2 Samueli 22:4 - Digo Bible

⁴ Námvoya Mwenyezi Mlungu astahiliye kutogolwa, naye achinitivya na maadui gangu.

2 Samueli 22:4 Iomraidhean Croise

2 Nyakati 20:22

Nao ariphoandza kuimba na kutogola, Mwenyezi Mlungu waika avamizi hiko kpwa atu a Amoni, a Moabu na a mwango wa Seiri, ambao kala akpwedzapigana na Juda nao achiturywa.

Nehemia 9:5

Sambi nyo Alawi, yani Jeshuwa, Kadimieli, Bani, Hashabuneya, Sherebia, Hodia, Shebaniya na Pethahiya achiamba, “Unukani mumtogole Mwenyezi Mlungu, Mlungu wenu wa kare na kare.” “Naritogolwe dzinaro renye nguma, dzina renye nguma kutsupa madzina gosi.

Zaburi 106:2

Ni ani awezaye kusemurira mahendo makulu ga Mwenyezi Mlungu, au kutangaza sifwaze zosi?

Zaburi 116:13

Nindamrehera sadaka ya uchi wa zabibu kpwa kunitivya, na nivoye kpwa dzinare ye Mwenyezi Mlungu.

Zaburi 116:17

Ndakulavira sadaka za shukurani na nivoye kpwa dzinaro uwe Mwenyezi Mlungu.

Zaburi 116:2

Kpwa vira ananisikira, nindamvoya siku zosi za maisha gangu.

Zaburi 116:4

Ndipho nchimvoya Mwenyezi Mlungu, “Ee Mwenyezi Mlungu, ninakuvoya unitivye.”

Zaburi 18:3

Námvoya Mwenyezi Mlungu astahiliye togo, naye achinitivya na maadui gangu.

Zaburi 34:6

Mgayi achimvoya Mwenyezi Mlungu, iye nkumsikira na akamtivya na tabuze zosi.

Zaburi 48:1

Mwenyezi Mlungu ni mkpwulu na anafwaha kutogolwa, kpwenye mudziwe urio kpwenye mwangowe mtakatifu.

Zaburi 50:15

alafu nivoya napho ukafikpwa ni shida, nindakukombola nawe undanitogola!”

Zaburi 55:16

Ela mino navoya Mlungu, naye Mwenyezi Mlungu andanitivya.

Zaburi 56:9

Hipho nikuvoyapho maadui gangu nkushindwa. Mino namanya kukala Mlungu a uphande wangu.

Zaburi 66:2

Imbani kuhusu utukufu wa dzinare, mlavireni sifwa za kumtogola!

Zaburi 96:4

Mana Mwenyezi Mlungu ni mkpwulu, naye anastahili kutogolwa; iye anafwaha kuogophewa kuriko milungu yosi.

Arumi 10:13

Higa ganagbwa sawa na Maandiko gaambago, “Mutu yeyesi ndiyemririra Mwenyezi Mlungu andaokolwa.”

Maono 4:11

“Bwana na Mlungu wehu, unafwaha kutogolwa, kuishimiwa na kukala na uwezo wosi. Mana uwe ndiwe yeumba vitu vyosi, navyo vyaumbwa na vinaishi kpwa kumendzako.”

Maono 5:12

Nchiasikira anaimba na hoyo, anaamba: “Hiye Mwana ngʼondzi ariyetsindzwa, nguma ni yakpwe, anafwaha kuishimiwa na kutogolwa, mana utajiri wosi na marifwa ni gakpwe, piya uwezo wosi ni wakpwe.”