Ayubu 24:23 - Digo Bible

²³ Iye nkuahenda anaomuadamira akale salama, ela matsoge ganalola njira zao.

Ayubu 24:23 Iomraidhean Croise

Ayubu 10:4

Kpwani, una matso dza ga mwanadamu? Au unaona dza mwanadamu aonavyo?

Ayubu 11:11

Kpwa kpweli anamanya atu asiokala na mana, na aonapho uyi kaupuza.

Ayubu 12:6

Makalo ga anyangʼanyi gana amani, na nyo amchokozao Mlungu a salama, aho atsukulao mlungu wao mwao mikononi.

Ayubu 31:4

Ikale Mlungu kaona njira zangu, na kuolanga nyago zangu zosi?

Ayubu 34:21

Mana matsoge ganalola njira za mwanadamu, na kuona chila hatuwa avyogayo.

Zaburi 10:5

Aho nkuongokerwa na chila ahendaro taaelewa hukumu za mlungu. Aho nkunyetera maadui gao.

Zaburi 119:168

Nagbwira shariyazo na malagizogo, mana uwe unamanya njira zangu zosi.

Misemo 15:3

Matso ga Mwenyezi Mlungu ga chila phatu, ganachunguza ayi na anono.

Misemo 5:21

Mana ahendago mwanadamu gosi ganaonewa ni Mwenyezi Mlungu, iye anachunguza njira zosi.

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Muhubiri 8:11

Uamuli wa mahendo mai isiphohendwa upesi, moyo wa mwanadamu undakala mairo kuhenda mai.

Isaya 56:12

Aho nkuamba, “Ndzoni, hunwe uchi wa zabibu, hata hulewe, na muhondo indakala dza vi rero au hata zaidi.”

Amosi 8:7

Ye Mwenyezi Mlungu waapa kpwa nguma ya Jakobo achiamba, “Kpwa kpweli sindayala mahendo gao gosi.

Amosi 9:2

Hata akatsimba dibwa hadi kuzimu, kuko mkpwono wangu undaatuluza. Nao achikpwera kuphiya mlunguni, chisha ndaatsereza kula kuko.

Habakuki 1:13

Matsogo uwe Mwenyezi Mlungu ni matakatifu sana hata kuweza kulola uyi, wala kuvumirira makosa. Kpwa utu wani phahi unalola na kuvumirira wakati atu ayi anaangamiza atu a haki kuriko aho?

Luka 12:45

Ela yuya mtumishi achiamba, ‘Tajiri wangu kedza sambi,’ naye aandze kupiga atumishi ayae, alume kpwa achetu, na kurya, kunwa na kulewa.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.