Amosi 3:14 - Digo Bible

¹⁴ Yo siku ndiyotiya adabu Aiziraeli kpwa makosa gao, ndabomola mwatu mwa kulavira sadaka mwa Betheli. Na zo pembe za phatu pha kulavira sadaka zindakatwa zigbwe photsi.

Amosi 3:14 Iomraidhean Croise

2 Afalume 23:15

Zaidi ya higo, hiko Betheli wabomola phatu pha kulavira sadaka na achiocha mwatu mwa dzulu mwa kuabudu modzengbwa ni mfalume Jeroboamu mwana wa Nebati ambaye waahenda atu a Iziraeli ainjire dambini. Wabananga phatu pha kulavira sadaka hizo na kuvundza mawege vipande-vipande, na chisha achivibunda-bunda hadi vichikala vumbi. Piya chizuka cha Ashera wachiocha.

2 Nyakati 31:1

Phahi iyo sharee iriphosira, atu osi a Iziraeli aphiya chila mudzi wa Juda achendavundza-vundza zo nguzo zokala zichiabudiwa, achikata nguzo za Ashera na achibomola mwatumwe mwa dzulu mwa ibada na mwatu mwa kulavira sadaka. Afika hadi Benjamini, na Efuraimu, na piya Manase. Ariphomala kazi hiyo, ndipho chila mutu wa Iziraeli wauya kpwakpwe kaya kpwenye midzi yao.

Kutsama 32:34

Vivi sambi uka, kaalongoze atu hadi phatu phara phokuambira, na malaika wangu andakutanguliyani. Ela wakati undakpwedza, ndiphoatiya adabu kpwa sababu ya dambi zao.”

Amosi 2:8

Aho nkularira nguwo zoikpwa mzamana ni achiya, phephi na chila phatu pha kulavira sadaka. Nao nkunwa uchi uchioriphiwa dza faini kpwenye nyumba ya Mlungu wao.

Amosi 4:4

“Ndzoni Betheli, mwedze muhende dambi, ndzoni Giligali muhende dambi zaidi. Reheni sadaka zenu chila ligundzu na mafungu genu ga kumi chila bada ya siku tahu.

Amosi 7:10

Ndipho Amaziya, mlavyadzi-sadaka wa mudzi wa Betheli, wahuma ujumbe kpwa Jeroboamu, mfalume wa Iziraeli achiamba, “Amosi akapanga njama mbii chinyumecho kahi-kahi ya Iziraeli, na nyo atu taaweza kuvumirira manenoge gosi.

Amosi 7:13

Ela usilavye unabii tsona hiku Betheli, mana ni phatu phatakatifu pha mfalume, na ni nyumba ya kuvoya ya chifalume.”

Amosi 7:9

Seemu za dzulu za kuabudira atu a chivyazi cha Isaka zindakala gandzo, na mwatu mtakatifu mwa Iziraeli mundabanangbwa, nami ndakomesa utawala wa chivyazi cha mfalume Jeroboamu na upanga.”

Amosi 9:1

Kpwenye ruwiya yanjina Námuona Mwenyezi Mlungu aimire phephi na phatu pha kulavira sadaka, naye achiniamba, “Piga vyo vitswa vya nguzo hata misingiye isumbe, na uzivundze vipande-vipande dzulu ya vitswa vya atu osi na hinyo ndiosala ndaaolaga kpwa upanga. Taphana mutu ndiyechimbira, taphana ndiyetiya.