Aefeso 6:4 - Digo Bible

⁴ Ano baba namwi, msihendere ana enu chibako, ela arereni na adabu nono na kuafundza mambo ga Bwana Jesu.

Aefeso 6:4 Iomraidhean Croise

Mwandzo 18:19

Námtsambula ili aambire anae na vivyazivye bada ya iye alunge njira ya Mwenyezi Mlungu kpwa kuhenda ga haki na garigo ga sawa mbere zangu. Achihenda vivyo, mimi Mwenyezi Mlungu nindamuhendera Burahimu gosi ambago námlaga.”

1 Nyakati 28:20

Chisha Daudi achimuambira mwanawe Selemani, “Dzitiye nguvu Kala na chadi na moyo wa ujasiri, uhende hivyo. Usiogophe na usikale na wasiwasi, mana Mwenyezi Mlungu, Mlungu wangu, a phamwenga nawe. Iye kandakuricha ugbwe wala kukuricha hadi kazi yosi ya ndani ya Nyumba ya kuvoya Mlungu ikamilike.

1 Nyakati 29:19

Muphe mwanangu Selemani moyo wa kulunga chikamilifu shariyazo, shuhudazo na malagizogo na kuhenda chila chitu ili aidzenge iyo Nyumba ya Mlungu nchiyoyiihendera matayarisho.”

Misemo 19:18

Mwanao mtiye adabu napho bado phana kuluphiro, uchimrichira tsari unamʼbananga.

Misemo 22:15

Moyo wa mwanache una uzuzu munji, ela fwimbo ya kumtiira adabu indawuusa wosi.

Misemo 22:6

Mfundze mwanao namuna ya kuishi vinono naye kandairicha achikala mutu mzima.

Misemo 29:15

Kumchapa na kumkanya mwana kundamuhenda akale na ikima, ela mwana wa kurichirwa tsari nkuifya nine.

Misemo 29:17

Mwanao mtiye adabu naye kandakutiya wasiwasi, andahamira moyoo.

Isaya 38:19

Ario moyo ndio awezao kukutogola, dza nkutogolavyo rero; Ano baba nkumanyisa ana aho uaminifuo.

Aefeso 6:3

ili uongokerwe na uishi maisha mare phapha duniani.”

Kumbukumbu 4:9

“Dzimanyirireni na mkale makini sedze mkayala mambo gara mrigoona na matso genu enye. Mana msiphogagbwira gandatuluka mwenu mioyoni siku zosi za maisha genu. Namwi fundzani ana enu na adzukulu enu ili agamanye.

Kumbukumbu 6:7

na hendani chadi cha kufundza ana enu maneno higa na mgabishe msagalapho mwenu madzumbani, munyendekapho, mulalapho na mulamukapho.

Akolosai 3:21

Namwi avyazi, msihendere ana enu vibako kpwa kualaumu dii yosi. Mana muchihenda hivyo mundaavundza mioyo.

2 Timothi 1:5

Piya natambukira vyokala unamkuluphira Jesu chikpweli-kpweli, ambapho mwandzo kuluphiro riro kala rina wawayo Loisi na mayoo Yunisi. Hivi sambi nina hakika una kuluphiro dza riro.

2 Timothi 3:15

na wamanya Maandiko ga Mlungu hangu wanacheo. Higo ganaweza kukulongoza kpwa busara kuphaha wokofu kpwa kumkuluphira Jesu Muokoli.

Joshuwa 24:15

Sambi ichikala tamlonda kumuhumikira Mwenyezi Mlungu, tsambulani ihi rero ndiyemuhumikira, ichikala ni milungu ambayo akare enu ahumikira ngʼambo ya muho Yufurati ama milungu ya Aamori ambao tsi yao munaisagala, ela mimi na nyumba yangu hundahumikira Mwenyezi Mlungu.”

Aamuli 13:12

Hipho Manoa achimuuza, “Siku maneno urigogomba gachitimiya ye mwana ni arerwedze na kaziye indakala iphi?”