1 Samueli 1:10 - Digo Bible

¹⁰ Hana kala ana sonono sana mwakpwe moyoni, achimvoya Mwenyezi Mlungu kuno anarira sana.

1 Samueli 1:10 Iomraidhean Croise

Mwandzo 30:1

Phahi Raheli ariphoona kavyala, wamuonera wivu mwanáo na achimuambira Jakobo, “Nipha ana, napho kundanipha nindafwa!”

Mwandzo 50:10

Ariphofika Atadi, phatu pha kuwagira mtsere, ngʼambo ya muho Joridani, afwererwa arira na raka ra dzulu kpwa sonono, na Yusufu achiika hanga siku sabaa.

2 Samueli 13:36

Ariphomala kugomba tu, ana a mfalume achiinjira, kuno anarira na raka ra dzulu. Mfalume naye warira na atumishie osi chiriro chikulu sana.

2 Samueli 17:8

Uwe unamanya kukala sowe na atue ni atu masujaa nao mwao mioyoni ana utsungu dza dubu achiyefutwa anae hiko weruni. Chisha sowe ni mutu hodari wa viha, kandalala phamwenga na atue.

2 Afalume 20:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Hezekiya achirira sana kpwa utsungu.

Ayubu 10:1

Ninabera maisha gangu, kulalama kpwangu ndakugomba chingʼangʼa, ndagomba utsungu wangu wosi wa moyoni.

Ayubu 7:11

Kpwa hivyo sindanyamala, nindagomba dzagbwe roho yangu inarumira, nindalalamika kpwa sonono ya rohoni.

Ayubu 9:18

Kaniricha angaa nisohe, ela ananihenda nkale na utsungu chila phatu.

Zaburi 50:15

alafu nivoya napho ukafikpwa ni shida, nindakukombola nawe undanitogola!”

Zaburi 91:15

Achiniiha, nami nindamuihikira, achikala tabuni, nindakala phamwenga naye, nindamuokola, naye andaishimiwa.

Misemo 14:10

Chila mutu nkumanya utsungu wa moyowe, takuna mutu wanjina awezaye kumanya kuhererwakpwe.

Isaya 38:15

Vivi sina ra kugomba; Iye wagomba nami, na iye mwenye akahenda higa. Siphaha usingizi tsona, kpwa sababu maisha gangu gakaodzala utsungu.

Isaya 54:6

Mana Mwenyezi Mlungu andakuiha dza mchetu ariyerichwa ni mlumewe na achisononeswa moyowe, dza mchetu wa uhanani arichwavyo ni mlumewe, Mlunguo anaamba.

Jeremia 13:17

Ela ichikala tamundaphundza, roho yangu indarira chisiri-siri kpwa sababu ya ngulu zenu, nindarira kpwa utsungu na kumwagikpwa ni matsozi, mana mangʼondzi ga Mwenyezi Mlungu gakahalwa mateka.

Jeremia 22:10

Msiririre mutu achiyefwa, wala msimsononekere ela mririreni iye aphiyaye tsi ya kure kpwa kukala kandaiona tsona tsi arikovyalwa.

Sonono za Jeremia 3:15

Iye akaniodzaza na utsungu, na kunilazimisha kumiza subiri.

Luka 22:44

Ela wasikira utsungu sana rohoni na achivoya Mlungu kpwa chadi zaidi. Achituluka jasho, na richitwena photsi dza matone makulu ga mlatso.

Aeburania 5:7

Ariphokala hipha duniani, Jesu wavoya sana Mlungu kpwa raka ra dzulu na kurira, mana kala anamanya kukala Mlungu ana uwezo wa kumtivya na chifo. Wamuogopha Mlungu kpwa chila njira, naye achiphokera mavoyoge.

Aamuli 21:2

Kpwa hivyo nyo Aiziraeli aphiya Betheli ambako akpwendasagala mbere za Mlungu mutsi wosi kuno anakota kululu kpwa sonono.

Ruthi 1:20

Achiamba, “Msiniihe Naomi, niihani Mara, mana Mwenye Nguvu Zosi akahenda maisha gangu gakale utsungu.

1 Samueli 1:11

Waika naziri achiamba, “Ee Mwenyezi Mlungu, Mlungu wa majeshi, ichikala undaona higa mateso nriginago mimi mtumwao, na unijibu mavoyo gangu na uniphe mwana mlume, mwana iye nindamlavya kpwako uwe Mwenyezi Mlungu, akale wako siku zosi za maishage, na wembe taundaguta chitswache.”

1 Samueli 1:9

Siku mwenga hiko Shilo, atu ariphokala akamala kurya na kunwa, Hana waunuka. Naye Eli, mlavyadzi-sadaka, kala asegere phakpwe chihini phephi na chizingiti cha nyumba ya Mwenyezi Mlungu.