Aamuli 6:4 - Digo Bible

⁴ Aho kala achichita kambi zao chinyume chao, na kubananga mavuno ga tsi hadi mphaka wa Gaza. Nao Amidiani kala taarichira Aiziraeli chakurya chochosi wala mangʼondzi, ngʼombe au punda.

Aamuli 6:4 Iomraidhean Croise

Mwandzo 10:19

Mphaka wa Akanani waandza Sidoni hadi Gerari phephi na Gaza, na uchiphiya mlairo wa dzuwa hadi Sodoma, Gomora, Adima na Seboimu phephi na Lasha.

Mwandzo 13:10

Lutu waona kukala dete ra muho Joridani rina madzi manji chila phatu hadi Soari, dza viratu munda wa Mwenyezi Mlungu ama tsi ya Misiri. Wakati hinyo Mwenyezi Mlungu kala kadzangbweangamiza midzi ya Sodoma na Gomora.

Misemo 28:3

Mchiya achionera mnyonje, ni dza mvula kulu ibanangayo mimea.

Jeremia 5:17

Aho andarya mavuno genu na chakurya chenu, andarya ana enu a chilume na a chichetu, andarya vyaa vyenu vya mangʼondzi, vya mbuzi na vya ngʼombe, andarya mizabibu yenu na mitini yenu. Ngome mchizozikuluphira zindabomolwa kpwa upanga.”

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Obadiya 1:5

Majambazi au aivi amenyererapho atu usiku, nkuiya vitu alondavyo tu. Na atu avunapho zabibu nkusaza-saza ili achiya nao aphahe kutsembwesa. Ela uwe undaangamizwa tsetsetse.

Mika 6:15

Mundaphanda ela tamundavuna, mundaminya zaituni ela tamundadzipaka mafuhage, mundavyoga zabibu ela tamundanwa uchiwe.

Kumbukumbu 28:33

“Taifa usirorimanya rindahala mavuno gosi ga tsiiyo na matunda ga jashoro nawe undaonerwa na kuteswa siku zosi.

Kumbukumbu 28:51

Andahala mifugoyo na mavunogo, nawe undasala bila chitu. Aho taandakurichira mtsere, uchi wa zabibu, mafuha, ana ngʼombe au ana ngʼondzi hadi ndiphokuangamiza.

Aamuli 6:3

Mana kano nyinji Aiziraeli ariphophanda mwao mindani, Amidiani, Aamaleki na atu kula mlairo wa dzuwa kala achiambuka kpwendaashambuliya.