Amosi 5:11 - Digo Bible

¹¹ Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Amosi 5:11 Iomraidhean Croise

Ayubu 20:19

Mana akaonera achiya na kuaricha bila chitu, akahala kpwa nguvu nyumba ambazo kazidzengere.

Isaya 16:10

Raha na njerejere za mavuno zikauswa, taphana aimbaye mo mindani. Takuna anayeminya zabibu himo mtengezwamo uchi, njerejere nkazisisa.

Ezekieli 26:12

Nao andahala zewe utajirio na vituvyo vya bishara. Aho andabomola kutazo na kubomola nyumba zenu nono-nono. Alafu atsuphe mawego, mbaozo na taka-taka zosi kahi-kahi ya bahari.

Ezekieli 34:21

Kpwa kukala munasukuma magongoro chilavu-lavu na mafuzi na kugadunga pembe hata mkagatsamula kuphiya kure.

Hosea 9:2

Mwatu mwa kuwagira na mwatu mwa kuminyira zabibu tamundarisa atu bii. Uchi muitsi wa zabibu taundatosha tsetsetse.

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Amosi 2:6

Mwenyezi Mlungu anaamba, “Kpwa sababu atu a Iziraeli akahenda dambi vivyo kpwa vivyo, ni niatiye adabu. Aho nkuguza atu a haki dza atumwa, agayi asioweza kuripha deni hata napho ni dide dza ra jozi ya virahu.

Amosi 2:7

Anaonera sana achiya hata taana pha kuphumira anaalafya haki atu asiodziweza. Mutu na ise analala mchetu mmwenga na kpwa njira iyo ananajisi dzina rangu takatifu.

Amosi 3:15

Nindazibomola nyumba za wakati wa umande, na za wakati wa dzoho, na zo nyumba zenye mapambo ga pembe za ndzovu zindabanangbwa na go madzumba manono tagandakalako tsona,” Mwenyezi Mlungu anaamba.

Amosi 3:9

Tangazani kahi za zo ngome za Ashidodi, na mo mwenye ngome za tsi ya Misiri, Muambe, “Dzikusanyeni dzulu ya myango Samariya, mlole zo fujo nyinji na kuonerana kuriko mumo.”

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Amosi 6:11

Wakati Mwenyezi Mlungu andalavya lagizo zo nyumba kulu zindavundzwa-vundzwa na ndide zindahendwa vibandzu-vibandzu.

Amosi 6:12

Dze, farasi anaweza kuzola dzulu ya gamba? Ama mutu kurima na ngʼombe baharini? Ela mwimwi munaolafya atu haki zao kpwa kusalunga shariya, na matunda ga haki kukala dza muhi wa utsungu,

Amosi 8:4

Phundzani mwimwi muonerao agayi, na kuangamiza achiya a yo tsi,

Amosi 9:14

Nindaauyiza atu angu Iziraeli nao andadzenga luphya magandzo ga midzi yao asagale. Andaphanda minda ya mizabibu na kunwa uchiwe, andaphanda minda na arye mavunoge.

Mika 1:6

“Kpwa hivyo Samariya ndaihenda dzala phatu pha kumeza mitse ya mizabibu. Mawege ndagamwaga deteni na misingiye niiriche wazi.

Mika 2:2

Nkuaza minda na akaihala, akaaza nyumba na akazihala. Nkumuonera mutu na atu a nyumbaye, na nkufuta mutu urisiwe.

Mika 6:15

Mundaphanda ela tamundavuna, mundaminya zaituni ela tamundadzipaka mafuhage, mundavyoga zabibu ela tamundanwa uchiwe.

Zefania 1:13

Utajiri wao undahalwa zewe na nyumba zao zindabomolwa-bomolwa. Andadzenga nyumba ela taandazisagala, andaphanda mizabibu ela taandanwa uchi wa mizabibu hiyo.”

Hagai 1:6

Mnaphanda kpwa unji ela munavuna chichache. Kurya munarya ela tammvuna. Kunwa munanwa ela tamuna uchi wa kutosha kualevya. Nguwo munavwala ela mnyevu munao. Mishahara munaphokera ela ni kama avi munaitiya mifuko yenye tundu.”

Malaki 1:4

Aedomu ambao ndio mbari ya Esau anaamba, “Dzagbwe hwapigbwa na midzi yehu ichibomolwa, hundauya tsona hwedze hugadzenge luphya higo magandzo gehu.” Ela hiye Mwenyezi Mlungu, Mlungu wa majeshi anaamba, “Hata akadzenga tsona, chisha mino ndabomola hadi iyo tsi yao iihwe ‘tsi ya uyi’ na hinyo enye, aihwe ‘atu arioreyerwa ni Mwenyezi Mlungu hata kare na kare.’

Kumbukumbu 28:30

“Undaposa mwanache wa chichetu ela andagbwavukirwa ni mlume wanjina. Undadzenga nyumba ela kundaisagala. Undaphanda mizabibu ela kundadola matundage.

Jakobo 2:6

Ela mwabera achiya. Mmanye kala matajiri ndio ambao nkukuonerani na kukuphirikani kotini.