2 Timothi 3:16 - Digo Bible

¹⁶ Higo Maandiko gosi galongozwa ni Mlungu kpwa livuho ra Rohowe, nago ganafwaha kpwa mafundzo, kudemurira atu kpwa makosa gao, kualongoza ariche kuhenda dambi, na kuaelekeza aishi maisha gamhamirago Mlungu.

2 Timothi 3:16 Iomraidhean Croise

2 Samueli 23:2

Roho wa Mwenyezi Mlungu wagomba ndani yangu, nenore wariika mwangu mromoni.

Nehemia 9:20

Waapha Rohoo mnono ili aafundze. Chisha uchiapha chakurya choihwa manna nao achirya na uchiapha madzi kpwa sababu kala ana chiru.

Zaburi 119:11

Nenoro nkariika mwangu moyoni, ili nisikuhendere dambi.

Zaburi 119:130

Maelezo ga mafundzogo nkureha mwanga, na kumuhenda asiyemanya aweze kuelewa.

Zaburi 119:9

Dze, barobaro anawezadze kuhenda maishage gakale swafi? Ni kpwa kuishi kulengana na nenoro.

Misemo 15:10

Mutu aremaye njira ya sawa andatiywa adabu kali na mutu amenaye kukanywa andafwa.

Misemo 15:31

Mutu asikiraye maonyo ga kumdzenga, andaolangbwa phamwenga na atu a achili.

Misemo 6:23

Mana shariya hizi ni taa, na mafundzo higa ni mwanga, nako kuonywa na kutiywa adabu ni njira ya uzima,

Mika 2:7

Mwi atu a Jakobo, gano mgombago ni sawa? Mnaphouza, “Kpwani Roho wa Mwenyezi Mlungu kavumirira? Vino iye nkuhenda mambo dza higa?” Mwenyezi Mlungu anaamba, “Dze maneno gangu tagamuhendera manono mutu ahendaye irivyo sawa?”

Zefania 3:2

Mudzi usiosikira ra mutu, usiokubali kukanywa, usiomkuluphira Mwenyezi Mlungu, wala kumsengerera.

Mathayo 13:52

Chisha Jesu achienjereza kuamba, “Kpwa hivyo, yeyesi amanyaye Shariya za Musa, na ambaye akamkuluphira Muokoli yela kpwa Mlungu ni dza mchina-nyumba alavyaye vitu vya kare na viphya kula chumbani aikamo vituvye vya samani.”

Mathayo 21:42

Hipho Jesu waambira, “Hakika mnamanya Maandiko higa ga Mlungu gaambago: ‘Dziwe roremewa ni adzengi, ndipho rikakala dziwe kulu ra msingi. Mwenyezi Mlungu ndiye yehenda dzambo hiri, naro huchirilola rinahuangalaza!’

Mathayo 22:43

Jesu achiaambira, “Sambi inawezekanadze Daudi wagomba kpwa uwezo wa Roho Mtakatifu achimuiha ‘Bwana?’ Mana wagomba achiamba:

Mathayo 26:54

Ela nchihenda hivyo gara Maandiko ambago ganaamba higa ni gahendeke, gandahendekadze.”

Mathayo 26:56

Ela gosi higa gahendeka ili ritimiye rira neno ra Mlungu rogombwa ni manabii.” Hipho anafundzie osi amricha achichimbira.

Mariko 12:24

Ela Jesu waambira, “Makosa genu nkukala tammanya Maandiko wala uwezo wa Mlungu.

Mariko 12:36

Ambapho Daudi mwenye walongozwa ni Roho Mtakatifu achiamba: ‘Mwenyezi Mlungu wamuamba Bwana wangu, Sagala uphande wangu wa kulume, hadi nihende maaduigo akale chihicho cha kuikira magulu.’

Johana 10:35

Maandiko ganaamba kukala, atu ariophokera ujumbe wa Mlungu aihwa ‘milungu’ ni Mlungu mwenye. Naswi hunamanya kukala Maandiko ganagomba kpweli siku zosi.

Johana 3:20

Chila mutu ahendaye mai nkuuzira hinyo mwanga. Na kaweza kuusengerera phephi kpwa kuogopha dambize zisedze zikamanywa.

