Aefeso 4:2 - Digo Bible

² Msihende ngulu tse. Ela ni lazima mkubali maoni ga ayawenu. Mvumirirane na mswameheane mioyo kutsuka.

Aefeso 4:2 Iomraidhean Croise

Zaburi 138:6

Dzagbwe Mwenyezi Mlungu ni mkpwulu, anajali anyonje, ela atu a roho mbii, nkuamanya kula kure.

Zaburi 45:4

Kahi ya ngumayo, sengera mbere ili uphahe ushindi; enderera kuhehera kpweli, upole na haki, na mkpwonoo wa kulume naukuhendere makulu.

Misemo 16:19

Baha kukala mnyenyekevu na kuishi phamwenga na mchiya, kuriko kuganya nyara phamwenga na atu a ngulu.

Misemo 3:34

Iye nkubera enye chibero, ela nkuonera mbazi a pole.

Muhubiri 7:8

Baha mwisho wa utu kuriko mwandzowe, na baha moyo wa kuvumirira kuriko wa kudzikarya.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Zefania 2:3

Muendzeni Mwenyezi Mlungu mwi atu anyenyekevu murio kpwenye tsi, mlungao amurize. Hendani haki na mnyenyekee nkuhenda mkaepuka kutiywa adabu siku iyo ya tsukizi za Mwenyezi Mlungu.

Zakariya 9:9

Hererwani sana, mwi atu a Sayuni! Kotani kululu, mwi atu a Jerusalemu! Lolani, mfalume wenu aredza, iye ni wa haki, chisha ni mshindi, iye ni mpole, naye akapanda dzulu ya punda, akapanda dzulu ya mwana punda.

Isabu 12:3

Phahi Musa wakala ni mutu mpore sana kuriko mutu wanjina yeyesi duniani.

Mathayo 11:29

Gbwirani mzigo wangu na mdzifundze kula kpwangu; mana mimi ni mpole na wa mbazi, namwi roho zenu zindaoya.

Mariko 9:19

Jesu ariphosikira hivyo, waamba, “Mwi atu msiomkuluphira Mlungu! Ndakala namwi hadi rini? Nindakuvumirirani hadi rini? Hebu mreheni ye mwanache.”

Mahendo 20:19

Námhumikira Mlungu na matsozi manji tsona bila ngulu hata chidide. Nami náphaha tabu nyinji kpwa sababu ya njama za Ayahudi.

Arumi 15:1

Phahi swiswi huriophera chiroho, ni lazima huvumirire hara ambao taadzangbwephera chiroho, wala husidzipendelee.

1 Akorintho 13:7

Mendzwa nkuvumirira gosi, na nkuamini gosi bila kukata tamaa. Na mendzwa nkpwenderera hata ichifikira wakati ambao mambo ni mafu.

Agalatia 6:2

Teryanani tabu zenu, namwi mundakala munatimiza malagizo ga Jesu.

Aefeso 1:4

Mlungu wahutsambula hukale atu a Jesu. Wahutsambula hata kabila kadzangbweumba dunia, ili hukale atakatifu na bila lawama mbereze.

Akolosai 1:11

Na hunakuvoyerani Mlungu akutiyeni nguvuze za ajabu mwenu mioyoni, ili muweze kuvumirira na kukala na raha wakati munagodzera tabu zisire.

1 Timothi 6:11

Ela uwe Timothi, mutu wa Mlungu, usilunge kamare mambo higa. Henda garigo ga haki, dzilavye kpwa Mlungu, mkuluphire Jesu Masihi, mendza atu, vumirira na ukale na upole.

2 Timothi 2:25

Hinyo atu ambao anakupingani, ni lazima muakanye kpwa upole. Chahi Mlungu andaagaluza mioyo ili atubu na kuelewa marifwa ga kpweli.

Jakobo 1:21

Phahi, msihende tabiya mbii na mriche mahendo mai gosi tse! Dziikeni kpwa Mlungu na mkubali nenore kpwa upole. Watiya neno hiro mwenu mioyoni, na rinaweza kukuokolani.

1 Petero 3:15

ela manyani kukala Jesu ndiye mkpwulu wa maisha genu na mumuogophe moyo kutsuka. Kalani tayari wakati wosi kumuelezea yeyesi ndiyeuza sababu ya kuluphiro renu.

1 Petero 3:8

Chimarigizo nakuambirani mosi: gbwiranani mkale na moyo mmwenga mosi bu. Mendzanani na muonerane mbazi, wala msihende ngulu tse.