1 Petero 5:8 - Digo Bible

⁸ Dzimanyirireni, tsona mkale matso wakati wosi. Mana Shetani, ambaye ni adui wenu, anaendza mutu amuolage chiroho, dza simba angurumaye na ndzala achiendza mutu amurye.

1 Petero 5:8 Iomraidhean Croise

Esta 7:6

Esta achiamba, “Adui wehu ahugayisaye ni hiyu Hamani hipha. Ni mui tamuna.” Hipho Hamani mwiri uchimuinjira mnyevu phapho kare mbere za mfalume na Malikia.

Ayubu 2:2

Mwenyezi Mlungu achimuuza Shetani, “Ulaphi?” Shetani achimjibu achimuamba, “Che nazunguluka-zunguluka ko duniani na kunyendeka hiku na kura kuko.”

Zaburi 104:21

Simba nkunguruma achikala anaindza, nkuendza chakurya chao kula kpwa Mlungu.

Zaburi 109:6

Muikire mviha wangu muamuli mui na ye amshitakiye naime mkpwono kulume.

Misemo 19:12

Tsukizi za mfalume ni dza ngurumo ya simba, ela mendzwaye ni dza manena garigo nyasini.

Misemo 20:2

Usiru wa mfalume ni dza simba angurumaye, mutu amtsukizaye anahatarisha maishage.

Misemo 28:15

Viratu simba angurumavyo au dubu ashambuliyavyo, ndivyo ahendavyo mutu mui anaphotawala achiya.

Isaya 50:8

Iye aniphaye haki yangu a phephi. Ni ani ndiyenishitaki? Adui wangu ni ani? Naadzituluze mbere hugbwirane.

Jeremia 2:15

Simba akamngurumira, mngurumo mkpwulu sana, akaihenda tsiiye chitsapi; midziye ni magandzo, taina atu.

Jeremia 51:38

Atue osi ananguruma dza simba, ananguruma dza ana simba.

Ezekieli 19:7

Achivundza ngome zao, achibananga midzi yao. Tsi na osi okala mumo aogopha kpwa sababu ya mngurumowe.

Ezekieli 22:25

Fitina za akulue zi ndaniye dza simba angurumaye kuno anamwamula nyama achiyemgbwira. Anaolaga atu. Nkuhala kpwa nguvu hazina na vitu vya samani, nkuenjereza jumula ya magunguge mumo.

Danieli 6:24

Chisha mfalume achilagiza nyo ariokala akamshitaki Danieli akarehwe. Arehwa phamwenga na ana aho na achetu ao, osi achitsuphiwa ndani ya dibwa ra simba. Nyo simba achiaurukira, achiamwamula-mwamula kabila taadzangbweguta photsi.

Hosea 11:10

Andamlunga Mwenyezi Mlungu, iye andanguruma dza simba, na angurumapho anae andakpwedza kula mtswerero wa dzuwa kuno anakakama.

Hosea 13:8

Nindaavamia dza dubu achiyefutwa anae, nindaahula vifuwa vyao. Na kuko nindaavwamukira dza simba, nindaamwamula-mwamula dza nyama wa tsakani.

Joeli 3:16

Mwenyezi Mlungu andanguruma kula Sayuni, mngurumowe undasikika kula Jerusalemu. Mlunguni na duniani kundasumba, ela Mwenyezi Mlungu andakala chimbiriro kpwa atue na ngome kpwa Aiziraeli.

Amosi 1:2

Amosi achiamba, “Mwenyezi Mlungu andaruruma kula Sayuni, andanguruma dza chiguruguru kula Jerusalemu; na weru wa kurisa arisa gandauma, na chirere cha mwango Karimeli chindanyala.”

Amosi 3:4

Dze, simba anaweza kunguruma tsakani, wakati kana nyama? Dze, simba mdide anaweza kurira phakpwe asagalapho, ichikala kagbwirire chitu?

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Zakariya 11:3

Phundzani cho chiriro cha arisa a atu mana marisa gao manono gakabanangbwa! Phundzani vyo simba angurumavyo, mana vitsaka virivyo kanda-kanda ya muho Joridani vikabanangbwa!

Zakariya 3:1

Chisha nchiona ruwiya yanjina na Mwenyezi Mlungu achinionyesa Joshuwa, mlavyadzi-sadaka mkpwulu, aimire mbere za malaika wa Mwenyezi Mlungu, na Shetani kala aimire uphande wa mkpwonowe wa kulume ili amshitaki.

Mathayo 13:39

Yuya adui ariyephanda mbondo ni Shetani. Mavuno ni wakati wa mwisho wa dunia, nao avunadzi ni malaika.

Mathayo 24:42

Phahi, dzimanyirireni mana tammanya siku ndiyouya Bwana wenu.

Mathayo 25:41

“Chisha nindaambira hara ario uphande wa kumotso, ‘Ukani mbere zangu mwimwi muriolaniwa! Phiyani moho wa kare na kare uriotengezerwa Shetani na malaikae.

Mathayo 4:1

Alafu Jesu walongozwa ni Roho Mtakatifu kuphiya hiko weruni ambako wakpwendajezwa ni Shetani.

Mathayo 4:11

Mara mwenga Shetani wamricha, na malaika achedzamterya Jesu.

Mariko 4:15

Mbeyu zanjina phokala zinaphandwa zagbwa njirani na zichiriwa ni nyama a mapha. Hivyo ni dza atu asikirao neno, na phapho hipho Shetani akedzarihala ro neno richirophandwa mwao mioyoni.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula

Luka 21:36

Kpwa hivyo Kalani matso wakati wosi, na mvoye ili mphahe nguvu za kugatsupira mambo gago ndigohendeka, tsona muweze kuima mbere za ye Mutu Yela Mlunguni.”

