Amosi 4:13 - Digo Bible

¹³ Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Amosi 4:13 Iomraidhean Croise

Ayubu 9:7

Nkuamuru dzuwa risituluke, naro rikahenda vivyo, ahendaye nyenyezi kusalavya mwanga.

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Zaburi 139:2

Unanimanya nisagalapho na niunukapho; unamanya maazo gangu wakati u kure nami.

Zaburi 147:18

Chisha nkugomba neno gakatsatsamuka, akavumisa phutore, na madzi gakajera.

Zaburi 65:6

Uwe ambaye kpwa nguvuzo ukaimisa myango kuonyesa una nguvu sana.

Kutsama 10:22

Phahi Musa waunula mikonoye kulekeza dzulu mlunguni, na Misiri ndzima ichifwinikpwa ni chilungulungu cha jiza kpwa muda wa siku tahu.

Kutsama 14:20

ichikala kahi-kahi ya jeshi ra Misiri na ra Iziraeli. Usiku wosi rira ingu rareha jiza kpwa Amisiri na mwanga kpwa Aiziraeli, kpwa hivyo Amisiri taayaweza kuafikira phephi.

Isaya 40:12

Ni ani ariyepima madzi na fumbare, na kupima ko mlunguni na mikonoye? Ni ani ariyetiya vumbi ra dunia kpwenye pishi, au kuipima myango kpwa kuhumira ratili, na vidzango kpwa kuhumira mizani?

Isaya 45:7

Mimi ndiye niumbaye mwanga na jiza, ndimi nirehaye kuongokerwa na mashaka. Mimi, ndimi Mwenyezi Mlungu nigahendaye gaga gosi.

Isaya 47:4

Mkomboli wehu, Mwenyezi Mlungu, Mlungu wa majeshi ndiro dzinare, iye ndiye Mtakatifu wa Iziraeli.

Isaya 48:2

Mnadziamba mula mudzi mtakatifu, na kumkuluphira Mwenyezi Mlungu wa Iziraeli, ambaye dzinare ni Mwenyezi Mlungu, Mlungu wa majeshi.

Isaya 5:30

Siku iyo andaangurumira dza bahari ingurumavyo. Mutu achilola kahi ya yo tsi andaona jiza na mashaka na maingu gandahenda kufunge jiza.

Jeremia 10:13

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkuhenda limeme wakati wa mvula, na kureha phuto kula kpwenye nyumbaze za kuikira akiba.

Jeremia 10:16

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe Mwenyezi Mlungu, Mlungu wa Majeshi ndiro dzinare.

Jeremia 13:16

Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.

Jeremia 46:18

Iye mfalume ambaye dzinare ni Mwenyezi Mlungu, Mlungu wa majeshi anaamba, Kpwa kpweli dza niishivyo kuredza mutu chinyumecho uwe Misiri mwenye nguvu kutsapa osi ariokpwedzera. Kpwako uwe andakala dza mwango Tabori urivyo mure kutsupa myango yanjina na dza mwango Karimeli urivyo mure ko kanda-kanda ya bahari.

Jeremia 51:16

Atuluzapho sauti, madzi nkuvuma ko mlunguni, nkuhenda guro rikapanda kula pembe za tsi. Nkumeka limeme wakati wa mvula, na kureha phuto kula kpwenye nyumbaze za kuikira akiba.

Jeremia 51:19

Iye ariye mtalo wa Jakobo si dza vyo vizuka, mana ndiye ariyeumba vitu vyosi, chisha mbari za Iziraeli ni urisiwe, Mwenyezi Mlungu, Mlungu wa Majeshi ndiro dzinare.

Danieli 2:28

Ela kuna Mlungu ko mlunguni ambaye nkuika wazi siri, naye akammanyisa mfalume Nebukadineza mambo ndigohendeka siku zedzazo. Vivi ndakuambira ndosoyo na ruwiyayo iriyokpwedzera mwako chitswani uriphokala urere mwako chitandani.

