1 Johana 3:2 - Digo Bible

² Asena angu, vivi naswi hu ana a Mlungu, ela taimanyikana vira ndivyokala badaye. Ela hunamanya kala Jesu ndiphouya, hundakala dza iye, mana hundamuona vira arivyo.

1 Johana 3:2 Iomraidhean Croise

Ayubu 19:26

Na bada ya ngozi yangu kubanangbwa vivi, hata nchikala kpwenye mwiri uhu nindamuona Mlungu na matso gangu.

Zaburi 16:11

Unanionyesa njira iphiyayo uzimani. Nami nahamirwa kukala phephi nawe na uphande wa mkpwonoo wa kulume kuna manono siku zosi.

Zaburi 17:15

Ela kpwa vira ni mwenye haki, nindaona usoo. Ndipholamuka ndahererwa kukuona.

Zaburi 31:19

Unonoo ni munji na ukaikira hara anaokuogopha. Uwe ukuapha hara anaokuchimbirira, kuno atu osi analola. Kpwa kpweli hinyo anaokuogopha ukaaikira manono teletele, atu osi anamanya kukala u mnono na unaarinda vizuri hinyo anaokuchimbirira.

Isaya 56:5

nindaaikira kumbukumbu kahi za nyumba yangu na kuta zangu, na kuapha dzina nono kuriko hara ario na ana alume na achetu, dzina ridumuro ambaro tarindafutwa hata kare na kare.

Malaki 3:2

Ela ni ani awezaye kuvumirira iyo siku ya kpwedzakpwe? Au siku ndiphotuluka, ni ani awezaye kuima mbereze? Mana iye phahi ni dza viratu moho wa kueza vyuma, au sabuni iriyo na nguvu ya mfuli wa nguwo.

Mathayo 5:8

Baha ario na moyo swafi, mana andamuona Mlungu.

Luka 17:30

“Phahi, hivyo ndivyo ndivyokala siku mimi Mutu Yela Mlunguni ndiphouya himu duniani.

Luka 20:36

Kpwa kpweli taandafwa tsona, mana andakala dza malaika na ni ana a Mlungu, ahendafufulwa.

Johana 1:12

Ela osi ariomkubali na kumkuluphira, waapha haki ya kukala ana a Mlungu.

Johana 11:52

Tsona kandafwa kpwa Ayahudi bahi, ela piya ana a Mlungu osi ariotsamulwa tsi zanjina, ili aakusanye akale chitu chimwenga.

Johana 17:24

“Baba, hara urionipha, naaza akale nami ndiphokala, ili aone uwezo ambao wanipha. Uwezo huno wanipha kpwa sababu wanimendza kabila ya dunia kuumbwa.

Arumi 8:16

Phahi ye Roho anahuhakikishira ndani ya roho zehu kala swiswi hu ana a Mlungu.

Arumi 8:18

Mateso ga wakati huno sigaona chitu nchigalinganisha na nguma ambayo Mlungu andahupha badaye.

Arumi 8:19

Mana viumbe vyosi vinagodza kpwa hamu kumanyiswa ana a Mlungu.

Arumi 8:29

Mana Mlungu waamanya hangu mwandzo hinyo atu ndioatsambula kukala atue. Na achikata shauri andaahenda tabiya zao zikale dza za Mwanawe Jesu, ili Jesu akale mvyere wa ana osi a Mlungu.

1 Akorintho 13:12

Mana hipha sambi hunaona mambo chiwiriwiri dza chilolo ambacho tachionyesato, chisha badaye hundaona chila chitu chingʼangʼa. Sambi namanya chidide, ela badaye nindamanya chikamilifu dza viratu Mlungu animanyavyo.

1 Akorintho 15:49

Na viratu hurivyoigana na Adamu, mutu wa ulongo, vivyo hivyo hundaigana na Jesu, mutu yela mlunguni.

1 Akorintho 2:9

Kama Maandiko gaambavyo kukala, “Mambo ambago Mlungu watayarishira atu ammendzao, takuna mutu yeyesi ariyegaona wala ariyegasikira, tsona tagadzangbweinjira achilini mwa atu.”

2 Akorintho 3:18

Kpwa hivyo swiswi hosi ambao nyuso zehu zafwenulwa, hukueneza nguma ya Bwana dza nuru ya chilolo ili ionewe ni anjina. Na Bwana ambaye ni Roho, anahugaluza huigane naye, huphahe kueneza ngumaye zaidi na zaidi.

2 Akorintho 4:17

Mana tabu zehu chache hunazophaha kpwa muda zinahurehera nguma ya hata kare na kare inayoshinda tabu hizo zosi.

Agalatia 3:26

Mwimwi mosi mu ana a Mlungu kpwa kukala mwamkuluphira Masihi Jesu.

Agalatia 4:6

Sambi kpwa sababu hu ana a Mlungu, Mlungu wareha Roho wa Mwanawe mwehu mioyoni, naye Roho nkumuiha Mlungu “Baba!”

Afilipi 3:21

Andahumira uwezowe ambao unaweza kutawala chila chitu, ili agaluze hino miri yehu minyonje ifwayo. Andaihenda kama mwiriwe wa ajabu ariouphaha bada ya kufufulwa.

Akolosai 3:4

Ela Jesu ndiye chandzo cha maisha genu maphya, na siku achiuya hipha duniani na mwanga mkpwulu na utukufu, mundatsembuka naye na mkale dza iye.

Aeburania 9:28

vivyo hivyo, Jesu walaviwa sadaka limwenga ili ahale dambi za atu anji. Na andakpwedza kano ya phiri, si kpwa kuusa dambi, ela kuarehera wokofu hara amgodzerao kpwa hamu.

2 Petero 1:4

Kulengana na mambo manono ambago Mlungu wahuhendera ni kpwamba, wahuikira ahadize nono za chilagane. Huchiziphokera moyo kutsuka, hunaweza kudzitivya na tamaa mbii za dunia zinazohenda atu afwe chiroho, na hundakala anono dza ana a Mlungu.

1 Johana 2:28

Sambi anangu, endererani kukala phamwenga na Jesu, ili siku achedza hukale bila ya wuoga, wala husikale na sababu ya kudzifwitsa kpwa waibu.

1 Johana 2:7

Asena angu, higo malagizo ambago nakuandikirani sigo maphya, ela ni ga kare ambapho mwakala nago hangu mwandzo. Higo ni maneno ga Mlungu ambago mwagasikira kare.

1 Johana 3:1

Ririkanani vira Baba Mlungu arivyohumendza hata hunaihwa anae. Na kpweli hu anae, ela atu a dunia hino higo taanago, mana taamanya Mlungu.

1 Johana 3:10

Yeyesi asiyehenda mahendo ga haki au asiyemmendza mfuasi myawe, siye mwana wa Mlungu. Iyo ndiyo tafwauti ya ana a Mlungu na a Shetani.

1 Johana 3:21

Asena angu, ichikala maazo gehu tagana lawama, phahi, hunaweza kukala bila ya wuoga mbere za Mlungu.

1 Johana 5:1

Chila mutu aaminiye kala Jesu ndiye Masihi, Mlungu andamuiha mwanawe. Mutu yeyesi amendzaye Baba Mlungu anamendza anae piya.

Maono 2:28

Atu ndioshinda, nindaapha kombezi.

Maono 22:4

andamuona, na dzinare rindaandikpwa mwao vilanguni.