1 Samueli 3:3 - Digo Bible

³ Taa ya Mlungu kala taidzangbwefwa. Samueli naye kala arere ndani ya hema ra Mwenyezi Mlungu, phephi na sanduku ra Mlungu.

1 Samueli 3:3 Iomraidhean Croise

2 Nyakati 13:11

Nao ligundzu na dziloni anamlavira Mwenyezi Mlungu sadaka za kuochwa na kufukiza uvumba wa kunukato. Mikahe mitakatifu nkuyiika dzulu ya meza ya zahabu swafi. Piya aho nkuasa taa zirizo kpwenye chinara cha zahabu chila dziloni, kpwa mana swino hunalunga malagizo ga Mwenyezi Mlungu, Mlungu wehu, ela mwino mwamricha.

Zaburi 27:4

Mimi navoya chitu chimwenga tu kpwa Mwenyezi Mlungu, na hicho ndicho ndichochiendza kukala nisagale Nyumba ya Mwenyezi Mlungu maisha gangu gosi, nilole unono wa Mwenyezi Mlungu, na nimuendze mumo.

Zaburi 29:9

Sauti ya Mwenyezi Mlungu inasumbisa mivure na kuhenda mihi yosi ya tsakani ikute makodza, wakati chila mmwenga ndani ya nyumba ya kuvoya Mlungu anaamba kpwa raka ra dzulu, “Nguma ina Mwenyezi Mlungu.”

Zaburi 5:7

Ela kpwa sababu ya unji wa mendzwayo nindainjira mwako nyumbani, na kuabudu kpwa kukuogopha ndani ya Nyumbayo takatifu.

Kutsama 25:31

Chisha Mwenyezi Mlungu achienderera kugomba na Musa achimuamba, “Undaunda chinara cha kuikira taa cha zahabu swafi yobandwa. Hako ra cho chinara, mgongowe wa kahi-kahi, mafundoge na maruwage ga kuchitiya marembo, naikale chitu chimwenga.

1 Samueli 1:6

Ye mchetu myawe wamuhendera chibako sana chiasi cha kumsononesa, kpwa sababu Mwenyezi Mlungu kala akamlafya uvyazi.

1 Samueli 1:9

Siku mwenga hiko Shilo, atu ariphokala akamala kurya na kunwa, Hana waunuka. Naye Eli, mlavyadzi-sadaka, kala asegere phakpwe chihini phephi na chizingiti cha nyumba ya Mwenyezi Mlungu.