Amosi 5:12 - Digo Bible

¹² Mana namanya vyo makosa genu garivyo manji, na vyo dambi zenu zirivyo kulu, mwimwi munaonera atu a haki na kuhala hongo, na kuzuwiya agayi asiphahe haki zao mo kotini.

Amosi 5:12 Iomraidhean Croise

Ayubu 20:19

Mana akaonera achiya na kuaricha bila chitu, akahala kpwa nguvu nyumba ambazo kazidzengere.

Ayubu 31:21

Ichikala naunula mkpwono wangu chinyume cha anachiya, nchimanya naweza kupendelewa ni aamuli,

Zaburi 127:5

Baha mutu ariye na ana anji alume dza mutu ambaye ryakare ri tele mivi. Iye kandaifika, wakati anapholumbana na maaduige pho ryangoni.

Kutsama 23:3

Na unaphoamula kesi ya mchiya usimpendelee.

Kutsama 23:6

Ichikala unaamula kesi ya mchiya usimlafye hakiye.

Misemo 17:8

Hongo rihenda kazi dza pingu kpwa mutu alavyaye, anafwaulu na chila amlungaye.

Misemo 22:22

Usionere mchiya kpwa kukala ni mchiya wala hiko kotini usimlafye mchiya hakiye.

Isaya 1:23

Vilongozio ni aasi na ni asena a aivi osi anamendza kuhongbwa na kuhewa zawadi. Aho taakanira anachiya na taaphundza malau ga magungu.

Isaya 10:2

ili kualafya achiya haki zao na kuonera atu angu kufuta magungu vitu vyao, na kuiyira anachiya.

Isaya 29:21

Hinyo ni hara amuhendao mutu kukala mkosa na kumhehera mkosadzi hinyo nkumlafya haki mutu asiye makosa kpwa maneno ga handzo.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Isaya 47:9

Ela mambo gaga mairi, kufwererwa ni ana na kukala gungu, gandakuphaha gafula siku mwenga. Dzagbwe u mtsai na mgbwanga mkpwulu, mambo higa gosi gandakuphaha.

Isaya 5:23

Atu arichirao enye makosa kpwa sababu ya kuhongbwa na kumlafya haki asiyekosa!

Isaya 66:18

“Mana namanya mahendo gao na maazo gao. Nami ndakpwedza nikusanye atu a mataifa ganjina gosi na a luga zosi, nao andaona nguma yangu.

Jeremia 29:23

Mana ahenda mai ko Iziraeli, azinga na akaza majirani gao na agomba maneno ga handzo ambago siahumire kpwa dzina rangu. Mimi ndimi nigamanyaye mana nagashuhudiya, mimi Mwenyezi Mlungu nkaamba.”

Sonono za Jeremia 3:34

Afungbwa osi a tsi anaphovyogbwa-vyogbwa,

Ezekieli 13:22

Kpwa kukala mwavundza mioyo enye haki kpwa handzo renu nriphokala sidzangbwehenda asononeke, na piya mchiahenda atu ayi asiriche kuhenda mai ahendago akativya maisha gao,

Hosea 5:3

Atu a Efuraimu naamanya na atu a Iziraeli kpwangu taaweza kudzifwitsa. Aefuraimu anahenda umalaya, Aiziraeli akadzinajisi.

Amosi 2:16

Na nyo enye mioyo isiyoogopha chitu kahi za nyo masujaa, andabwaga silaha achimbire siku iyo,” Mwenyezi Mlungu anaamba.

Amosi 2:3

Nami ndamuolaga ye mtawalawe, na niolage vilongozie osi,” Mwenyezi Mlungu anaamba.

Amosi 5:10

Mwimwi nkummena aamuli aaminifu mo kotini, na nkutsukirirwa mashaidi agombao kpweli.

Amosi 5:7

Shaka hiro mwimwi munaolafya atu haki zao kpwa kusalunga shariya, na kubera haki.

Amosi 8:4

Phundzani mwimwi muonerao agayi, na kuangamiza achiya a yo tsi,

Mika 3:11

Vilongozie anaamula kpwa kuphokera hongo, alavyadzi-sadaka anafundza kpwa maripho, manabiie anatabiri kpwa kuphokera pesa. Chisha achere mtegemea Mwenyezi Mlungu kpwa kuamba, “Si Mwenyezi Mlungu a phamwenga naswi, taphana mashaka ndigohuphaha.

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Mahendo 7:52

Dze, ni nabii yuphi ambaye akare enu taayamgbwayisa? Piya aolaga ahumwa ambao atabiri kpwedza kpwa mutu asiye na lawama wala makosa, ambaye mwimwi mwamsalata na mchimuolaga vi dzuzi-dzuzi.

Kumbukumbu 16:18

“Tsambulani Aamuli na akulu kula mbari zenu zosi. Hinya mundaaika kpwenye midzi yenu ambayo Mwenyezi Mlungu, Mlungu wenu, andakuphani nao andaamula atu na haki.

Kumbukumbu 31:21

Na ndiphofikpwa ni mai manji na tabu, wira huno undakala ushaidi ndioagbwiza haya mana taundayalwa ni chivyazi chao. Hata kabila sidzangbweaphirika kpwenye tsi nriyoapa kuapha namanya go ambago andagahenda.”

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Jakobo 5:6

Mwaamula na mchiaolaga atu a haki, ambao kala taana uwezo wa kukupingani.

Ruthi 4:1

Chisha Boazi achendasagala hiko ryango ra mudzi phatu pha kuhendera mikutano. Ndipho hiye mʼbari wa Elimeleki ariyeambwa ni Boazi achitsapa na phapho, Boazi achimuiha achimuamba, “Ndzo hiku mwenehu husagale.” Phahi waphiya achendasagala.

1 Samueli 8:3

Ela hinyo anae taayalunga dza ise yao arivyohenda, ela aricha kulunga njira ya ise yao ili aphahe fwaida kpwa njira ya handzo na kuricha kuhenda haki.