2 Samueli 17:22 - Digo Bible

²² Ndipho Daudi na atu osi ariokala phamwenga naye aunuka, achivuka Joridani. Kuriphocha taphayakala na hata mmwenga wao ambaye kayavuka.

2 Samueli 17:22 Iomraidhean Croise

2 Samueli 17:21

Ariphokala akauka, hinyo atu atuluka himo chisimani, achiphiya kpwa mfalume Daudi, achimsemurira mpango wosi wa Ahithofeli kumuhusu chisha achimuamba avuke muho wangbwi.

2 Samueli 17:23

Naye Ahithofeli ariphoona kukala mashaurige tagakalungbwa, wapanda pundawe achiuka, achiphiya kpwakpwe kaya hiko kpwao mudzini. Bada ya kuika sawa mambo ga mwakpwe nyumbani, wadzisongola na achizikpwa phao vikurani.

2 Samueli 17:24

Daudi kala akaphiya Mahanaimu. Naye Abusalomu phamwenga na atu osi a Iziraeli kala avuka Joridani.

Zaburi 42:6

Moyo wangu unasononeka kpwa hivyo nakutambukira uwe Mlungu kula tsi kola muho Joridani, kula virere vya Herimoni kula mwango Mizari.

Misemo 27:12

Mutu wa achili nkuona hatari iredza akadzifwitsa, ela mzuzu nkudziinjiza mzima-mzima achaphaha tabu.

Isabu 31:49

achimuamba Musa, “Swiswi atumishio hukaolanga anajeshi osi ario tsini yehu na taphana hata mmwenga ambaye kapho.

Mathayo 10:16

“Phundzani! Nakuhumani mphiye, namwi mundakala dza mangʼondzi gaphiyago kahi ya mabawa. Kpwa hivyo kalani erevu dza nyoka na a pole dza njiya.

Johana 18:9

Higa gahendeka ili arigogomba wakati kala anavoya gatimiye, “Baba, osi urionipha siangamizire hata mmwenga.”