2 Samueli 17:10 - Digo Bible

¹⁰ Phahi hata iye ariye sujaa, mwenye moyo dza wa simba, andavudzala kpwa wuoga kabisa, mana Iziraeli osi anamanya kukala sowe na atu ario phamwenga naye piya ni masujaa.

2 Samueli 17:10 Iomraidhean Croise

Mwandzo 49:9

Juda, u dza simba makamo ambaye achimala kurya nyamawe, nikuuya phakpwe alalapho. Ukudziambalaza photsi dza simba. U dza simba marara, takuna awezaye kukuondosa.

2 Samueli 1:23

Sauli na Jonathani amendzwa na ahamira atu. Maishani wala chifoni taayatengbwa, akala epesi a mairo kuriko makozi gaurukavyo, akala na nguvu kuriko simba.

2 Samueli 17:9

Hivi sambi akafwitswa pangoni au phatu phanjina. Ichikala andatanguliya kukushambuliya, chila mutu ndiyesikira andaamba, ‘Atu anji alunganao na Abusalomu akaolagbwa.’

2 Samueli 23:20

Benaya, mwana wa Jehoyada kala ni sujaa kula Kabuseeli, ariyehenda mambo makulu. Ndiye ariyeolaga masujaa airi kula Moabu. Piya wakati wanjina wakpwendaolaga simba ndani ya dibwa wakati wa barafu.

Zaburi 89:19

Hipho kare wagomba katika ruwiya na mtumishio muaminifu, uchiamba, “Nkamupha nguvu sujaa mmwenga, Nkamupha cheo cha dzulu mmwenga ariyetsambulwa kahi za atu.

Kutsama 15:15

Akulu a Edomu akaogofyerwa. Vilongozi a Moabu akagbwirwa ni wuoga mkpwulu; atu osi asagalao Kanani akavundzika moyo.

Misemo 28:1

Atu ayi nkuchimbira dzagbwe taazoreswa, ela enye haki ni jasiri dza simba.

Wira wa Selemani 3:7

Lolani, ni Selemani anarehwa akaunulwa dzulu kpwenye kochire chiropambwa na mapaziya, masujaa mirongo sita akamzunguluka, Aiziraeli amanyao viha.

Isaya 13:7

Kpwa sababu hiyo, atu andakala na chiwewe na mikono indarejera.

Isaya 19:1

Hino ni ruwiya kuhusu Misiri. Lola, Mwenyezi Mlungu aredza Misiri dzulu ya ingu riphiyaro mairo. Ndiphotsembuka, vizuka vya Misiri vindakakama na Amisiri andasirirwa ni nguvu kpwa wuoga.

Ezekieli 21:15

Phahi atu andavundzika mioyo na anji afwe. Nindaika upanga kahi za maryango gao gosi. Uho wahendwa umeke-meke dza limeme, walaviwa uolage.

Kumbukumbu 1:28

Hunaambuka kuphiyaphi phahi? Naswi hukavundzwa moyo ni ndugu zehu ariphohuambira kukala atu a hiko ni akulu na are kuriko swiswi. Na kukala midzi yao ni mikulu na yenye kuta zinazofika mainguni. Piya aona gara madzitu makulu, ga chivyazi cha Anaki.”

Aeburania 11:34

achizimya jimbijimbi ra moho, na achitiya kuolagbwa na upanga. Kala ni anyonje ela achitiywa nguvu hata achishinda viha na kuzoresa majeshi kula tsi zanjina.

1 Samueli 16:18

Ndipho mmwengawapho wa atumishie achiamba, “Nkaona mwana mmwenga wa Jese, Jese mutu kula Bethilehemu. Ye mwana wa Jese ni sogora wa kupiga ngephephe. Barobaro iye ni sujaa, hodari wa viha, ana maneno ga busara, ni mutu wa sura nono, tsona mutu ambaye Mwenyezi Mlungu a phamwenga naye.”

1 Samueli 18:17

Chisha Sauli wamuambira Daudi, “Hipha phana hiyu mwanangu mvyere mchetu Merabu, nindakulóza tu napho undanihumikira kpwa usujaa, na upigane viha vya Mwenyezi Mlungu.” Mana Sauli waaza chimoyo-moyo, “Mkpwono wangu usimuolage, ela naakaolagbwe ni Afilisti.”