Aamuli 5:8 - Digo Bible

⁸ Adzitsamburira milungu miphya, tsi ichikala na viha. Ela takuyaphahikana mwenye fumo wala ngao kahi-kahi ya atu elufu mirongo mine a Iziraeli.

Aamuli 5:8 Iomraidhean Croise

Jeremia 19:4

Mana nyo atu akaniricha na kunajisi phatu hipha kpwa kufukizira uvumba milungu yanjina ambayo nyo enye, akare aho wala afalume a Juda taimanya. Piya akaphaodzaza phatu hipha na mlatso wa atu asio na makosa.

Aamuli 2:12

Aiziraeli aricha kumuabudu Mwenyezi Mlungu, Mlungu wa akare aho ambaye waalavya kula Misiri, achiabudu milungu yanjina, milungu iriyoabudiwa ni atu ariosagala phamwenga nao, higa gachimtsukiza sana Mwenyezi Mlungu.

Aamuli 2:17

Ela Aiziraeli taayaaphundza hinyo aamuli aho mana akala dza malaya kpwa kukosa uaminifu, aho alunga milungu yanjina na kuiabudu. Aricha upesi nyayo zolungbwa ni akare aho ariotii shariya za Mwenyezi Mlungu, ela nyo taahendere hivyo.

Aamuli 4:3

Mfalume Jabini wakala na magari ga vyuma ga kuvwehwa ni farasi magana tisiya. Iye mfalume waaonera sana Aiziraeli kpwa miaka mirongo miiri, nao achimririra Mwenyezi Mlungu aaterye.

Aamuli 5:11

Phundzani sauti za aimbadzi pho phatu phahekpwapho madzi. Tangazani ushindi wa Mwenyezi Mlungu, ushindi wa achiyae ario Iziraeli. Ndipho atu a Mwenyezi Mlungu ariphotserera maryangoni.

Aamuli 5:7

Vidzidzi vyakala wekee bila atu, taviyakalako hiko Iziraeli, hadi nriphohala ulongozi mimi Debora, mimi nriye mayo wa Iziraeli.