2 Samueli 16:12 - Digo Bible

¹² Chahi Mwenyezi Mlungu andalola mai gachigoniphaha, naye andaniripha manono kpwa ajili ya lana ninayolaniwa rero.”

2 Samueli 16:12 Iomraidhean Croise

2 Samueli 16:13

Phahi Daudi na atue aenderera kulunga yo njira. Shimei naye waenderera kunyendeka mchechemo wa hinyo mwango kulolana na Daudi kuno anamlani, anamtsuphira mawe na kumtefurira vumbi.

2 Afalume 19:4

Chahi Mwenyezi Mlungu, Mlunguo, wasikira maneno gosi ga mkpwulu wa jeshi ambaye wahumwa ni bwanawe mfalume wa Ashuru, kumkufuru Mlungu ariye moyo, naye Mwenyezi Mlungu, Mlunguo andamdemurira kpwa ajili ya maneno achigosikira. Voyera nyo ariosala.’ ”

Zaburi 10:14

Ela uwe unaona yo ziki na yo shida anayosababisha, nawe u tayari kuatiya adabu. Mnyonje anakuadamira uwe uwe ndiwe msada wa anachiya.

Zaburi 109:28

Ariche alani ela we unajaliya! Ariche aviha angu aphahe waibu, mtumishio naahererwe!

Zaburi 132:1

Ee Mwenyezi Mlungu mtambukire Daudi na tabu zosi arizokala nazo.

Zaburi 25:18

Lola mateso na ziki niphahazo na uniswamehe dambi zangu zosi.

Misemo 25:22

Uchihenda vivyo, undakala avi ukamhika makala ga moho, naye Mwenyezi Mlungu andakupha zawadi.

Misemo 26:2

Viratu mberya aurukavyo, ndivyo lana isiyo sababu nkuuruka, isigbwire mutu achiyekusudiwa.

Isaya 27:7

Mwenyezi Mlungu kakaitiya Iziraeli adabu kali dza arivyotiya adabu maadui gao, wala kakaaolaga anji dza arivyoolaga maadui gao.

Joeli 2:14

Ni ani amanyaye? Iye anaweza kugaluza nia na akakuonerani mbazi na akakujaliyani na mavuno hata mkaweza kumlavira Mwenyezi Mlungu, Mlungu wenu, sadaka za mtsere na za uchi wa zabibu.

Arumi 8:28

Hunamanya katika chila hali Mlungu nkuhenda kazi na atu ammendzao, arioihwa kulengana na mpangowe, ili chila chitu chikale chinono.

2 Akorintho 4:17

Mana tabu zehu chache hunazophaha kpwa muda zinahurehera nguma ya hata kare na kare inayoshinda tabu hizo zosi.

Kumbukumbu 23:5

Ela Mwenyezi Mlungu, Mlungu wenu, kayamphundza Balaamu; badalaye lana iyo yagaluka kukala baraka, kpwa sababu Mwenyezi Mlungu, Mlungu wenu, wakumendzani.

Kumbukumbu 23:6

Msiagbwire usena wala kuaterya ili aongokerwe maisha genu gosi.

2 Athesalonike 1:7

Tsona andakuoyezani na shida zenu, na zehu piya. Higa gandahendeka wakati Bwana Jesu ndiphola mlunguni phamwenga na malaikae a nguvu.

Aeburania 12:10

Mana hata baba zehu hipha duniani nkuhutiya adabu kpwa muda mchache kulengana na vira aonavyo vinafwaha. Ela Mlungu nkuhutiya adabu kpwa fwaida yehu enye, ili naswi hushiriki utakatifuwe.

1 Samueli 1:11

Waika naziri achiamba, “Ee Mwenyezi Mlungu, Mlungu wa majeshi, ichikala undaona higa mateso nriginago mimi mtumwao, na unijibu mavoyo gangu na uniphe mwana mlume, mwana iye nindamlavya kpwako uwe Mwenyezi Mlungu, akale wako siku zosi za maishage, na wembe taundaguta chitswache.”