Aeburania 13:6 - Digo Bible

⁶ Ndiyo mana hunaweza kugomba bila wuoga hukaamba, “Mwenyezi Mlungu ndiye msaidizi wangu, sindaogopha chochosi. Mwanadamu andanihendani?”

Aeburania 13:6 Iomraidhean Croise

Mwandzo 15:1

Bada ya mambo higo Mwenyezi Mlungu wagomba na Buramu ruwiyani achimuamba, “Buramu usiogophe. Mimi ni ngaoyo na zawadiyo indakala kulu sana.”

1 Afalume 17:8

Hipho, Mwenyezi Mlungu wagomba na Elija achiamba,

Zaburi 124:8

Msada wehu ula kpwa Mwenyezi Mlungu, yeumba mlunguni na tsi.

Zaburi 146:3

Usiadamire akulu, wala mwanadamu asiyeweza kukutivya.

Zaburi 27:9

Usinifwitse usoo, usireye ukaniricha mimi mtumishio mana ukakala msada wangu. Usinireme wala kuniricha, ee Mlungu, muokoli wangu.

Zaburi 33:20

Mioyo yehu inamkuluphira Mwenyezi Mlungu, iye ndiye msada wehu na ngao yehu.

Zaburi 40:17

Mino ni mchiya na mgbwayi, ela Mwenyezi Mlungu ananiririkana. Uwe ndiwe uniteryaye na uniokolaye usikae, ee Mlungu wangu.

Zaburi 54:4

Namanya Mlungu ndiye aniteryaye, Mwenyezi Mlungu ndiye aniikaye moyo.

Zaburi 56:4

Namkuluphira Mlungu ambaye nenore naritogola, namkuluphira Mlungu bila wuoga. Kpwani mwanadamu andanihendani?

Zaburi 63:7

mana uwe ndiwe uniteryaye, nami naimba na raha mwako maphani.

Zaburi 94:17

Kala Mwenyezi Mlungu kayaniterya, ningekala náphiya kare tsi ya ariofwa.

Isaya 41:10

Usiogophe, mana mimi ni phamwenga nawe, usihende wasiwasi mana mimi ndimi Mlunguo, nindakutiya nguvu na nkuterye ndakugbwira na mkpwono wa kulume wa haki yangu.

Isaya 41:14

Usiogophe uwe Jakobo, ambaye u dza mnyololo, mwimwi atu Aiziraeli, ‘Nindakuteryani!’ ” Ndivyo aambavyo Mwenyezi Mlungu, Mkombolio, Mtakatifu wa Iziraeli.

Mathayo 10:28

Msiogophe atu aolagao mwiri bahi, ela taaweza kuolaga roho. Baha kumuogopha Mlungu awezaye kubananga mwiri phamwenga na roho mohoni.

Arumi 8:31

Vino, huambedze kuhusu mambo higa? Ichikala Mlungu a uphande wehu, kpwa kpweli takuna mutu awezaye kuhushinda.

Aefeso 3:12

Kpwa kumkuluphira na kuunganishwa naye, huna uhakika wa kufika mbere za Mlungu bila ya wuoga.

Kumbukumbu 33:26

Musa achimarigiza kpwa kuamba, “Ee Iziraeli, taphana ariye dza Mlunguo, hiye atsupaye mlunguni kpwedza kukuterya, atsupaye na nguvu katika anga.

Kumbukumbu 33:29

Baha mwimwi Aiziraeli. Ni ani ariye dza mwimwi, atu muriotivywa ni Mwenyezi Mlungu, ambaye ndiye ngao na msada wenu, na mufyu unaoarehera ushindi! Maadui genu gandakpwedza gbwa maguluni mbere zenu, namwi mundagavyoga-vyoga.”

Aeburania 10:19

Enehu nakuambirani, kpwa sababu ya mlatso wa Jesu, swiswi hunaweza kuinjira Phatu Phatakatifu Zaidi bila ya wuoga.

Aeburania 4:16

Phahi nahusengerereni pho pharipho na chihi cha endzi cha Mlungu bila wuoga, mana Mlungu ni mnono. Ndipho andahuterya wakati wa shida kpwa kuhujaliya na kuhuonera mbazi.

1 Samueli 23:17

Achimuamba, “Usiogophe kpwa mana ye baba kandakuphaha. Uwe undakala mfalume wa Iziraeli nami ndakala mwanatsinio. Hata ye baba anamanya gago.”