Matthæungundru 5:5 - Testamenta Marra 1897 (Dieri)

⁵ Murlali pirna, tana malti nganai, ngangau tanali mita maru ngamalkala nganai.

Testamenta Marra 1897 (Diyari)

⁵ Murlali pirna, tana malti nganai, ngangau tanali mita maru ngamalkala nganai.

Matthæungundru 5:5 Iomraidhean Croise

Matthæungundru 11:29

Pita wokara ngakani manianimai, ja ngakangundru kiririanau, ngangau ngani malti ja ngarali waka ngundrateriai, ja jura mankamankala nganai mungara ngara ngamala.

Matthæungundru 21:5

„Zionani ngatamurani kaukaubanimai: Mai, Kapara jinkani jinkangu wokarala wapaia malti, ja Nau dukateriai donkini ja kuparani potowaltanietjaia wolkani.“

Romalani 4:13

Ngangau wata jirijiribani jaurali Abrahamangu kara nunkani ngatamurani kara talpadakani jaura pantjina wonti, nau mita maruja maratunka maninietja nganananto, a‐ai, morlalu ngundranaia talkulali.

Galatalani 5:23

Tanangupini wata jirijiribani jaura nganai.

Ephesalani 4:2

Waka ngundraterinali ja malti pratjanali, ja manjujeli jura mandramalinanto ngantjanani.

Kolossalani 3:12

Jeruja widmaterianau Godaia kalkalkani ja kulikiri ja ngantjalu jeribaka: Ngarali kalumiltjamiltjarina, ngumu, waka ngundraterina, malti, manju;

I. Timotheungu 6:11

Jidni, Godaia kanajai, nunkangundru japa mindriau! Ja talkulani, Godani wodatarana ngamanani, morlalu ngundranani, ngantjanani, manjulani, maltilani karipaterintiau!

II. Timotheungu 2:25

Nulu manjujeli tatakanietja kurukurubananto, Godali tanangu madlentjandru karitjini jinkinanto kara morlaluja ngujamanaia,

Titungu 3:2

Tanali wata kulno ngirkibananto ja tirimalini pani nganananto, a‐ai, malti nganananto, ja manju ngumu pratjana kanani warupotuni wondraterinanto.

Jakobuni 1:21

Jendrangundruja murumuru pratjana ja tjilpi pratjana, tana tjikatjikandru punkai, woraranau, ja malti patanau ninapini jaura, ninaia Nulia jurangu kurana wonti, nauja ngurunguru nganai jurani mungara kulkala.

Jakobuni 3:13

Worana kiri ja milkila jurangundru nganai? Nulia wirarini ngumuni nunkanani ngankana nunkani wondramai kirilaia manjuni.

I. Petrungundru 3:15

A‐ai, Kapara Christus jurani ngarani kulikiri ngankanau. Milingeru ngankingaterianau jura pratjanani kalabananto, tanali jurangundru kalabani jaura ngundrai kalkanandru, nau jurangu nganai, maltieli ja japali.

I. Petrungundru 3:4

A‐ai, ngaraia kana kurukuru wata mudani tjirkatjirkaraterinali, jaola malti ja ngapunto, nau Godani ngumu pirna nganai.