2 Petero 3:12 - Digo Bible

¹² Siku iyo ya chiyama, mlunguni kundaphya, na vitu vyosi virivyo hiko vindatsatsamuka na moho viangamike. Ela siku hiyo, igodzereni kpwa hamu sana na hendani chadi siku iyo yedze upesi.

2 Petero 3:12 Iomraidhean Croise

Zaburi 50:3

Mlungu aredza na kakala zii, mbereze kuna moho mkali na phuto kali rikamzunguluka.

Isaya 24:19

Dunia ikavundzwa-vundzwa, dunia ikaahulwa-ahulwa, dunia ikasukpwa-sukpwa kpwa nguvu.

Isaya 34:4

Nyenyezi zosi mlunguni zindaangamika na mlungu undakundzwa dza jamvi. Chila chitu mlunguni chindagbwa dza makodza ga mzabibu chigonyala au ga mtini chigouma pho muhini.

Mika 1:4

Myango indamomonyoka tsinize, na madete ganaganyika pande mbiri dza mshumaa utsatsamukavyo ukalapho phephi na moho dza madzi gajeravyo upesi mteremukoni.

Mathayo 16:27

Mana mimi, Mutu Yela Mlunguni, ndakpwedza phamwenga na malaika angu. Ndakpwedza na utukufu ulao kpwa Baba. Na hipho ndipho ndiphomripha chila mmwenga kulengana na mahendoge.

Mathayo 16:28

Nakuambirani kpweli kukala, phapha phana anjina ambao taandafwa hadi amuone Mutu Yela Mlunguni, aredza kpwenye ufalumewe.”

Afilipi 1:6

Mlungu waandza kazi nono mwenu mioyoni. Nami nina hakika andaenderera nayo hadi Jesu Muokoli achiuya akale akaimala kabisa.

Tito 2:13

Higa ndigo maisha ganagolondwa wakati hunagodzera kpwa hakika kuuya kpwa Jesu Masihi na utukufu, iye ambaye ndiye Mlungu mkpwulu na Muokoli wehu.

2 Petero 3:10

Ela siku ya Bwana Jesu kuuya duniani indaangalaza atu kpwa kukala indakala gafula, dza viratu muivi aedzavyo. Wakati hinyo kundakala na ngurumo na mlunguni kundayaya na chila chitu chirichohimo chindaphya tsetsetse. Na dunia na vyosi virivyo mumo vindayaya piya.

2 Petero 3:11

Kpwa vira ambavyo vitu vyosi vindaangamizwa hivyo, mwino ni mkale atu a viphi? Dzilavyeni kpwa Mlungu na msagale masagazi gamhamirago.

2 Petero 3:4

achiamba, “Bwana Jesu walaga andauya. Vino yu kuphi? Kula baba zehu ariphofwa takuna chitu chirichogaluka. Chila chitu chinaenderera kukala dza vivyo kula phoumbwa dunia!”

2 Petero 3:7

Kpwa njira iyo-iyo ya nenore, Mlungu nkuhenda dzulu mlunguni na duniani hivi sambi vigodze, hadi ndiphoviangamiza na moho. Siku iyo ya uamuli, atu asiolunga malagizo ga Mlungu andaamulwa na kuangamizwa tsetsetse.

Juda 1:21

Kalani atu alongozwao ni mendzwa ya Mlungu, kuno munagodzera uzima wa kare na kare. Hinyo uzima ni wenu kpwa sababu ya mbazi za Bwana wehu Jesu Masihi.