Ayubu 28:3 - Digo Bible

³ Atsimbadzi nkumwirika mo jizani, na kuendza mawe tsini sana, kpwenye chilungulungu cha jiza.

Ayubu 28:3 Iomraidhean Croise

Ayubu 12:22

Iye nkuika wazi mambo garigo jizani, na kuhenda garigo kpwenye chilungulungu cha jiza gakale mwangani.

Ayubu 28:2

Chuma nkutsimbwa kula mtsangani, na shaba nkuyayushwa kula maweni.

Ayubu 28:4

Aho nkutsimba madibwa ko deteni kure na kura atu asagalako, ko kusikotsupirwa ni acharo; nkufungbwa mikowa akadewadewa, kuphiya mbere na nyuma kure na atu.

Ayubu 3:5

Naikale gigigi na chilungulungu cha jiza nachiifwinike. Maingu nagakale dzuluye na jiza ra mutsi nariiogofyere.

Misemo 2:4

Uchiendza ikima dza feza, na uiendze dza hazina iriyofwitsika;

Muhubiri 1:13

Náhenda chadi kuchunguza na kuendza kpwa ikima chila chitu chihendekacho hipha tsini ya dzuwa. Mlungu waapha anadamu kazi ngumu.

Habakuki 2:13

Avi Mwenyezi Mlungu, Mlungu wa majeshi wapanga kukala atu anjina andahenda kazi na kudziremweza bure, mana juhudi zao zindasirira mohoni.

Mathayo 6:33

Phahi, endzani ufalume wa Mlungu kpwandza na muhende hakiye na go ganjina gosi andakuenjerezani.

Luka 16:8

“Phahi, yuya tajiri wamtogola hiye muandishi mkora kpwa vira achivyohumira achili. Sambi, hivyo ndivyo atu asiomjali Mlungu arivyo, ni erevu zaidi kushuulikiya mambo gao kuriko atu amukuluphirao Mlungu ashuulikiyavyo mambo ga Mlungu.