Aeburania 9:7 - Digo Bible

⁷ Ela mlavyadzi-sadaka mkpwulu macheye waruhusiwa kuinjira chumba cha phiri, naye kala nkuinjira limwenga bahi kpwa mwaka. Tsona kala ni lazima ainjire na mlatso kpwa kumlavira Mlungu sadaka kpwa kudziusira dambize mwenye na za atu anjina osi arizohenda bila ya kumanya.

Aeburania 9:7 Iomraidhean Croise

2 Samueli 6:7

Ndipho Mwenyezi Mlungu achimtsukirirwa Uza, achimuolaga phapho kpwa kosare, naye wafwa phapho mbere ya sanduku ra Mlungu.

2 Nyakati 33:9

Ela Manase achiahenda nyo atu a Juda, na nyo atu ariokala anasagala Jerusalemu, ahende mai zaidi kutsupa go mataifa ambago Mwenyezi Mlungu wagaangamiza mbere Aiziraeli.

Zaburi 19:12

Ni ani awezaye kuona makosage? Niswamehe makosa ga siri.

Zaburi 95:10

Kpwa miaka mirongo mine chivyazi hicho nachitsukirirwa, nchiamba, ‘Atu hano ni atu a maazo mai siku zosi, nao taamendze kulunga njira zangu.’

Kutsama 30:10

Na kpwa sababu phatu hipho pha kulavira sadaka phandakala phatakatifu sana kpwangu mimi Mwenyezi Mlungu, Aruni andakala achiphatakasa limwenga chila mwaka kahi ya vivyazi vyenu vyosi. Andahumira milatso ya sadaka ya kuusa makosa kuphatakasa.”

Isaya 28:7

Alavyadzi-sadaka na manabii anadedeleka, na kuzuwa-zuwa kpwa sababu ya uchi. Anazuwa-zuwa kpwa sababu ya uchi, anadedeleka wakati wa kuona ruwiya, na anadzikpwala wakati wa kuhenda uamuli.

Isaya 29:14

Kpwa sababu iyo ndahenda tsona kazi ya kuangalaza kahi ya atu aha. Nindahenda kazi ya kuangalaza na vilinje. Ikima ya enye ikima indaangamika na kumanya kpwa atu a kpwao amanyao, kundafwitswa.”

Isaya 3:12

Atu angu anaonerwa ni anache na anatawalwa ni achetu. Aa, atu angu, vilongozi enu anakuangamizani anakuhendani msimanye njira ya kulunga.

Isaya 9:16

Hinyo anaolongoza hinya atu anaalongoza chimakosa na anaolongozwa anakosera njira.

Hosea 4:12

Atu angu anapiga mburuga kula kpwa vizuka vya mihi nao nkumanyiswa maneno ni fwimbo. Roho ya umalaya ikaangamiza nao akamricha Mlungu wao.

Alawi 16:34

Hiri ni lagizo ra kare na kare; upatanisho wa kuusa dambi za atu a Iziraeli ni uhendwe mara mwenga chila mwaka.” Naye achihenda gosi dza Mwenyezi Mlungu arivyomlagiza Musa.

Alawi 5:18

Andamrehera mlavyadzi-sadaka turume risirokala na chirema kula kpwa mifugoye au samaniye ya pesa kpwa ikale sadaka ya kuusa makosa. Naye mlavyadzi-sadaka andamuhendera upatanisho kpwa kumuusira dambi ariyohenda bila kumanya, naye andaswamehewa.

Amosi 2:14

Enye mairo manji, taandaweza kuchimbira. Enye mikpwotse andasirirwa ni mikotse yao, masujaa tagandaweza kutivya maisha gao.

Isabu 15:25

Mlavyadzi-sadaka andaapatanisha Aiziraeli osi na Mlungu, nao andaswamehewa kpwa sababu kala ni kosa ririrohendwa bila kumanya, nao akareha sadaka yao ya kuochwa na ya dambi kpwa Mwenyezi Mlungu, kpwa sababu ya makosa gao.

Aefeso 4:18

Tsona a jizani taaelewa ukpweli wa Mlungu. Atu hinyo a kure na uzima ambao Mlungu anaapha atue, mana taamanya njiraze na ni visoto.

Aeburania 10:3

Ela hizo sadaka zaatambukiza dambi zao mwaka hadi mwaka,

Aeburania 6:19

Hiro kuluphiro rehu ni kama nanga inayohenda mioyo yehu ikale imara. Naro rinahulongoza kutsupira ndani ya paziya kufika mbere za Mlungu.

Aeburania 7:27

Jesu kalondwa kulavya sadaka chila siku dza akulu a alavyadzi-sadaka a kare vyokala achihenda. Aho kala achihenda hivyo kpwandza kpwa sababu ya kudziusira dambi zao, alafu kuusira dambi za ayawao. Ela iye walavya sadaka limwenga ariphodzilavya msalabani na ichitosha wakati wosi.

Aeburania 9:3

Alafu kala kuna paziya, yoganya chumba cha kpwandza na cha phiri. Chumba cha phiri kala chichiihwa Phatu Phatakatifu Zaidi.