Aefeso 4:25 - Digo Bible

²⁵ Phahi richani handzo. Chila mmwenga ni lazima amuambire myawe kpweli, mana hosi hu vilungo vya mwiri mmwenga.

Aefeso 4:25 Iomraidhean Croise

1 Afalume 13:18

Yuya nabii mkare achimuamba, “Mimi piya ni nabii dza uwe na Mwenyezi Mlungu akagomba nami kpwa njira ya malaika akaamba, ‘Muuyize kpwako, arye chakurya na kunwa madzi.’ ” Ela yuya nabii mkare wakala anamchenga tu.

Zaburi 119:29

Nirinda nisigombe handzo, na kahi ya mbazizo nifundza shariyayo.

Zaburi 15:2

Ni yuya asiye na makosa, ahendaye haki na kugomba kpweli kula mwakpwe moyoni.

Zaburi 52:3

Unamendza mai kuriko manono na handzo kuriko kpweli.

Kutsama 23:7

Dzitenge na maneno ga handzo tsona usiolage mutu asiye na kosa au mutu wa haki, kpwa sababu mutu mui dza iye, sindamuonera mbazi tse.

Misemo 12:17

Shaidi anayegomba kpweli nkulavya ushaidi wa kpweli, ela shaidi wa handzo nkugomba handzo.

Misemo 12:19

Kpweli inadumu hata kare na kare, ela handzo ni ra wakati mfupi.

Misemo 12:22

Mwenyezi Mlungu nkuzira atu agombao handzo, ela nkuhamirwa ni atu agombao kpweli.

Misemo 21:6

Mali iphahikanayo na njira ya handzo ni dza mvuche utsamulwao ni phepho na ni muhambo wa kuolaga.

Misemo 24:28

Usilavye ushaidi wa handzo dzulu ya jiranio, wala mromoo usichenge.

Misemo 6:17

Mutu wa shobo, lilimi rigombaro handzo, mikono imwagayo milatso isiyo hatiya,

Misemo 8:7

Mromo wangu unagomba kpweli tuphu na handzo ni tsukizo mwangu kanwani.

Isaya 63:8

Mana waamba, “Kpwa hakika aho ni atu angu, anangu asioweza kunichenga,” naye achikala muokoli wao.

Isaya 9:15

Chilongozi na mutu anayeishimiwa ndio vitswa, manabii anaofundza ga handzo ndio michira.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Alawi 19:11

“Msiiye, msigombe handzo wala kuchengana.

Zakariya 8:16

Higa ndigo mambo ambago ni muhende: Ambiranani kpweli, amulani na haki kukale na amani.

Zakariya 8:19

“Mwenyezi Mlungu, Mlungu wa majeshi anaamba hivi, ‘Mfungo wa mwezi wa ne, wa mwezi wa tsano, wa mwezi wa sabaa na wa mwezi wa kumi undakala wakati wa kusherekeya na kuhamirwa kpwa atu a Juda. Kpwa hivyo mendzani kpweli na amani.’ ”

Johana 8:44

Kpwa kpweli mwimwi sowe yenu ni Shetani, namwi mkumendza kuhenda mai go alondago. Hangu mwandzo iye ni muolagi wala kamendze kpweli, kpwa sababu ye mwenye kana kpweli. Na chila agombapho handzo, nkugomba kulengana na asiliye, mana iye ana handzo na ni baba wa handzo.

Arumi 12:5

Vivyo hivyo, swiswi naswi hata dzagbwe hu anji, hu mwiri mmwenga kpwa kuungana na Jesu. Chila mmwenga waunganishwa na myawe kama chilungo tafwauti ela mwiri mmwenga.

1 Akorintho 10:17

Phahi hata dzagbwe hu anji, hunakala mwiri mmwenga kpwa kushiriki kurya mkpwahe mmwenga.

2 Akorintho 7:14

Mana nákutogolani mbereze, namwi tamuyanitiya waibu. Hwakuambirani kpweli kano nyinji. Vivyo hivyo vira hurivyokutogolani mbere za Tito piya vyakala kpweli.

Aefeso 4:15

Ela hundalunga kpweli na kumendzana zaidi, ili hukale dza Jesu kpwa chila chitu. Iye ndiye chitswa

Aefeso 4:22

Mwafundzwa mriche tabiya na njira zenu mbii za asili ya dambi mrizokala nazo pho kare. Maazo genu mai gakuyugani na gachibananga tabiya zenu.

Aefeso 4:31

Phahi richani utsungu, usiru, tsukizi, kuheha, na kulaphizana. Takuna kuzirana tsona wala kuhenderana mambo mai-mai.

Aefeso 5:30

kpwa vira hu vilungo vya mwiriwe.

Akolosai 3:8

Ela sambi richani higa gosi: tsukizi, utsungu, kuzirana, kuochera atu ngulu, na kugomba maneno mai-mai.

Akolosai 3:9

Msichengane, mana hizo zakala ni ndzimo zenu za maisha ga kare, ambago kala mchiishi kabila ya kumkuluphira Jesu.

1 Timothi 1:10

Piya zarehwa kpwa azindzi, ahendao alume ayawao achetu, na ahendao ayawao atumwa, atu a handzo na aapao na mambo ga handzo, au anjina ahendao gogosi ambago ni chinyume cha mafundzo ga kpweli.

1 Timothi 4:2

Alimu dza hinya ni anafiki na atu a handzo, na zamiri zao zafwa, nazo taziweza kuzuwiya uyi.

Tito 1:12

Hata nabii wao mmwenga waamba, “Akirete siku zosi nkugomba handzo, ni dza nyama abaya, avivu amendzao kurya.”

Tito 1:2

Kpwa njira iyo andaphaha tumaini ra kuishi na Mlungu hata kare na kare. Na Mlungu ambaye kagomba handzo, waahidi higa kabila ya dunia kuumbwa.

Aeburania 12:1

Kpwa vira swiswi hukazungulukpwa ni kundi kulu ra mashaidi, nahuuseni chila chizingiti ambacho chinahuzuwiya, na hira dambi inayohugbwira dza mwiya wa chikpwata. Nahudiniseni kuzola mairo ambago ga mbere zehu kpwa kuvumirira,

Jakobo 1:21

Phahi, msihende tabiya mbii na mriche mahendo mai gosi tse! Dziikeni kpwa Mlungu na mkubali nenore kpwa upole. Watiya neno hiro mwenu mioyoni, na rinaweza kukuokolani.

1 Petero 2:1

Kpwa hivyo, richani uyi wosi, handzo, unafiki na chidzitso, wala msilaumiane tsetsetse.

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”

Maono 22:15

Ela atsai osi, adiya, aolagadzi, aabuduo vizuka na anjina osi amendzao kugomba handzo, andakala kondze ya hinyo mudzi dza viratu madiya.

Aamuli 16:11

Achimuamba, “Nchifungbwa na mikowa miphya ambayo taidzangbwehumika, ndakala mnyonje na kukala dza mutu yeyesi.”