5 Yo taa ya atu ayi inazimwa, na nyo mohowe taundangʼala.
Iye kandachimbira ko jizani, dzuwa rindaihenda yo mitseye inyale, na pumuzi za Mlungu zindamphyera.
Uwe unadzimwamula mwenye kpwa tsukizizo, Dze, yo dunia indarichwa kpwa sababuyo? Au mwamba undauswa phatuphe?
kukala chitseko cha atu ayi ni cha muda mfupi, na kuhererwa kpwa asiomuogopha Mlungu ni kpwa muda tu.
Taa za atu ayi waziona kano ngaphi zikazimwa? Nyo enye nkuphahwa ni mafwa? Kpwani Mlungu nkuatiya adabu wakati akaatsukirirwa?
Maisha ga enye haki gana mwanga na kuhererwa, ela maisha ga atu ayi gandazimwa dza taa.
Mutu amlaniye ise au nine, maishage gandazimwa dza taa wakati wa chilungulungu cha jiza.
Matso ga shobo na moyo wa ngulu na mambo mai, gosi higo ni dambi.
Mana mutu mui kana matumaini ga badaye, na taa ya maishage indazimwa.
Nayo njira ya atu ayi ni dza chilungulungu cha jiza, taamanya akpwalacho.
Ela mwimwi mosi muasao moho, na kudzitengezera silaha za vimwindi mchivyoviasa, humirani mwanga wa moho wenu na wa vimwindi vyenu mchivyoviasa. Ela Mwenyezi Mlungu andasababisha nyo myoho wenu ukuangamizeni.
Ela atu ayi andakala dza bahari ichiyochafuka, ambayo taiweza kuhurira, na maimbige nkutuluza misuya na tope.
Ndiphokuolaga, ko mlunguni ndakufwinika na kutiya jiza nyenyezize. Dzuwa ndaribwiningiza na ingu, nao mwezi taundaala.