Mahendo 1:16

“Enehu, kala ni lazima Maandiko ga Mlungu gatimizwe. Hipho kare Mfalume Daudi walongozwa ni Roho Mtakatifu achigomba chimbere maneno ambago gamphaha Juda. Iye kala ni myawehu, mana piya naye kala akatsambulwa kuhenda kazi phamwenga, ela wakala chilongozi wa atu ariomgbwira Jesu.”

Mahendo 18:25

Kala akafundzwa njira ya kukala mfuasi wa Bwana Jesu, na kala achiifundzato. Higo gokala achifundza kala ni sawa, ela kala anamanya ubatizo wa Johana bahi.

Mahendo 20:20

Mnamanya kala siyasita kufundza chochosi ambacho kala chingekuteryani, ela nákufundzani hazarani na nchiphiya nyumba hadi nyumba.

Mahendo 20:27

Mana nákutangazirani mambo gosi ambago Mlungu wapanga kuhenda.

Mahendo 28:25

Alumbana enye kpwa enye na achiandza kufumukana bada ya Paulo kuamba, “Roho Mtakatifu wagomba kpweli na akare enu ariphohumira nabii Isaya achiamba:

Arumi 15:4

Na gosi garigoandikpwa hipho kare, gaandikpwa ili kuhufundza swiswi. Huchivumirira, gago ganahutiya moyo ili hukale na kuluphiro.

Arumi 2:20

Tsona u mwalimu wa anache na atu asiomanya, mana Shariyazo zinakueleza kuhusu marifwa gosi na ilimu ya kpweli.

Arumi 3:2

Hakika kukala Myahudi kuna mana sana. Mwandzo kabisa, Mlungu waapha Ayahudi malagizoge.

Arumi 4:23

Ela higa maneno gaambago, “Mlungu wamuhenda kukala ana haki,” tagayaandikirwa iye macheye,

1 Akorintho 12:7

Roho Mtakatifu nkumanyikana kpwa kumupha chila mutu uwezo kpwa fwaida ya afuasi a Jesu.

Agalatia 3:8

Maandiko gatabiri kala Mlungu andaapha haki atu asio kala Ayahudi kpwa kukuluphira. Wamtangazira Burahimu habari nono kuhusu Jesu chimbere achimuamba, “Makabila gosi duniani gandajaliwa kula kpwa uvyazio.”

Kumbukumbu 29:29

“Mambo ga siri ni ga Mwenyezi Mlungu, Mlungu wehu, ela gara ambago gakaikpwa wazi ni gehu na ana ehu hata kare na kare, ili hugbwire maneno gosi ga shariya hino.”

Kumbukumbu 4:36

Wakuhendani musikire sautiye kula mlunguni ili aweze kukutiyani adabu. Na hipha duniani achikuonyesani mohowe mkpwulu na mchisikira manenoge kula kahi-kahi ya hinyo moho.

2 Timothi 2:25

Hinyo atu ambao anakupingani, ni lazima muakanye kpwa upole. Chahi Mlungu andaagaluza mioyo ili atubu na kuelewa marifwa ga kpweli.

2 Timothi 4:2

Tangaza Neno ra Mlungu na dinisa kuritangaza, wakati ufwahao na usiofwaha. Na kpwa kuafundza atu na kuavumirira sana, uambire wazi makosa gao, uademurire na uatiye moyo.

Aeburania 11:1

Asena angu, kukuluphira ni kukala na uhakika kuhusu mambo ambago hunagagodzera gedze, na kukubali ukpweli wa mambo ambago tahugaona.

Aeburania 3:7

Phahi kama Roho Mtakatifu anavyoamba: “Rero, unaphosikira maneno ga Mlungu,

Aeburania 4:12

Mana ujumbe wa Mlungu u moyo na una nguvu sana. Tsona ni dza upanga urio na maso pande zosi mbiri, unaodunga kahi za mioyo na maroho gehu na kuganya vilungo vya mwiri na mafuha ga mifuphani. Piya ujumbe wa Mlungu unaweza kumanya maazo na nia za mioyo yehu.