Aeburania 12:6 - Digo Bible

⁶ Mana Mwenyezi Mlungu nkumtiya adabu ili kumlongoza vinono chila mutu ammendzaye, na nkumtiya adabu chila ariyemkubali kukala mwanawe.”

Aeburania 12:6 Iomraidhean Croise

2 Samueli 7:14

Mimi ndakala ise, naye andakala mwanangu. Achikosera, ndamtiya adabu dza mutu amtiyavyo mwanawe adabu na fwimbo, na mapigo ndigorehwa ni anadamu.

Zaburi 119:71

Ni vinono kukala nateseka, ili niweze kudzifundza shariyazo.

Zaburi 119:75

Namanya, ee Mwenyezi Mlungu, kukala hukumuzo ni za haki na kukala ukanitiya adabu kulengana na uaminifuo.

Zaburi 94:12

Baha mutu umutiyaye adabu, ee Mwenyezi Mlungu, umfundzaye shariyayo,

Misemo 13:24

Mutu asiyechapa mwanawe kammendza, ela mutu ammendzaye mwanawe karicha kumtiya adabu.

Misemo 3:11

Mwanangu, Mwenyezi Mlungu achikutiya adabu ili kukulongoza vinono, usigatsukurire madide, na achikukanya, usivundzike moyo.

Misemo 3:12

Mana Mwenyezi Mlungu nkumtiya adabu ye ammendzaye dza vyo baba amtiyavyo adabu mwanawe ammendzaye.

Isaya 27:9

Kpwa njira ihi, uyi wa chivyazi cha Jakobo undatsuswa, vivi ndivyo dambize ndivyoswamehewa kabisa, andabananga-bananga mwatu mwa kulavira vizuka sadaka, na kusaga-saga mawe gosi ga mwatu himo hadi gakale chokaa, taphana viguzo vya Ashera au mwatu mwa kufukizira uvumba ndimosala.

Jeremia 10:24

Nirekebisha, ee Mwenyezi Mlungu, henda vivyo kpwa haki, usihende na tsukizi sedze ukaniangamiza.

Sonono za Jeremia 3:39

Kpwa utu wani mutu ariye moyo alalamike, wakati anaphotiywa adabu kpwa dambize?

Kumbukumbu 8:5

Manyani mwenu mioyoni kukala Mwenyezi Mlungu, Mlungu wenu, anakutiyani adabu dza vira baba anavyomtiya adabu mwanawe.

Jakobo 1:12

Mutu ndiyevumirira majaribu na kushinda, andajaliwa na kuphaha zawadi ya uzima wa kare na kare. Mlungu walaga kuapha hinyu uzima wa kare na kare atu ammendzao.

Jakobo 5:11

Hunaatogola hinyo kpwa sababu avumirira. Mmanye mfwano wa Ayubu vira arivyovumirira hadi mwisho, na munaona vira ambavyo Mlungu kala akampangira Ayubu mambo manono. Mlungu ana mbazi nyinji.

Maono 3:19

Mimi nkudemurira na kutiya adabu atu niamendzao. Phahi kalani na chadi, na mriche dambi.

Ruthi 1:3

Phahi ariphokala a hiko Moabu, Elimeleki, mlume wa Naomi wafwa na Naomi achirichwa macheye na anae airi.