1 Petero 2:1 - Digo Bible

¹ Kpwa hivyo, richani uyi wosi, handzo, unafiki na chidzitso, wala msilaumiane tsetsetse.

1 Petero 2:1 Iomraidhean Croise

Ayubu 36:13

Asiomuogopha Mlungu nkukala na tsukizi mwao mioyoni, hata aafungapho, taarira kulonda msada.

Zaburi 32:2

Baha mutu ambaye Mwenyezi Mlungu kamuisabira kukala ana dambi, ambaye kana handzo mwakpwe moyoni.

Zaburi 34:13

Phahi richa kugomba mai na usikale mutu wa handzo.

Zaburi 37:1

Usibabaishwe ni atu ayi, usionere wivu atu ahendao makosa.

Zaburi 73:3

Mana kala naaonera wivu hinyo anaodzikarya niriphoona atu ayi anaongokerwa.

Misemo 14:30

Moyo wa amani, nkumupha mutu uzima, ela chidzitso chinaihenda mifupha ya mwiri iole.

Misemo 24:1

Usiaonere wivu atu ayi, wala usikale na hamu ya kukala phamwenga nao.

Misemo 24:19

Usibabaishwe ni atu ahendao mai, wala atu ayi usiaonere wivu.

Misemo 3:31

Usimuonere wivu mutu wa fujo, wala usiige mwendowe.

Isaya 2:20

Siku iyo vyo vizuka vyao vya feza na vya zahabu ambavyo adzitengezera ili aviabudu, andavirichira kotso na manundu.

Isaya 30:22

Alafu vizuka vyenu vya feza na zahabu mundaviona dza najisi na kuvitsupha dza mademu ga nongo.

Mathayo 15:7

Mbavi mu anafiki mwi! Nabii Isaya wagomba kpweli kukuhusuni ariphotabiri ujumbe hinyu kula kpwa Mlungu.

Mathayo 23:28

Phahi namwi munaonekana atu a haki, ela ndani mukaodzala unafiki na uyi.

Mathayo 24:51

andamtiya adabu kali sana, na andamuika kundi mwenga na anafiki, ambako atu andarira na kusaga meno.”

Mathayo 7:5

Munafiki we! Andza kutuluza borti iriyo mwako dzitsoni, ndipho undaona vinono hata utuluze chifusi chiricho dzitsoni mwa myao.

Mariko 12:15

Ela Jesu wamanya lengo rao ra kpweli, achiamba, “Mbona munanipima achili? Hebu, nireherani pesa ya Chirumi, nami nindakuambirani.”

Luka 11:44

Shaka hiro, mana mu dza mbira zisizo na alama, ambazo atu nkunyendeka dzuluze bila ya kumanya uyi na lovu ririro himo.”

Luka 12:1

Wakati hinyo-hinyo, atu aodzazana maelufu na maelufu hata ichikala anasukumana. Phahi, Jesu wagomba na anafundzie kpwandza, achiaambira, “Dzimanyirireni na unafiki wa Mafarisayo, ambao ni dza hamira, ambayo ni ko kudzikarya kpwao.

Luka 6:42

Unawezadze kumuamba myao, ‘Hebu mwenehu, nikuuse chifusi mwako dzitsoni,’ kuno we mwenye kuona boriti ndzima mwako dzitsoni? Munafiki we! Andza kutuluza boriti iriyo mwako dzitsoni, ndipho undaona vinono hata utuluze chifusi chiricho dzitsoni mwa myao.”

Johana 1:47

Jesu ariphomuona Nathanieli anatsoloka, wagomba kumuhusu achiamba, “Ye edzaye ni Muiziraeli mwenye-mwenye, mana mwakpwe rohoni, kana handzo.”

Arumi 1:29

Aodzala chila aina ya uyi, uchoyo, udiya na chidzitso. Atu dza aho nkumendza kuheha, kugomba handzo, kuochera atu ngulu, na kusengenya. Ni aolagadzi,

1 Akorintho 14:20

Enehu, msiririkane mambo chanache. Maazo genu nagakale dza ga atu azima, ela kuhusu kuhenda mai, kalani dza ana atsanga.

