Aamuli 5:6 - Digo Bible

⁶ Wakati wa muamuli Shamugari, mwana wa Anathi, wakati wa Jaeli, atu aricha kuhumira barabara kulu, avyaro atsupira njira za vidze-vidze.

Aamuli 5:6 Iomraidhean Croise

2 Nyakati 15:5

Siku hizo kala takuna amani kpwa atulukaye wala ainjiraye mana wasiwasi mkpwulu wamfika chila ariyesagala tsi hizo.

Zaburi 125:5

Ela hinyo anaolunga njira za kubeta-beta, Mwenyezi Mlungu andaausa phamwenga na ahendao mai! Iziraeli naikale na amani.

Isaya 33:8

Takuna tsona anyendekaye, barabara zosi zikarichwa wekee. Vilagane vikavundzwa wala takuna ishima kpwa yeyesi aikaye chilagane.

Jeremia 6:25

Musiphiye mindani, wala kunyendeka barabarani mana ye adui ana fumo na chila phatu phanaogofya.

Sonono za Jeremia 1:4

Njira ziphiyazo Sayuni ni tuphu mana takuna aphiyaye sikukuuni. Maryangoge gakakala gandzo, alavyadzie-sadaka anaula, asichanae anasononeka, na ye mwenye ana utsungu sana.

Sonono za Jeremia 4:18

Maadui ahulunga-lunga nyago hadi nyago hata huchikala tahuweza kunyendeka mwehu njirani. Mwisho wehu wasengera phephi, siku zehu kala zikaolangbwa, kpwa kpweli mwisho wehu kala ukafika.

Alawi 26:22

Nindareha nyama a tsakani kahi yenu ambao andaolaga ana enu na kurya mifugo yenu na kuphunguza isabu yenu hadi njira zenu zikale wekee bila atu.

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”

Aamuli 3:31

Bada ya Ehudi phakpwedza Shamugari mwana wa Anathi. Iye naye waolaga Afilisti magana sita kpwa kuhumira fwimbo ya lutsa ya kutsungira ngʼombe. Iye piya waativya Aiziraeli.

Aamuli 5:7

Vidzidzi vyakala wekee bila atu, taviyakalako hiko Iziraeli, hadi nriphohala ulongozi mimi Debora, mimi nriye mayo wa Iziraeli.