2 Samueli 12:14 - Digo Bible

¹⁴ Ela, kpwa kukala kuhendako hendo hiri ukaapha aviha a Mwenyezi Mlungu nafwasi kulu ya kukufuru, mwana ndiyevyarirwa kpwa kpweli andafwa.”

2 Samueli 12:14 Iomraidhean Croise

2 Samueli 12:15

Naye Nathani achiuka achiphiya kpwakpwe kaya. Phahi Mwenyezi Mlungu wamrehera ukongo yuya mwana ambaye mkpwaza Uriya wamvyarira Daudi naye achilumwa sana.

Nehemia 5:9

Phahi naenderera kugomba nchiamba, “Vyo muhendavyo si vinono. Kpwani tammanya kukala ni mumuogophe Mlungu wehu, ili muzuwiye ufyozi wa maadui gehu a mataifa ganjina?

Zaburi 69:6

Usiriche hinyo akukuluphirao aphahe waibu kpwa sababu ya chigoniphaha, Ee Mwenyezi Mlungu, Mlungu wa majeshi, usiriche hinyo anaokuendza akakosa kuishimiwa kpwa sababu yangu, ee Mlungu, wa Iziraeli.

Zaburi 74:10

Ee Mlungu, adui andakutseka hadi rini? Dze, maadui andalaphiza dzinaro hadi rini?

Zaburi 94:12

Baha mutu umutiyaye adabu, ee Mwenyezi Mlungu, umfundzaye shariyayo,

Zaburi 99:8

Ee Mwenyezi Mlungu, Mlungu wehu, uwe waajibu, kpwao wakala Mlungu anayeswamehe, ela waatiya adabu kpwa makosa gao.

Isaya 52:5

Mwenyezi Mlungu anaamba, ‘Kuna fwaida yani atu angu achihalwa mateka tsona? Aho aatawalao anaabera,’ na anaenderera kulaphiza dzina rangu mutsi wosi.

Amosi 3:2

“Kahi za mataifa gosi ga duniani, nkakutsambulani mwimwi bahi. Kpwa hivyo nindakutiyani adabu kpwa dambi zenu zosi.”

Mathayo 18:7

“Shaka rani ro ra atu ahendesao ayawao akahenda dambi! Majaribu dza higo ni lazima gakale, ela shakare hiye ndiyegareha.

Arumi 2:24

Mana gaga ganagbwa sawa na Maandiko gaambago, “Atu asio kala Ayahudi anakufuru dzina ra Mlungu kpwa sababu ya mambo mai muhendago mwimwi Ayahudi.”

1 Akorintho 11:32

Ela huchiamulwa ni Bwana, anahufundza njira nono ili husedze akahuamula phamwenga na atu asiomkuluphira Mlungu.

Aeburania 12:6

Mana Mwenyezi Mlungu nkumtiya adabu ili kumlongoza vinono chila mutu ammendzaye, na nkumtiya adabu chila ariyemkubali kukala mwanawe.”

Maono 3:19

Mimi nkudemurira na kutiya adabu atu niamendzao. Phahi kalani na chadi, na mriche dambi.