Ayubu 15:21 - Digo Bible

²¹ Sauti za kuogofya nkuodzala mwakpwe masikironi wakati akaongokerwa, andavamiwa ni nyo atekao nyara.

Ayubu 15:21 Iomraidhean Croise

2 Afalume 7:6

Manage Mwenyezi Mlungu kala akahenda jeshi ra Aaramu asikire sauti dza ya jeshi kulu rokala na magari ga kuvwehwa ni farasi na farasi. Aaramu afikiriya kukala mfalume wa Iziraeli akaripha afalume a Ahiti na Amisiri edze ahushambuliye.

Esta 7:6

Esta achiamba, “Adui wehu ahugayisaye ni hiyu Hamani hipha. Ni mui tamuna.” Hipho Hamani mwiri uchimuinjira mnyevu phapho kare mbere za mfalume na Malikia.

Ayubu 15:24

Tabu na kulumira vinamtiya wuoga, vindamshinda dza mfalume ariye tayari kpwa viha.

Ayubu 18:11

Vitisho vindamtiya wuoga chila uphande, navyo vindamzoresa lunyolunyo.

Ayubu 18:14

Chifo chindamuhala kula mwakpwe hemani arimokuluphira, na chindamphirika kpwa mfalume wa vitisho.

Ayubu 20:21

Bada ya kurya, taphana ndichosala, kpwa hivyo kuongokerwakpwe takundadumu.

Ayubu 22:10

Kpwa hivyo mihambo ikakuzunguluka, na ukagbwirwa ni chiwewe gafula,

Ayubu 24:17

Mana chilungulungu cha jiza kpwao ni ligundzu, mana taaogopha mambo ga kutisha gahendekago jizani.

Ayubu 27:20

Vitu vya kuogofya vindamwedzera dza mafuriko, usiku chikulukulu nkumuhala.

Zaburi 92:7

Dzagbwe atu ayi anakula dza nyasi nao ahendao mai achioongokerwa, mwisho wao ni kuangamika hata kare na kare.

Misemo 10:24

Mutu mui achiogopha dzambo rindamfika, ela ariazaro mwenye haki ndiro ndirohewa.

Misemo 28:1

Atu ayi nkuchimbira dzagbwe taazoreswa, ela enye haki ni jasiri dza simba.

Jeremia 6:26

Mwi atu angu, vwalani magunia, na mgalegale ivuni, rirani dza mutu achiyefwererwa ni mwanawe wa chilume wa macheye, mana ye mʼbanangi andakpwedza gafula.

Alawi 26:36

Na hinyo ayawenu ndiosala ndaatiya wuoga kpwenye tsi ya maadui gao chiasi cha kukala hata sauti ya kodza rinarophepheruswa indaaondosa azole. Phahi aho andazola dza mutu anayechimbira viha. Andazola na kugbwa hata napho taphana mutu anayeazoresa.

1 Akorintho 10:10

Tsona husinungʼunike dza arivyonungʼunika, nao achiolagbwa ni malaika wa chifo.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Maono 9:11

Mfalume wao kala ni malaika mkpwulu wa kuzimu. Hiye malaika Chieburania aihwa Abadoni na Chiyunani anaihwa Apolioni, manage ni “Mʼbanangi.”