Amosi 7:7 - Digo Bible

⁷ Higa ndigo Mwenyezi Mlungu arigonionyesa: Naona aimire kanda-kanda ya ukuta uriodzengbwa kuno unapimwa na kabiro, naye kala akagbwiririra kabiro.

Amosi 7:7 Iomraidhean Croise

Mwandzo 28:13

Mwenyezi Mlungu waima dzulu ya ngazi na achiamba, “Mimi ndimi Mwenyezi Mlungu, Mlungu wa tsaweyo Burahimu na sowe Isaka. Nindakupha uwe na vivyazivyo tsi hino ambayo ukadziambalaza.

2 Samueli 8:2

Chisha achishinda Amoabu, na achialaza photsi mlolongo, achiapima na mkowa. Ariphopima ure wa nyo mkowa kano mbiri, kundi hiro raolagbwa, na ariphopima kano ya hahu, kundi hiro rarichwa moyo. Na Amoabu achikala tsini ya Daudi nao achikala anamripha kodi.

2 Afalume 21:13

Nami ndaitiya adabu Jerusalemu dza viratu nirivyotiya adabu Samariya, na nyumba ya mfalume Ahabu. Atu osi a Jerusalemu ndaausa tsetsetse dza viratu mutu aphangusavyo liga na kuribwiningiza.

Isaya 28:17

Nami ndahumira uamuli wa haki ikale chipimo na kuhenda haki ikale kabiro. Mvula ya mawe indausa chimbiriro renu, yani handzo na madzi gandafurika hipho phatu phenu pha kudzifwitsa.

Isaya 34:11

Mweko na vimburu vindasagala himo. Mlungu andairicha ikale gandzo, ikale tsumbi ya mawe.

Sonono za Jeremia 2:8

Mwenyezi Mlungu wakata shauri kubomola ukuta wa mwana mchetu wa Sayuni. Iye wahumira mkpwowa wa kupimira naye kayausa mkpwonowe wakati anabomola. Wahenda nyo ukuta wa kondze na wa ndani usononeke, zosi mbiri zabomolwa phamwenga.

Ezekieli 40:3

Ariphonireha phapho, phakala na mutu ambaye kala anangʼala dza shaba akagbwiririra lugbwe ra katani na chigongo cha kupimira mwakpwe mkpwononi, naye kala aimire pho ryangoni.

Amosi 7:6

Mwenyezi Mlungu achigaluza nia kuhusu riri achiamba, “Riri piya tarindahendeka.”

Amosi 7:8

Mwenyezi Mlungu achiniuza, “Amosi, unaonani?” Nchimjibu nchiamba, “Naona kabiro.” Ndipho Mwenyezi Mlungu achiamba, “Lola, nahumira kabiro kuonyesa kukala atu angu Iziraeli ni dza ukuta ambao ukamyoka nami ndaatiya adabu wala sindagaluza nia.

Zakariya 4:10

Mana hata ye ariyebera siku ya mambo madide-madide andahererwa ndiphoona Zerubabeli ana kabiro mkpwononi, anadzenga. Chisha ye malaika achiniambira, “Hizi taa sabaa ni matso ga Mwenyezi Mlungu, nago ganaona chila phatu duniani.”

Maono 11:1

Chisha nchihewa mwandzi chikale chigongo cha kupimira, nchiambwa, “Phiya ukapime Nyumba ya Kuvoya Mlungu na phatu pha kulavira sadaka, na uolange atu osi aabuduo himo.

Maono 21:15

Phahi ye malaika yekala anagomba nami kala akagbwira chigongo cha kupimira. Chigongo hicho kala chikatengezwa na zahabu, nacho kala ni cha kupimira nyo mudzi, miryangoye na nyo ukutawe.