Ayubu 24:13 - Digo Bible

¹³ Kuna aremao mwanga, asiomanya njiraze, wala kuzigbwira.

Ayubu 24:13 Iomraidhean Croise

1 Afalume 3:20

Phahi myangu walamuka usiku, achimuhala mwanangu kula phephi na phangu chifuwani wakati mino mtumwao nrere, achimlaza phephi na phakpwe chifuwani. Alafu wahala lufu ra mwanawe, achiriika phephi na phangu chifuwani.

Ayubu 24:12

Kuula kpwa atu afwao kunasikirika mo mudzini, na nyo achiolumizwa anaririra kuterywa ela Mlungu kaphundza mavoyo gao bii.

Ayubu 24:14

Muolagadzi nkulamuka chimirimiri, ili aweze kuolaga achiya na agayi, na usiku akakala dza muivi.

Ayubu 24:16

Usiku aivi nkuvundza na kuinjira nyumbani nako kuchicha nkudzifungira akalala, taamanya mwanga bii.

Ayubu 38:13

ili kuche duniani kosi, na nyo atu ayi akutwekutwe kula mwao mafwitsoni?

Ayubu 38:15

Atu ayi akausirwa jiza ambaro ndiro mwanga wao, nao taaweza tsona kuunula mikono kuhenda uyi.

Ayubu 5:14

Aho nkuona jiza mutsi, na kuphaphasa mutsi avi ni usiku.

Misemo 4:19

Nayo njira ya atu ayi ni dza chilungulungu cha jiza, taamanya akpwalacho.

Johana 12:35

Jesu achiaambira, “Kuchere na mwanga kpwa muda. Kpwa hivyo nyendekani mwangani sedze mkagbwirwa ni jiza njirani. Mana mutu yeyesi anyendekaye jizani, kaweza kuona aphiyako.

Johana 12:40

“Mlungu waahenda vipofu, nayo mioyo yao achiihenda mifu. Ndiyo mana matso gao tagaona, wala mioyo yao taiweza kuamini. Kpwa hivyo taaweza kumgalukira Mlungu, akaaphoza.”

Johana 15:6

Mutu asiyegbwirana nami, ni dza panda yokatwa ichiuma. Panda dza hizo nkutsolwa-tsolwa zikapigbwa iyi, chisha zikatiywa moho.

Johana 8:31

Jesu wagomba na hara Ayahudi ariomkuluphira achiamba, “Ichikala mundaenderera kulunga mafundzo gangu, mundakala afuasi angu chikpweli-kpweli.

Johana 8:44

Kpwa kpweli mwimwi sowe yenu ni Shetani, namwi mkumendza kuhenda mai go alondago. Hangu mwandzo iye ni muolagi wala kamendze kpweli, kpwa sababu ye mwenye kana kpweli. Na chila agombapho handzo, nkugomba kulengana na asiliye, mana iye ana handzo na ni baba wa handzo.

Arumi 1:32

Atu hinyo anamanya wazi kukala mutu achihenda mambo mai dza higa Mlungu andamuamula chifo. Ela taajali! Nkpwenderera kuhenda mai makusudi na piya nkuatogola anjina ahendao mambo mai dza gago.

Jakobo 4:17

Phahi, mutu yeyesi ambaye anamanya rira ra sawa na asirihende, amanye anahenda dambi.

1 Johana 2:19

Hata dzagbwe atu hinyo ala mwehu kundini, ela kala sio ayawehu. Mana kala ni ayawehu, angekala asala naswi. Ela ariphotuluka amanyikana wazi kala sio ayawehu.

Juda 1:6

Piya mnamanya adisi ya malaika ambao alonda uwezo kuriko hura kala akahewa ni Mlungu, achiricha kuishi mlunguni ambako ni phatu phao pha asili. Mlungu waafunga jizani na silisili ambayo taindavuguka hadi ahukumiwe siku ya mwisho.