Ayubu 22:7 - Digo Bible

⁷ Kuaphere madzi aho ariokala akaremwa, na ariokala na ndzala uchialafya chakurya.

Ayubu 22:7 Iomraidhean Croise

Ayubu 31:16

Ichikala namlafya mchiya chochosi aricholonda, au kumuhenda gungu akose kuluphiro,

Ayubu 31:17

au nárya chakurya machiyangu, bila ya kuganyira achiya;

Ayubu 31:31

kalapho atu a mwangu nyumbani taadzangbweamba, ‘Ni ani ambaye kadzangbwerya chakurya cha Ayubu hata akamvuna?’

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Isaya 58:10

mchidzilavya kurisa mutu mwenye ndzala, na kutosheleza mahitaji ga mutu agayiswaye, mwanga wenu undangʼala jizani na gunjugunju yenu indakala dza dzuwa ra mutsi.

Isaya 58:7

Ni kuganya chakurya chenu na ario na ndzala, na kuapha makalo achiya asio na makalo. Kumupha nguwo mutu ariye chitsaha, na kusaricha kumterya mduguo.

Ezekieli 18:16

Iye kaonera mutu, kahala mzamana wala kafuta atu mali zao kpwa nguvu, ela nkuapha chakuryache atu ahirikao, nkuapha nguwo ario chitsaha,

Ezekieli 18:7

Iye kaonera mutu ela nkumuuyizira mdeniwe mzamaniwe. Kafuta mutu maliye kpwa nguvu ela nkuaganyira andzala chakuryache na kuapha nguwo ario chitsaha.

Mathayo 25:42

Mana nákala na ndzala namwi tamyanipha chakurya, nákala na chiru namwi tamniphere madzi,

Arumi 12:20

Kpwa hivyo chila mmwenga naahende dza Maandiko gaambavyo: “Ichikala mvihao ana ndzala, muphe chakurya arye, na achikala ana chiru, muphe madzi anwe. Mana uchihenda vivyo, undakala avi ukamhika makala ga moho.”