Luka 22:31

Alafu Jesu wagomba na Simoni Petero achimuamba, “Simoni, phundza! Shetani wavoya ruhusa Mlungu akujezeni, kuatenga aaminifu na asio aminifu, dza viratu mkurima aphehavyo nganu kutuluza makoya.

Johana 8:44

Kpwa kpweli mwimwi sowe yenu ni Shetani, namwi mkumendza kuhenda mai go alondago. Hangu mwandzo iye ni muolagi wala kamendze kpweli, kpwa sababu ye mwenye kana kpweli. Na chila agombapho handzo, nkugomba kulengana na asiliye, mana iye ana handzo na ni baba wa handzo.

2 Akorintho 2:11

Hwahenda hivyo ili Shetani asedze akahushinda kpwa werevu, mana hunamanyato uyi wa mipangoye.

Aefeso 4:27

wala msimuphe Shetani nafwasi akakushindani.

Aefeso 6:11

Vwalani silaha zosi za viha mhewazo ni Mlungu, ili mdzirinde na mipango mibaya ya Shetani ambayo ni ya chiwerevu.

1 Timothi 2:15

Ela achetu andaokolwa kpwa kuvyala ana, bora aenderere kukuluphira, kumendza atu, kuishi chitakatifu na kudziishimu.

1 Timothi 2:9

Piya nalonda achetu aonekane kukala na adabu nono na avwale nguwo nono za ishima. Tsona naasidzishuulishe kudzisonga nyere wala kudzipamba kpwa kuhumira vitu vya zahabu, vya lulu, na mavwazi ga gali.

1 Timothi 3:11

Vivyo hivyo, mchewe naye ni lazima akale wa kuishimiwa ni atu, asisengenye, akale mutu awezaye kudzikanya na akale muaminifu kpwa mambo gosi.

1 Timothi 3:2

Kpwa hivyo chilongozi ni lazima akale bila lawama, mutu wa mchetu mmwenga, awezaye kudzikanya, mwenye achili nono na ishima, akaribishaye ajeni, na awezaye kufundzato.

2 Timothi 4:17

Ela Mlungu wakala phamwenga nami na achinipha nguvu, ili niweze kutangaza chikamilifu ujumbewe kpwa atu osi asio kala Ayahudi, aphahe kuusikira. Phahi wanitivya ili nisiolagbwe.

Tito 1:8

Ni lazima akale mkaribishadzi ajeni, amendzaye mambo manono. Akale wa chiasi, mwenye haki, bila lawama, na awezaye kudzizuwiya.

Tito 2:12

Mbazi hizo zinahufundza kuricha kuishi bila kujali Mlungu na kuricha tamaa mbii za dunia, na kusagala maisha ga chiasi, ga haki, na ga kumuogopha Mlungu himu duniani.

Tito 2:2

Aambire atumia kukala analondwa akale atu awezao kudzikanya, a ishima, na a chiasi. Naadinise kukuluphira, kumendza ayawao, na kuvumirira.

Tito 2:4

ili aweze kuaelekeza achetu ambao achere adide amendze alume aho na ana ao.

Tito 2:6

Vivyo hivyo akalateni barobaro ili akale na chiasi.

Jakobo 4:7

Phahi, dzilavyeni kpwa Mlungu. Mpingeni Shetani naye andakuchimbirani.

1 Petero 1:13

Kpwa hivyo kalani atu a kufikiriya kabila ya kuhenda dzambo rorosi na mkale na chiasi. Kalani na tumaini ra wokofu wa Mlungu mndiophaha hipho Jesu Masihi ndiphokpwedzadzionyesa wazi.

1 Petero 4:7

Mwisho wa dunia u phephi, kpwa hivyo kalani na chiasi na kudzimanyirira katika gosi muhendago, ili muweze kuvoya.

Maono 12:10

Chisha nchisikira sauti kulu kula mlunguni yoamba, “Vivi wokofu, nguvu, ufalume wa Mlungu wehu na mamlaka ga Masihiwe gakafika. Kpwa sababu hiye Shetani ariyekala mbere za Mlungu kushitaki atumishi ayawehu usiku na mutsi vivi sambi wazolwa hiko mlunguni.

Maono 12:12

Kpwa hivyo hererwani, mwimwi mosi muishio hiko dzulu mlunguni! Ela shaka hiro dunia na bahari mana Shetani akatsuphiwa kuko tsini mriko. Vivi akatsukirwa sana, sababu akamanya kukala sikuze chizosala ni chache.”

Maono 12:9

Kpwa hivyo riro dzoka richitsuphiwa duniani. Naro ndiro rira dzoka ra kare riihwaro Ibilisi au Shetani richengaro atu osi ahende dambi. Richitsuphiwa duniani phamwenga na malaikae.

Maono 20:10

Ye Shetani ariyeachenga watsuphiwa ziya ra moho mkali sana wa chibiriti, phatu phariphotsuphwa ro dzinyama na ye nabii wa handzo. Nao kuko andateswa usiku na mutsi, hata kare na kare.

Maono 20:2

Phahi ye malaika warigbwira ro dzoka, yani yuyatu nyoka wa kare aihwaye Ibilisi au Shetani, achirifunga silisili na achiritsupha kuzimu. Pho mryangoni achiphafunga kufuli na kuphatiya ukaka, ili asedze akachenga tsona atu a mataifa ganjina gosi duniani. Naye Shetani andafungbwa miaka elufu mwenga. Bada ya muda hinyo kusira, ni lazima avugulwe kpwa muda mchache tu.

Aamuli 14:5

Phahi Samsoni watserera hadi Timuna phamwenga na Ise na nine. Ariphofika minda ya mizabibu ya mudzi wa Timuna, gafula Samsoni washambuliwa ni simba mdide.