Amosi 6:1 - Digo Bible

¹ Shauri yenu mwimwi msiokala na wasiwasi kuko Sayuni, na mwimwi mdzionao mu salama ko mwango wa Samariya, atu mashuhuri a taifa ririro ra kpwandza ambao atu a Iziraeli nkulunga msada kpwao.

Amosi 6:1 Iomraidhean Croise

1 Afalume 16:24

Wagula mwango wa Samariya kpwa talanta mbiri za feza kula kpwa mutu mmwenga yeihwa Shemeri na dzulu ya mwango hinyo, achidzenga mudzi wenye kuta. Mudzi wenye wauiha Samariya, kpwa ishima ya Shemeri ariyekala mwenye mwango hinyo pho mwandzo.

Zaburi 123:4

Hukagayiswa sana ni hinyo anaodzikarya hukaberwa ni hinyo asiojali na enye ngulu.

Misemo 1:32

Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.

Isaya 33:14

Enye dambi ario mwango Sayuni anakakama kpwa wuoga, nao anauza, “Hundasagaladze phatu pharipho na moho mkali, moho usioricha kuaka?”

Jeremia 2:3

Aiziraeli kala ni atakatifu kpwa Mwenyezi Mlungu, malimbuko kahi ya mavunoge. Osi ariojeza kuaolaga aharirwa kukala akosa, na achiphahwa ni mashaka. Mimi Mwenyezi Mlungu nkaamba.’ ”

Jeremia 48:11

Hangu pho mwandzo, Moabu ikakala na amani, dza uchi uchiorichwa na siraye. Iye kakabiganywa kula mwiyo hadi wanjina, wala kadzangbwehalwa mateka. Kpwa hivyo mtswanowe uchere vivyo kula kare, na kunguye taidzangbwegaluka.

Jeremia 49:31

Unuka, ukapige taifa risiro na fujo, riro riishiro salama, mimi Mwenyezi Mlungu nkaamba. Mudzi usio na maryango wala magbwama ni taifa rinaroishi macheye.

Jeremia 5:5

Ndaphiya kpwa vilongozi, nami ndagomba nao, mana anamanya njira ya Mwenyezi Mlungu, taaelewa shariya ya Mlungu wao.” Ela osi jumula akavundza gogolo, na kukata zo silisili.

Jeremia 7:4

Msikuluphire maneno higa ga handzo kukala: Ihi ni nyumba ya Mwenyezi Mlungu, ni nyumba ya Mwenyezi Mlungu, ni nyumba ya Mwenyezi Mlungu.

Sonono za Jeremia 1:1

Lola, vyo mudzi urivyo wekee mudzi uriokala ukaodzala atu! Vivi ukakala dza mchetu gungu, yekala mkpwulu kahi ya mataifa! Mchetu yekala Malikia kahi ya midzi vivi akahendwa kukala mtumwa.

Amosi 3:2

“Kahi za mataifa gosi ga duniani, nkakutsambulani mwimwi bahi. Kpwa hivyo nindakutiyani adabu kpwa dambi zenu zosi.”

Amosi 3:9

Tangazani kahi za zo ngome za Ashidodi, na mo mwenye ngome za tsi ya Misiri, Muambe, “Dzikusanyeni dzulu ya myango Samariya, mlole zo fujo nyinji na kuonerana kuriko mumo.”

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Amosi 5:27

Kpwa hivyo Mwenyezi Mlungu, ambaye dzinare ni Mlungu wa majeshi anaamba, ‘Ndakutsamizani kpwa lazima nkuphirikeni kpwatu kure, kutsupa Damasikasi.’ ”

Amosi 8:14

Na aho aapao kpwa kuhadza chizuka cha Samariya na kuamba, ‘Dza mlunguo aishivyo uwe Dani,’ na ‘Dza mlungu wa Beeri-Sheba aishivyo,’ aho andagbwa na taandaunuka tsona.”

Amosi 9:10

Enye dambi osi kahi za atu angu andaolagbwa na upanga aho ambao nkuamba, ‘Takuna mai ndigohuphaha.’

Mika 3:1

Alafu nchiamba, “Phundzani mwi vilongozi a Jakobo, mwimwi atawala a nyumba ya Iziraeli. Dze, simwi mlondwao kumanya haki?

Zefania 1:12

Wakati uho nindamwirika Jerusalemu na taa na niipeleleze. Nindaatiya adabu atoshekao na hali yao, hinyo aambao mwao mioyoni, ‘Mwenyezi Mlungu kandahenda rorosi nono wala iyi.’

Jakobo 1:18

Mlungu waonato kuhuhenda hukale anae kpwa kuhupha nenore ra kpweli, na sambi hu viumbe muhimu kuriko viumbevye vyosi.

Jakobo 5:5

Mwasagala duniani maisha ga raha na anasa. Mu dza nyama ambao anona na a tayari kpwa siku ya kutsindzwa.

1 Petero 5:7

Mrichireni Mlungu mashaka genu gosi mana iye anajali mambo genu.

Aamuli 18:7

Kpwa hivyo hara atu atsano auka achiphiya Laishi, ambako akpwendakuta atu ambao kala anaishi salama dza atu a Sidoni, mana kala kuna amani na kala taana dzuphi. Atu enye kala ni matajiri mana tsi yao kala ina rutuba. Nao kala anaishi kure na atu a Sidoni wala taayakala na uhusiano wowosi na atu anjina.