumizwa mo njira-njira za nyo mudzi wakati anafwa magoni mwa nine zao.

1 Samueli 1:15

Hana wajibu achiamba, “Hata bwana wangu! Mino ni mchetu mwenye sonono kulu, sinwere uchi wa zabibu wala uchi wowosi, ela che namsemurira Mwenyezi Mlungu vyo nisononekavyo mu mwangu moyoni.