Amosi 9:13 - Digo Bible

¹³ Mwenyezi Mlungu anaamba, “Lolani siku ziredza, ambapho mvunadzi andagbwirana na mkurima wakati achere kuvuna, na mminyi wa zabibu agbwirane na mphandi wa mbeyu wakati achere minya. Uchi wa mtswano undatwena kula myangoni na undajera kula vidzango vyosi.

Amosi 9:13 Iomraidhean Croise

Mwandzo 49:11

Uwe undafunga pundao mzabibuni na mwana pundao kpwenye mzabibu mnono sana, undafula nguwozo na uchi wa zabibu uchi wa kundu dza mlatso.

Zaburi 97:5

Myango nkutsatsamuka dza mshumaa mbere za Mwenyezi Mlungu, mbere za Mwenyezi Mlungu wa dunia yosi.

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Isaya 55:13

Badala ya mihi ya miya, kundamera misonobari, na badala ya vikpwata kundamera mihadesi. Mambo gaga gandakala kumbukumbu kpwa Mwenyezi Mlungu, na ishara ya kare na kare ambayo taindabanangbwa.”

Ezekieli 28:26

Nao andasagala mumo kpwa usalama, adzenge nyumba na kuphanda minda ya mizabibu. Aho andasagala kpwa usalama wakati ndiphotiya adabu majirani gao gosi garigoabera. Nao andamanya kukala mimi, ndimi Mwenyezi Mlungu, Mlungu wao.’ ”

Ezekieli 36:35

Atu andaamba, “Tsi iriyokala weru vivi ikakala dza munda wa Edeni, na midzi yokala magandzo, yokala wekee bila chitu, yobomolwa-bomolwa vivi inasagala atu na ikadzengerwa ngome.”

Joeli 2:24

Phatu pha kuwagira phandaodzala mtsere na viburu vyenu vindaodzala uchi muphya wa zabibu na mafuha.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Joeli 3:20

Ela tsi ya Juda na ya Jerusalemu, kundakala na atu vivyazi na vivyazi hata kare na kare.

Alawi 26:5

Kuwaga mtsere kundaendelea hadi wakati wa kuvuna zabibu, na kuvuna zabibu hadi wakati wa kuphanda. Mundakala na chakurya cha kutosha na msagale salama kpwenye tsi yenu.

Amosi 9:5

Mwenyezi Mlungu, Mlungu wa majeshi, iye agutaye tsi nayo ikasumba, na osi asagalao mumo akarira, tsi yosi ikaunuka dza muho Naili, chisha ikapwaya tsona dza muho wa Misiri;

Johana 4:35

Mwimwi mkuamba, ‘Sere miezi mine tu atu avune.’ Ela nakuambirani, ilolenito yo minda namwi mundaona! Lolani, mavuno ga tayari kuvunwa.

Aamuli 5:5

Myango yasumba mberezo uwe Mwenyezi Mlungu, hata Mwango Sinai wasumba mberezo uwe Mwenyezi Mlungu, Mlungu wa Iziraeli.