Danieli 2:30

Siyaikirwa wazi siri ya ndoso ihi kpwa kukala nina ikima kushinda atu osi, ela ni kpwa sababuyo uwe mfalume ili umanye mana ga yo ndosoyo na maazogo.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Joeli 2:2

Siku iyo ni siku ya jiza na vurungu-vurungu, indakala siku ya maingu na chilungulungu cha jiza. Gafula jeshi kulu ra ndzije rindabwiningiza myango. Jeshi kulu chisha ra nguvu, ambaro taridzangbweoneka hangu kare wala takundakala na jeshi dza hiro tsona hata kare na kare.

Amosi 3:13

Mwenyezi Mlungu, Mlungu wa majeshi anaamba, “Phundzani na mshuhudiye chinyume cha chivyazi cha Jakobo.

Amosi 5:27

Kpwa hivyo Mwenyezi Mlungu, ambaye dzinare ni Mlungu wa majeshi anaamba, ‘Ndakutsamizani kpwa lazima nkuphirikeni kpwatu kure, kutsupa Damasikasi.’ ”

Amosi 5:8

Muendzeni iye ariyetengeza Chirimira na Rambo iye ahendaye chilungulungu cha jiza chikakala ligundzu, na kuhenda mutsi kukala usiku iye aihaye madzi ga bahari, akagamwaga tsi kavu, dzinare ni Mwenyezi Mlungu.

Amosi 6:8

Mwenyezi Mlungu akaapa kpwa kudzihadza mwenye Mwenyezi Mlungu, Mlungu wa majeshi anaamba, “Natsukizwa ni ngulu za atu a Jakobo na kumena madzumba gao. Nami ndaulavya nyo mudzi wao na vyosi virivyo mumo kpwa maadui gao.”

Amosi 8:9

Mwenyezi Mlungu anaamba, “Siku iyo ndahenda dzuwa ritswe mutsi, na kuhenda tsi ikale jiza wakati wa mutsi.

Amosi 9:6

iye adzengaye gorofaye ko dzulu mlunguni, na kuika misingiye phapha duniani; iye ndiye aihaye madzi ga bahari, na kugamwaga dzulu ya tsi, Mwenyezi Mlungu ndiro dzinare.

Mika 1:3

Lola! Mwenyezi Mlungu aredza kula phakpwe makaloni; andatserera na kuvyoga virere vya myango ya dunia!

Habakuki 3:19

Mwenyezi Mlungu ndiye nguvu yangu, iye nkuhenda magulu gangu gakale dza ga kulungu, tsona nkunihenda ninyendeke myangoni.

Zakariya 12:1

Ujumbe wa Mwenyezi Mlungu kuhusu tsi ya Iziraeli. Mwenyezi Mlungu ariyetandaza ko mlunguni, ariyeika misingi ya dunia na ariyeumba roho ya mwanadamu anaamba hivi,

Mathayo 9:4

Ela Jesu wamanya maazo gao, achiauza, “Ni kpwa utu wani munaaza mai mwenu mioyoni?

Johana 2:25

Kala kana haja ya mutu yeyesi kumuambira vira anadamu arivyo, kpwa sababu ye mwenye anamanya moyo wa chila mutu.

Johana 3:8

Roho Mtakatifu ndiye aaphaye atu uhai wa chiroho. Ni dza viratu phuto, mana nkuvuma kuphiya kokosi rilondako. Unarisikira rinavuma, ela kumanya rilako wala riphiyako.”

Kumbukumbu 32:13

Waahenda amiliki seemu za dzulu za tsi, nao achirya mavuno ga minda. Achimupha asali kula kpwenye mwamba afyondze na mafuha ga zaituni kula kpwenye dziwe dzifu.

Kumbukumbu 33:29

Baha mwimwi Aiziraeli. Ni ani ariye dza mwimwi, atu muriotivywa ni Mwenyezi Mlungu, ambaye ndiye ngao na msada wenu, na mufyu unaoarehera ushindi! Maadui genu gandakpwedza gbwa maguluni mbere zenu, namwi mundagavyoga-vyoga.”