1 Samueli 1:8 - Digo Bible

⁸ Naye mlumewe kala achimuuza, “Unarizwa ni utu wani mkpwazangu? Kpwa utu wani ukazira kurya? Mbona unasononeka mwako moyoni? Vino mino simi bora kpwako kuriko ana kumi a chilume?”

1 Samueli 1:8 Iomraidhean Croise

2 Afalume 8:12

Hazaeli achimuuza, “Bwana wangu, mbona unarira?” Elisha wamjibu achiamba, “Kpwa sababu namanya mai ambago undaahendera atu a Iziraeli. Undaocha ngome zao na moho, na kuaolaga barobaro ao, undaakata ana aho vipande-vipande na achetu aho enye mimba undaahula.”

Ayubu 6:14

Iye aremaye kumuonera mbazi msenawe, anaricha kumuogopha iye Mwenye Nguvu Zosi.

Zaburi 43:4

Hipho ndaphiya phatu pha kulavira sadaka pha Mlungu, kpwa Mlungu ariye furaha yangu kulu nindakutogola kpwa ngephephe ee Mlungu, Mlungu wangu.

Isaya 54:1

Mwenyezi Mlungu anaamba, “Imba uwe uriye tasa, uwe ambaye kuvyarire. Kota kululu uimbe kpwa raha, uwe usiyemanya utsungu wa kuvyala, mana ana a ye mchetu ariyerichwa ni anji kuriko nyo a iye ariye na mlume.

Isaya 54:6

Mana Mwenyezi Mlungu andakuiha dza mchetu ariyerichwa ni mlumewe na achisononeswa moyowe, dza mchetu wa uhanani arichwavyo ni mlumewe, Mlunguo anaamba.

Johana 20:13

Hara malaika amuuza, “Mayo, unarizwa nini?” Naye achiamba, “Atu akamuusa Bwana wangu na simanya achikomuika.”

Johana 20:15

Achiamba, “Mayo, unarizwa nini? Unaendza ani?” Maryamu kala anaona ni muhendadzi-kazi wa pho mundani. Phahi achimuamba, “Bwana, ichikala ukamuusa uwe, niambira uchikomuika, nkamhale.”

1 Athesalonike 5:14

Enehu, hunakuhimizani mkanye atu avivu na mtiye moyo atu ambao afwa mioyo. Tsona mterye ayawenu ambao taadzangbwephera chiroho na mvumirire atu osi.

Ruthi 4:15

Mkpwaza-mwanao anakumendza na akakuhendera manji kuriko ana alume sabaa. Sambi akakupha mdzukulu ndiyekupha mkpwotse muphya na ndiyekuroroma siku za ukareo.”

1 Samueli 1:7

Mambo higo gaenderera vivyo chila mwaka. Chila wakati ariphophiya kpwenye nyumba ya Mwenyezi Mlungu, Penina wamnyetera. Phahi Hana warira na achizira chakurya.