Ayubu 11:8 - Digo Bible

⁸ Ukuluwe unatsupa mlunguni, we unaweza kuhendani? Na chinache chinatsupa kuzimu, unamanyani we?

Ayubu 11:8 Iomraidhean Croise

2 Nyakati 6:18

“Ela, we Mwenyezi Mlungu, kpweli undasagala duniani phamwenga na anadamu? Ichikala hata mlunguni kpwenye, wala mlunguni dzulu sana takukutosha, nkpwedzakala nyumba hino nchiyoidzenga?

Ayubu 11:9

Chipimoche ni chire kuriko dunia, na ni mpana kuriko bahari.

Ayubu 22:12

Si Mlungu a dzulu mlunguni? Hebu lola zo nyenyezi zirivyo dzulu sana!

Ayubu 26:6

Kuzimu ku laza mbere za Mlungu, na Abadoni taina mfwiniko wowosi.

Ayubu 35:5

Lola ko mlunguni na uone, unula matso ulole go maingu garivyo dzulu sana.

Ayubu 37:23

Iye Mwenye Nguvu Zosi tahuweza kumuona, iye ni mwenye uwezo na haki akaodzalwa ni haki naye kaonera mutu.

Ayubu 38:17

Dze, wavugurirwa yo miryango ya chifo ko kpwako, au waonyeswa yo miryango ya kuzimu?

Ayubu 7:9

Dza ingu ritandavyo chisha rikaangamika, aphiyaye kuzimu kauya.

Zaburi 103:11

Dza viratu mlunguni kurivyo dzulu sana kula duniani, vivyo ndivyo, mendzwaye isiyosika ni kulu kpwa hara amuogophao.

Zaburi 148:13

Naatogole dzina ra Mwenyezi Mlungu, mana dzinare bahi ndiro renye sifwa kulu, ukuluwe ukatsupa dunia na mlunguni.

Zaburi 36:6

Hakiyo ni dza myango ya Mlungu, uamulio avi ni vivwa vya bahari uwe Mwenyezi Mlungu unamanyirira atu na nyama.

Misemo 30:4

Ni ani ariyepanda mlunguni na kutserera photsi? Ni ani ariyefukanya phepho na fumbare? Ni ani ariyefunganya madzi bindoni? Ni ani ariyeimarisha pembe za dunia? Dzinare ndiye ani na mwanawe aihwadze? Niambira napho unammanya!

Isaya 55:9

“Dza vyo mlunguni kurivyo dzulu sana kuriko tsi, ndivyo njira zangu zirivyo dzulu kuriko zenu, na maazo gangu garivyo dzulu kuriko go genu.

Amosi 9:2

Hata akatsimba dibwa hadi kuzimu, kuko mkpwono wangu undaatuluza. Nao achikpwera kuphiya mlunguni, chisha ndaatsereza kula kuko.