1 Akorintho 5:8

Phahi nahusherekeeni Pasaka kpwa kuhumira mkpwahe usiotiywa hamira, mkpwahe wa uswafi na kpweli, si kpwa hamira ya kare, hamira ya uyi na ubaya.

2 Akorintho 12:20

Shaka rangu ni kukala ndiphokpwedza hiko kpwenu sindahamirwa ni higo muhendago, namwi tamundahamirwa ni vira ndivyokuhenderani. Nami silonda nchedza mkale mcherekuheha, kuonerana chidzitso, kutsukirirwana, kudzimendza, kufyakatsirana, kusengenyana, kudzikarya chipumbavu, na kuhenda fujo.

Aefeso 4:31

Phahi richani utsungu, usiru, tsukizi, kuheha, na kulaphizana. Takuna kuzirana tsona wala kuhenderana mambo mai-mai.

1 Athesalonike 2:3

Mahubiri gehu tagayategemea handzo au nia mbii hipho huriphokuambirani mumkubali Jesu, wala tahulondere kuchenga mutu yeyesi.

1 Timothi 3:11

Vivyo hivyo, mchewe naye ni lazima akale wa kuishimiwa ni atu, asisengenye, akale mutu awezaye kudzikanya na akale muaminifu kpwa mambo gosi.

Tito 2:3

Vivyo hivyo aambire achetu avyere asagale masagazi ga kumuhamira Mlungu. Analondwa asikale afyakatsi au alevi. Tsona afundze mambo manono,

Aeburania 12:1

Kpwa vira swiswi hukazungulukpwa ni kundi kulu ra mashaidi, nahuuseni chila chizingiti ambacho chinahuzuwiya, na hira dambi inayohugbwira dza mwiya wa chikpwata. Nahudiniseni kuzola mairo ambago ga mbere zehu kpwa kuvumirira,

Jakobo 1:21

Phahi, msihende tabiya mbii na mriche mahendo mai gosi tse! Dziikeni kpwa Mlungu na mkubali nenore kpwa upole. Watiya neno hiro mwenu mioyoni, na rinaweza kukuokolani.

Jakobo 3:14

Ela ichikala mioyo yenu yaodzala chidzitso, upindzani na utsungu, phahi msidzikudule mukaamba muna marifwa, munadzichenga.

Jakobo 4:11

Enehu, msilaumiane. Yeyesi amlaumuye myawe au kumuamula analaumu na kuilavya makosa Shariya. Kazi yenu siyo kulavya makosa Shariya ichikala i sawa, ela ni kuilunga.

Jakobo 4:5

Maandiko ganaamba, “Mlungu wamuhenda Rohowe aishi mwehu mioyoni naye anamendza hudzilavye kpwa Mlungu bahi.” Hebu mwi munaona tagana mana?

Jakobo 5:9

Msinungʼunikirane sedze mkaamulwa. Lolani! Muamuli mkpwulu a pho mryangoni!

1 Petero 2:16

Dzagbwe mu huru, ela msihumire uhuru wenu kuhenda mai ela sagalani dza atumishi a Mlungu alondwavyo kusagala.

1 Petero 2:22

Iye kayahenda dambi, wala kugomba handzo.

1 Petero 3:10

Higa ganagbwa sawa na vira Maandiko gaambavyo kukala: “Yeyesi anayelonda kusagala vinono na kukala na raha, ni ariche kugomba mai na asikale mutu wa handzo.

1 Petero 4:2

Chihivyo, masagazige gosi andaishi kulengana na vira Mlungu amendzavyo, wala siyo kulunga tamaa za mwiri tsona.

1 Petero 4:4

Hivi munalaphizwa ni hinyo asiommendza Mlungu, kpwa vira taaelewa kpwa utu wani tamlungana nao tsona kuhenda higo mai.

Maono 14:5

Nao taayagomba handzo, wala taana lawama yoyosi.