Amosi 4:4 - Digo Bible

⁴ “Ndzoni Betheli, mwedze muhende dambi, ndzoni Giligali muhende dambi zaidi. Reheni sadaka zenu chila ligundzu na mafungu genu ga kumi chila bada ya siku tahu.

Amosi 4:4 Iomraidhean Croise

Muhubiri 11:9

We barobaro hamirwa ni ubarobaroo na moyoo ukuphe raha siku za ubarobaroo. Lunga moyoo umendzavyo na chinacholondwa ni matsogo. Ela umanye kukala Mlungu andakuamula kulengana na vira urivyoishi.

Ezekieli 20:39

“ ‘Ela mwimwi atu a Iziraeli, Mwenyezi Mlungu anaamba hivi: Chila mmwenga naakahumikire vizukavye na badaye mundaniphundza na tamundarinajisi tsona dzina rangu takatifu, kpwa zawadi zenu mzilavirazo vizuka vyenu.

Hosea 12:11

Atu a Giliadi ni ayi! Nao taana mana! Analavya sadaka za ndzau ko Giligali, Mwatu mwao mwa kulavira sadaka mundakala dza tsumbi za mawe, kpwenye munda uchiorimwa.

Hosea 4:15

Mwi atu a Iziraeli, dzagbwe munazinga, msihende atu a Juda akakala na makosa. Musiphiye mudzi wa Giligali wala msiambuke kuphiya Bethi-Aveni, na msiape mukaamba, “Dza Mwenyezi Mlungu arivyo moyo.”

Hosea 9:15

“Kpwa uyi wao wosi ariouhenda hiko Giligali, nami náandza kuamena kuko. Kpwa ajili ya mahendo gao mai nindaatuluza mwangu nyumbani. Sindaamendza tsona, vilongozi aho osi ni aasi.

Amosi 3:14

Yo siku ndiyotiya adabu Aiziraeli kpwa makosa gao, ndabomola mwatu mwa kulavira sadaka mwa Betheli. Na zo pembe za phatu pha kulavira sadaka zindakatwa zigbwe photsi.

Amosi 5:5

Musiphiye mchaniendza Betheli, na musiinjire Giligali wala msivuke kuphiya Beeri-Sheba kpwendaabudu mana atu a Giligali andatsamizwa kpwa lazima na Betheli indaangamizwa.”

Mathayo 23:32

Haya, marigizani mwi enye hira kazi yoandzwa ni atumia enu!

Mathayo 26:45

Chisha achiauyira hara anafundzie, na achialamusa kuno anaamba, “Mbona mchere rere na kuoya? Phundzani! Saa ikafika, na mimi, Mutu Yela Mlunguni, ni phephi na kulaviwa kpwa atu a dambi.

Mariko 14:41

Chisha achiauyira hara anafundzie kano ya hahu, na achialamusa kuno anaamba, “Mbona mchere rere na kuoya? Vikatosha! Saa ikafika, nami, Mutu Yela Mlunguni, ni phephi na kulaviwa kpwa atu a dambi.

Mariko 5:5

Usiku na mutsi mutu hiyu kala achinyendeka ko vikurani na gambani kuno anakota kululu na kudzikata-kata na mawe.

Kumbukumbu 26:12

“Chila mwaka wa hahu, chila mmwenga wenu andalavya fungu ra kumi ga mavunoge gosi kpwa ajili ya Alawi, ajeni, anachiya na magungu, ili aphahe chakurya cha kutosha anaphokala kpwenye midzi yenu.