Aeburania 6:10 - Digo Bible

¹⁰ Mana Mlungu ni wa haki na kandaricha kutambukira kazi yenu nono na vira mmendzwavyo kpwa kuterya afuasi ayawenu hangu mwandzo hadi sambi.

Aeburania 6:10 Iomraidhean Croise

Nehemia 13:22

Nchilagiza Alawi adzitakase, edze arinde go maryango ili aihende Siku ya Kuoya isitiywe najisi. Nitambukira kpwa gaga nago ee Mlungu wangu, kulengana na ukulu wa mendzwayo isiyosika.

Nehemia 13:31

Piya nahakikisha kukala kuni za phatu pha kuochera sadaka na malimbuko ga mavuno garehwe kpwa wakati uriopangbwa. Nitambukira kpwa manono nirigohenda ee Mlungu wangu.

Nehemia 5:19

Nitambukira kpwa manono ee Mlungu wangu, kpwa gosi nrigoahendera atu hinya.

Zaburi 20:3

Naatambukire sadakazo zosi naakubali sadakazo za kuochwa.

Kutsama 1:20

Phahi, Mlungu waaonera mbazi hara avyalusadzi kpwa vira kala nkumuogopha Mlungu, achiajaliya nao piya achiphaha ana. Nao Aiziraeli achizidi kuenjerezeka na achikala na nguvu sana.

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Muhubiri 11:1

Tsupha chakuryacho madzini, nawe bada ya siku nyinji undachiphaha tsona na zaidi.

Jeremia 18:20

Dze, manono nkuriphiwa na mai? Nao akanitsimbira dibwa, Tambukira nrivyoima mberezo kuavoyera manono ili uuse tsukizizo kpwao.

Jeremia 31:16

Mwenyezi Mlungu anaamba, “Dzizuwiye usirire na usimwagikpwe ni matsozi; mana kaziyo indatuzwa, anao andauya kula yo tsi ya maadui. Mimi Mwenyezi Mlungu nkaamba.

Mathayo 10:42

Mutu ndiyemupha angaa chikombe cha madzi ga kunwa mmwengawapho wa afuasi hinya ambao si muhimu, ela kpwa sababu ni mfuasi wangu, nakuambirani kpweli andatuzwa.”

Mathayo 20:7

Nao achimuamba, ‘Kpwa sababu tahuphahire mutu wa kuhupha chibaruwa.’ Yuya mchina-munda achiaambira, ‘Haya, phiyani mkahende kazi munda wangu wa mizabibu.’

Mathayo 25:17

Vivyo hivyo yuya wa mifuko miiri waphaha fwaida ya mifuko miiri zaidi.

Mariko 9:41

Mutu yeyesi ndiyekuphani chikombe cha madzi ga kunwa kpwa sababu mu atu a Masihi, nakuambirani kpweli andatuzwa.”

Johana 13:20

Kpweli nakuambirani, mutu ndiyephokera muhumwa wangu yeyesi, ananiphokera mimi. Na aniphokeraye mimi, anamphokera iye ariyenihuma.”

Mahendo 10:31

Na achiniamba, ‘Mlungu wasikira mavoyogo hiko mlunguni na waona sadaka ulavyazo na vitu uteryavyo agayi, andavitambukira.

Mahendo 10:4

Korinelio wamtongʼorera matso kpwa wuoga, achiamba, “Ee Bwana, unaambadze?” Yuya malaika achiamba, “Mlungu wasikira mavoyogo hiko mlunguni na waona sadaka ulavyazo kuterya agayi, naye waika mambogo achilini.

Mahendo 11:29

Afuasi akata shauri chila mmwenga atsange chochosi kulengana na uwezowe kuterya afuasi ayawao okala anaishi Judea.

Arumi 12:13

Ariye na vitu, naaterye afuasi ayae ario na haja, na kuphokera vinono ajeni mwenu madzumbani.

2 Akorintho 9:1

Takuna haja ya mimi kukuandikirani baruwa kuhusu msada unaolaviwa kpwa ajili ya atu a Mlungu hiko Jerusalemu.

Agalatia 5:13

Enehu, Mlungu wakutsambulani mkale huru. Ela msihumire uhuru wenu kulunga tamaa za dambi, ela teryanani na mmendzane.

Agalatia 5:6

Mana uchilonda kukala mfuasi wa Masihi Jesu, kutiywa tsatsani au kusatiywa tsatsani takuna mana yoyosi. Ela chitu muhimu ni kumkuluphira na kumendza Mlungu na atu anjina.

Agalatia 6:10

Kpwa hivyo chila huphahapho nafwasi, nauhendeni manono kpwa atu osi, hasa kpwa afuasi ayawehu.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Akolosai 3:17

Kpwa vira hu afuasi a Bwana Jesu, ni lazima chila chitu ndichohenda na gosi ndigogomba gakale kama alondavyo. Na chila wakati mshukuruni Baba Mlungu, kutsupira dzina ra Bwana wehu Jesu Masihi.

1 Athesalonike 1:3

Mana wakati hunavoya Baba Mlungu hukutambukira mahendo manono muhendago kpwa sababu ya kuluphiro renu. Hukutambukira vira mendzwa yenu inavyokuhendani muhende kazi kpwa chadi, na vira muendereravyo kukala na uhakika wa kukala Bwana wehu Jesu Masihi andauya.

1 Timothi 6:18

Piya aambire ahende manono, tsona akale matajiri a higo mahendo manono. Na akale tayari ya kuhumira pesa zao mioyo kutsuka na kuaganyira anjina mali zao.

2 Timothi 4:8

Phahi Mlungu, waniikira tuzo ya haki ambayo siku ya uamuli, Bwana Jesu, ambaye ni muamuli wa haki, andanipha phamwenga na atu osi ariomgodzera kpwa hamu kpwedzakpwe.

Aeburania 10:32

Hebu tambukirani siku hizo za mwandzo mriphongʼazwa matso. Mwagaya sana mambo manji, ela mwavumirira mateso gosi.

Aeburania 13:16

Musiriche kuhenda manono na kuganyira ayawenu vitu murivyo navyo, mana sadaka dza iyo inamhamira Mlungu.

1 Johana 1:9

Ela huchikubali na kumuambira Mlungu kala huna dambi, phahi kpwa vira ni muaminifu na wa haki, andahuswamehe na kuuhusira uyi wehu wosi.