Amosi 8:14 - Digo Bible

¹⁴ Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

Amosi 8:14 Iomraidhean Croise

1 Afalume 12:32

Jeroboamu piya waihenda siku ya kumi na tsano ya mwezi wa nane ikale sikukuu sawa na sikukuu ya chidini yokala inahendeka hiko Juda. Walavya sadaka phatu pha kulavira sadaka ariphotengeza, hiko Betheli mbere za hara ana ngʼombe ariotengeza. Waika alavyadzi-sadaka arioatsambula ahumike chila phatu pha dzulu pha kulavira sadaka ariphotengeza.

1 Afalume 14:16

Mwenyezi Mlungu kandajali tsona Iziraeli kpwa sababu ya dambi za Jeroboamu ambaye wahenda dambi na kuasababisha Aiziraeli nao ahende dambi.”

1 Afalume 16:24

Wagula mwango wa Samariya kpwa talanta mbiri za feza kula kpwa mutu mmwenga yeihwa Shemeri na dzulu ya mwango hinyo, achidzenga mudzi wenye kuta. Mudzi wenye wauiha Samariya, kpwa ishima ya Shemeri ariyekala mwenye mwango hinyo pho mwandzo.

2 Afalume 10:29

Ela kayaricha dambi zira za Jeroboamu mwana wa Nebati ambaye waahenda Aiziraeli amenye dambini, yani hira ibada ya vizuka vya ana ngʼombe a zahabu hiko Betheli na Dani.

2 Nyakati 36:16

Ela hinyo atu aatseka na kuanyetera hinyo ahumwa a Mlungu. Aenderera kubera maneno ga Mwenyezi Mlungu hadi achimtsukiza na ichikala taphana budi kuatiya adabu.

Zaburi 140:10

Makala ga moho nagaamwagikire, naatsuphwe mohoni, kpwenye madibwa na asiunuke tsona!

Zaburi 36:12

Lola atu ayi akagbwa, akabwagbwa photsi taaweza kuunuka.

Misemo 24:16

Mwenye haki anaweza kugbwa kano sabaa na akaunuka, ela atu ayi nkuangamizwa ni mashaka.

Misemo 29:1

Mutu aonywaye kano nyinji na ahende likakado, andavundzwa gafula bila ya kupona.

Isaya 24:20

Dunia inadedeleka dza mlevi, inasumba-sumba dza chibanda wakati wa phuto. Inaremererwa ni dambiye, inagbwa na taindaunuka tsona.

Isaya 43:17

yeangamiza magari ga kuvwehwa ni farasi, farasi na majeshi genye uwezo, gachigbwa na tagawezere kuunuka tsona, gachiangamika na kuzimwa dza utambi:

Jeremia 25:27

Chisha Mwenyezi Mlungu achiniamba, “Aambire, Mimi Mwenyezi Mlungu, Mlungu wa majeshi, Mlungu wa Iziraeli naamba, ‘Nwani mlewe hata muhaphike, mugbwe na msiweze kuima tsona, kpwa sababu ya nyo upanga ndioureha kahi yenu.’

Jeremia 51:64

Chisha uambe, ‘Babeli indazama dza vivyo nayo taindaunuka tsona kpwa sababu ya mashaka ambago ndairehera phamwenga na atue.’ ” Ujumbe wa Jeremia uchisirira phapho.

Hosea 10:5

Atu a Samariya andakakama kpwa chizuka cha ndzau cha Bethi-Aveni. Atue andarira, hata alavyadzi-sadaka ariochiabudu nao andarira, aho ariochiabudu kpwa yo ngumaye, andarira mana yo ngumaye yauswa.

Hosea 13:16

Atu a Samariya andatiywa adabu kpwa ajili ya makosa gao, kpwa sababu amuasi Mlungu wao. Aho andaolagbwa na upanga ana aho atsanga andakatwa-katwa vipande-vipande na achetu aho enye mimba andaahulwa.

