1 Samueli 25:2 - Digo Bible

² Ko Maoni kpwakala na mutu mmwenga yekala na mali nyinji. Mutu iye kala ana malize ko mudzi wa Karimeli. Wakala ni mutu mkpwulu sana, mwenye mangʼondzi elufu tahu na mbuzi elufu mwenga naye wakati uho kala anakata nyoya mangʼondzige ko Karimeli.

1 Samueli 25:2 Iomraidhean Croise

Mwandzo 13:2

Buramu kala akakala tajiri wa mifugo, feza na zahabu.

Mwandzo 26:13

Waenderera kuongokerwa na achikala tajiri sana.

Mwandzo 31:19

Wakati wa kuuka, Raheli waiya vizuka ambavyo kala ni milungu ya ise. Labani mwenye kala achakata mangʼondzige nyoya.

Mwandzo 32:14

Watenga vitu hivi: Magoma ga mbuzi magana mairi, ndenje mirongo miiri, mangʼondzi machetu magana mairi, turume mirongo miiri,

Mwandzo 38:13

Tamari ariphoambwa, “Sowe-vyala anaphiya Timuna kpwendakata nyoya mangʼondzige,”

2 Samueli 19:32

Hiye Barizilai kala ni mtumia sana wa miaka mirongo minane. Iye kala ni tajiri sana na ndiye yemupha chakurya mfalume ariphokala Mahanaimu.

Ayubu 1:3

Kala ana mangʼondzi na mbuzi elufu sabaa, ngamia elufu tahu, ngʼombe elufu mwenga za kurima, punda achetu magana matsano na ahendadzi-kazi anji sana. Mutu iye kala ni tajiri sana kuriko atu osi a mlairo wa dzuwa.

Ayubu 42:12

Chisha Mwenyezi Mlungu achijaliya maisha ga badaye ga Ayubu kuriko maishage ga pho mwandzo. Achikala na mangʼondzi na mbuzi elufu kumi na ne, ngamia elufu sita, jozi elufu mwenga za ngʼombe za kurima na punda achetu elufu mwenga.

Zaburi 17:14

Mwenyezi Mlungu nitivya na hinyo ambao hipha sambi ana chila chitu alondacho. Atiye adabu na mateso urigoapangira, na ana aho aphahe zaidi ya higo, na ganjina gasazwe kpwa ajili ya adzukulu ao.

Misemo 30:22

Mtumwa anaphokala mfalume, mutu mzuzu napho akamvuna chakurya,

Joshuwa 15:55

Piya ahewa midzi ya Maoni, Karimeli, Zifu, Juta,

1 Samueli 15:12

Samueli warauka Ligundzu chiti ili akaonane na Sauli. Ariphofika hiko, waambirwa kukala Sauli akaphiya Karimeli, achadzidzengera mnara wa kumbukumbu, chisha badaye achiphiya vyakpwe Giligali.

1 Samueli 23:24

Hinyo atu a kula Zifu auka achimtanguliya Sauli kuuya kpwao. Naye Daudi na atue kala bado a hiko Maoni ko Araba, uphande wa mwakani wa weru wa Jeshimoni.

1 Samueli 30:5

Hara achetu airi a Daudi, Ahinoamu kula Jeziriili na Abigaili, ariyekala mkpwaza mfwadzi Nabali kula Karimeli, nao kala akahalwa mateka.