Ayubu 14:1 - Digo Bible

¹ Mwanadamu avyalwaye ni mchetu maishage sigo mare, tsona ga tele tabu.

Ayubu 14:1 Iomraidhean Croise

Mwandzo 3:17

Chisha achimuamba yuya mlume, “Kpwa vira ukagbwira maneno ga mcheo, na ukarya tunda ra muhi ambao nákukahaza usirye matundage, vivi tsi ikalaniwa kpwa sababuyo. Kpwa jasho undarya mavunoge maishago gosi.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

2 Afalume 4:19

naye wamuambira ise; “Mayo wee chitswa changu! Nalumwa ni chitswa!” Ise wamuambira mtumwawe mmwenga; “Muphirike kpwa nine.”

Ayubu 10:20

Maisha gangu ni mafupi, phahi niricha, angaa nioye chidide,

Ayubu 15:14

Mwanadamu ni ani, hata akale swafi? Au iye yevyalwa ni mchetu ni chitu chani, hata akale wa haki?

Ayubu 25:4

Kpwa hivyo mutu anawezadze kukala na haki mbere za Mlungu? Ye avyalwaye ni mchetu anawezadze kukala swafi?

Ayubu 25:5

Lola, hata nyo mwezi tauna mwanga wa kukola na zo nyenyezi si swafi phakpwe matsoni,

Ayubu 5:7

Mwanadamu nkudzirehera mwenye shida dza tsetse ziurukavyo kuphiya dzulu.

Ayubu 7:1

Mwanadamu ana kazi ngumu phapha duniani! Nazo sikuze ni dza za mchibaruwa!

Ayubu 7:6

Siku zangu zinaphiya mairo kuriko gurudumo ra mshonadzi, nazo nkusira bila ya kuluphiro.

Ayubu 8:9

Kpwa kukala swiswi hu a dzana, naswi tahumanya rorosi, mana siku zehu phapha duniani ni dza chivurivuri.

Ayubu 9:25

Maisha gangu ga mairo kuriko azolaye, ganachimbira bila kuona manono.

Zaburi 39:5

Lola, ukahenda siku zangu zikale chache muda wa maisha gangu si chochosi kpwako. Kpwa kpweli chila mutu ni dza mseho tu!

Zaburi 39:6

Kpwa kpweli mwanadamu anatsupa dza chivurivuri chadiche chosi ni bure, mana anakusanya mali na kamanya indarisiwa ni ani.”

Zaburi 51:5

Mimi ni mwenye dambi hangu nivyalwe, yani, ni mui hangu ndanini mwa mayo.

Zaburi 89:47

Tambukira vyo maisha gangu garivyo mafupi, tambukira mwanadamu uriyemuumba ni kufwa.

Muhubiri 2:17

Kpwa hivyo nchisinywa ni maisha, mana gosi gahendekago tsini ya dzuwa ganareha tabu kpwangu. Shuuli nyinji tazina mana yoyosi, ni sawa na kuzoresa phepho.

Muhubiri 2:23

Mana sikuze zosi zikaodzala sonono, na kaziye inamtsukiza. Hata usiku achiliye taioya. Cho chadiche china mana yani?

Jeremia 20:18

Kpwa utu wani natuluka kula mo ndanini mwa mayo? Dze, natuluka ili niphahe tabu na sonono na kuishi maisha ga waibu?

Mathayo 11:11

“Nakuambirani kpweli kukala, takudzangbwetsembuka mutu kahi ya anadamu osi ariye muhimu kuriko Johana Mʼbatizadzi. Ela mutu yeyesi ariye mfuasi wangu, hata yuya wa tsini kabisa kpwenye utawala wa mlunguni ni mkpwulu kuriko Johana.