Hosea 13:2

Na vivi anazidi kuhenda dambi. Anahumira feza zao kudzitengezera vizuka, anadzitengezera vizuka vya kupambwa vinono sana, na zosi ni kazi za mafundi mangungu. Kazi yao ni kuamba, “Aho nkulavya atu dza sadaka kpwa vizuka, na kudonera vyo vizuka vya ndama.”

Hosea 4:15

Mwi atu a Iziraeli, dzagbwe munazinga, msihende atu a Juda akakala na makosa. Musiphiye mudzi wa Giligali wala msiambuke kuphiya Bethi-Aveni, na msiape mukaamba, “Dza Mwenyezi Mlungu arivyo moyo.”

Amosi 5:1

Mwi atu a Iziraeli, phundzani huno wira wa sonono nilondao kuimba kukuhusuni.

Amosi 5:2

Mwanamwali Iziraeli akagbwa, na kandaunuka tsona. Akarichwa macheye kpwenye tsiiye, taphana mutu wa kumuunula.

Amosi 5:5

Musiphiye mchaniendza Betheli, na musiinjire Giligali wala msivuke kuphiya Beeri-Sheba kpwendaabudu mana atu a Giligali andatsamizwa kpwa lazima na Betheli indaangamizwa.”

Mika 1:5

Gosi higa ni kpwa sababu ya Jakobo kukosera, kpwa sababu ya dambi za chivyazi cha Iziraeli. Kosa ra Jakobo ni riphi? Dze, si Samariya? Dze, phatu pha dzulu pha Juda pha kuabudu milungu yao ni phaphi? Dze, si Jerusalemu?

Zefania 1:5

Nindaangamiza hinyo ambao nkusujudu dzulu ya paa za nyumba kuabudu dzuwa, mwezi na nyenyezi. Nindaangamiza hara anao niabudu na kuapa kpwa dzina ra Mwenyezi Mlungu, ela piya anaapa kpwa dzina ra mlungu aihwaye Milikomu.

Mahendo 18:25

Kala akafundzwa njira ya kukala mfuasi wa Bwana Jesu, na kala achiifundzato. Higo gokala achifundza kala ni sawa, ela kala anamanya ubatizo wa Johana bahi.

Mahendo 19:23

Wakati na hinyo kpwazuka fujo kulu sana hiko Efeso kpwa sababu ya atu kumkuluphira Jesu.

Mahendo 19:9

Ela anjina ahenda kani na achirema kuamini, achikala anagomba vibaya mbere za atu kuhusu kumkuluphira Jesu. Phahi, Paulo wahala atu oamini achiuka. Chila siku achikala anabisha na atu ndani ya dzumba ra kusomera ra Tirano.

Mahendo 24:14

Ela Muishimiwa, nakubali kala naabudu Mlungu wa akare ehu kpwa kulunga njira ya Jesu, ambayo Ayahudi anayiiha chama. Tsona naziamini Shariya zosi za Musa na chila chitu choandikpwa ni manabii.

Mahendo 9:2

na achendavoya baruwa za kudzimanyisa kpwa masinagogi hiko mudzi wa Damasikasi, ili achiphaha afuasi a Jesu, alume ama achetu, aagbwire na aaphirike Jerusalemu.

Kumbukumbu 33:11

Ee Mwenyezi Mlungu, jaliya maliye, na ukubali kazi za mikonoye, vundza nguvu za maaduige, nguvu za anaomzira ili asiunuke tsona.”

Kumbukumbu 9:21

Chisha náhala chira chitu chii chokuhendani muhende dambi, yani chira chizuka cha mwana ndzau mrichodzitengezera. Namyayusa na moho, nchimbunda-bunda na nchimsira hadi achikala tsikitsiki dza vumbi. Halafu vumbi hiro nchiritsupha kpwenye chidzuho chokala chinajera kula mwango hinyo.